Luku 20:25 - FỊAFỊA BAỊBỤLỤ

²⁵ Mie ḅụ Jizọsị nwẹnị ḅẹẹ, “Ọkọ ḅẹḅẹ ó Romu tomikiri mẹ daarị ḅọ ḅe nye kẹ ọ̀ pịrịị, tẹ sime Tamụnọ pịrị ye kẹ Tamụnọ pịrịị.”

Luku 20:25 Iomraidhean Croise

Egberima-Ẹkwẹn 24:21

Ị̀ tụḅọ, KỊNỊNYANAḄỌ ḅe ḍiki-ḅalafaa, pịkị amadaḅọ ḅe kụn. Kọngọ kụrọma ịn pịrịarị apụ na gbọrụ mịẹ sọ nyana ma;

Matiyo 17:27

Kụma wa wamịna atomi ma ịganịma ḅẹ ḅịa. Mie ḅụ, tọrụ mu tẹ arị koromaa. Tarị arị mẹ fị tẹ ị́ nụnụ pakama-ḅo ḅarị inji ḅe ḅịḅị-ḅio í igbigi ẹrị ḅa, ì nye na ọmịna nye na oso la ḅarịye. Ọkị mu wa oso ḅẹ igbigi mẹ gbẹẹ.”

Matiyo 22:21

Ịn nwẹnị pakịrị, “Romu Tomikiri mẹ daarị ḅọ ḅe tọrụkuḅu na, ẹrẹ na.” Mie ḅụ Jizọsị ịn ḅẹẹm, “Ọkọ ḅẹḅẹ iḅim, ó sime Romu Tomikiri mẹ daarị ḅọ ḅe pịrị ye kẹ Romu Tomikiri mẹ daarịḅọ ḅe pịrịị, pịkị sime Tamụnọ pịrị ye mẹ kẹ Tamụnọ pịrị.”

Makị 12:17

Anie ḅụ Jizọsị ḅẹẹm, “Iḅim, ọkọ ḅẹḅẹ, sime Romu Tomikiri mẹ daarịḅọ ḅe pịrị ye kẹ Romu Tomikiri mẹ daarịḅọ ḅe gbẹẹ, tẹ sime Tamụnọ pịrị ye kẹ Tamụnọ gbẹẹ.” Tẹ ịn nwẹnị Jizọsị gotẹ ḅụụ-gbiripu.

Luku 20:24

“Ó mu seleḅa igbigi mẹ kẹ ḅo à ḍiki. Anị ḅụ tụḅọ tọrụ na ẹrẹ na emi?” Ịn nwẹnị pakịrị, “Romu tomikiri mẹ daarị ḅọ ḅe nye.”

Fịrịmẹnjịapụ 5:29

Pita na osi afịrịmẹnjịapụ ma na nwẹnị pakịrị: Tamụnọ ḅịḅị sikima tẹ wa tomina ḅịḅị poki ḅịa.

1 Kọrịntị 10:31

Iḅim, kụma ị́ mịẹarị ye, mịẹarị ye sọ, ị́ fị-aro, í ḅuu-aro anịmgba kẹ ebube kẹ Tamụnọ pịrị ḅẹ ḅara mịẹ.

1 Pita 4:11

Ḅẹḅọ-ḅẹḅọ tẹ Tamụnọ ẹkwẹn kọn-arị ḅọ, mḅọ Tamụnọ oku ma ḍukoo; ḅẹḅọ-ḅẹḅọ tẹ fịrịmẹnjịarị ḅọ mḅọ Tamụnọ kẹ mḅọ pịrịarị ịnyọ ḅụ mẹnjịị, mịẹtẹ ye mamgba ḅụ tomi Jizọsị Kịrayịsị ḅụ ḅọrọ tẹ Tamụnọ tokini ḅẹ ḅara, anie ebube na kụrọ na sime pịrị ḅọ ḅe, mu ḅẹ sakị, ḅẹ sakị la. Amẹnị.