Luku 20:23 - FỊAFỊA BAỊBỤLỤ

²³ Kụma Jizọsị nwẹnị in tii-arị epele mẹ lekiri tẹ ịn ḅẹẹ,

Luku 20:23 Iomraidhean Croise

Devidi-Anume 95:9

Anịjụ ini ị̀ daaḍiki tẹ ẹrị ḅẹm, tụkụmaye ini à kọrị ịn pịrị tẹ ye ẹrị tẹ sọ.

Matiyo 16:1

Farịsiiapụ ma na, Sadusiiapụ ma na ḅụ ḅẹ ja apụ Jizọsị ḅịḅị paka ḅẹ ye ḍọkị ḅẹ mum, mie ḅụ ịn nwẹnị ọ̀ ḅara ḅụụ-buamaye ḅii, ịn kẹ Tamụnọ kẹ ọ̀ kẹ ye-sịnm nwẹn ḅẹẹ ye nimi ḅarịye.

Matiyo 22:18

Anịtẹso, Jizọsị ịn nyana si kuroma mẹ lekiri tẹ ịn ḅẹẹm, “Ọmịnị mịẹ tomi ḍie atomii! Ó tiegotẹ ị̀ da-mu ḅụụ-fụka ḅio suu ḅẹ ḅọkọ ḍọkịarị?

Luku 20:20

Miemẹ ḅụ ịn nwẹnị ini na-iḅi ḅẹ sakị ḍọkị. Ini ọḅụ kẹ ja atomi pịrị fịm mịnẹ ini ịna ḅụụ kẹ ó ḍukamẹnjịarị karakara atomi elekima, tẹ ini ịn kẹ fịrịma tẹ in mu ọ̀ ḅịḅị ḅụ ye naa ḅo, tẹ ịn kẹ ọ̀ kẹ Romu ḅẹ Ḅẹrẹtọnḅọ ḅe opu kụrọ ḅara-ḅio suu ḅẹ ḅara, kịrị-kịrị aị kẹ Jizọsị gbela ḅụ.

Luku 20:22

Ḍuko wa pịrị, ama oso Romu tomikiri mẹ daarị ḅọ ḅe pịrị mẹ wamịna Oloko na kura mụnọọ kura-a?”

Luku 20:24

“Ó mu seleḅa igbigi mẹ kẹ ḅo à ḍiki. Anị ḅụ tụḅọ tọrụ na ẹrẹ na emi?” Ịn nwẹnị pakịrị, “Romu tomikiri mẹ daarị ḅọ ḅe nye.”

Luku 5:22

Jizọsị ịna akuroma nimim ẹrẹsị ori ịn ḅẹẹm, “Ó tiegotẹ nwẹn sime aị kuromarị?

Luku 6:8

Kụma Jizọsị ịna akuroma nimi wararị ḅara ḅụ ọ̀ nwẹnị tomḅọ ḅe ḅẹẹ, “Saakị sịẹ tẹ mẹnjị mịanga tọrọkọ ḅoo.” Tomḅọ ḅe nwẹnị saakị tẹ mu anịanga sịẹsime.

Fịrịmẹnjịapụ 13:10

tẹ ḅẹẹ, “Ị́yẹrị Ekwesu ḅe tụḅọ! Í iḅiye goyegoye na fịya-a. Si epele goyegoye ị́ ḅụụ ḅio kara wararị, tẹ sakị mamgba í ḅiiarị ị́ KỊNỊNYANAḄỌ ḅe karakara ẹkwẹn ma pịkị tẹ kẹ iruo aị sọma!

1 Kọrịntị 10:9

Wa KỊNỊNYANAḄỌ ḅe daaḍiki ma, ịna ḅụ ḅẹ ja apụ mịẹ ḅara — tẹ tọnwa oronwi ḅo ịn gbọn ḅaa gulugulumam.

1 Kọrịntị 3:19

Kẹ gotẹ ọkọ ḅẹẹarị, tomi kẹ nimi sịn-arị ye mẹ anie Tamụnọ tọrọkọ oḅori ye. Anie Fịafịa Ḍiri mẹ ḍukoarị ḅara, “Tamụnọ tomikiri ḅẹ ye-nimiapụ ma kun sịẹma tẹ ịna aka na epele na ḅụ”;

Ẹfisọsị 4:14

Anịsakị wa ḅarị ḍọkọḍọkọ kala awọmẹ kịka tẹ tomi ḅịḅị finji tẹ ḍuko ye ḍuko ye, ọnụngọ na fẹrụ na sọ tẹ wa kẹ gbin ama-ḅara na ere-ḅara na da ḅịa, anie oḅori kẹ kịnị sịn ye tolumapụ, tẹ ịna aka na epele na ḅụ ja apụ da irimarị apụ ma kuroma ḅoarị aị ma.

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.