Luku 20:22 - FỊAFỊA BAỊBỤLỤ

²² Ḍuko wa pịrị, ama oso Romu tomikiri mẹ daarị ḅọ ḅe pịrị mẹ wamịna Oloko na kura mụnọọ kura-a?”

Luku 20:22 Iomraidhean Croise

Ẹzịra 4:13

Yee mịọkụ anị Amadaḅọ ḅe nimi tẹ ye sọ mịnẹ, in siin mị opu ama mẹ nama, tẹ onu ma nama famam ḅẹḅẹ, in ḅarị sịẹ kẹ jen sịẹ gbẹẹarị igbigi, anịanịa fịrịma-ḅo ngọ sịḅị ḅẹ igbigi anịanịa mẹnjị-ḅọrọ opu etela ḅụ gbẹẹ igbigi gbẹẹ ḅịa tẹ sọ-ḅo amadaḅọ pịrị, pịrị igbigi mẹ daasịẹ ḅa.

Ẹzịra 9:7

Wamịna aḍapụ ma ene ma ḅụ ḅo mịmgba la, wa gburo-gburo ḅara kẹ mịẹ gbẹẹ-a aị ḅio sime tẹẹ, anịsakị wamịna mịẹ-irima ma gotẹ, wamịnị na, wamịna amadapụ na, wamịna agbamịẹapụ na, mu ama mẹ ḅẹ amadapụ ma ḅara na, okologie na, kun-ḅara na, kụrọ-ḅara kẹ ye fọịn-ọkị na, mịẹḅẹ-ọkụ-ofori ḅẹ ḅụụ-jịrị na ḅio sọm, mịmgba ḅụ sọ wa paa simearị ḅara.

Nehimaya 5:4

Ja apụ pịkị emi tẹ ḅẹẹm, “Wa wamịna apiri na, wamịna kụrọ aḍụọ sịḅị ḅụ, amadaḅọ ḅe ama oso igbigi ḅụ igbigi ḅọlọm.

Nehimaya 9:37

Anị ḅụ paka-ḅo tọnwa aị ma, wamịna si gotẹ arị so ị́ kẹ wamịna amadapụ mịẹ apụ ma ḍọkụma-muarị; wamịna-aḅụụ na wamịna anama na ḅụ sọ, ini ịna ḅụụ-ḅẹlẹ ḅara kẹ kụrọ-a kọn-arị, tẹ wamịnị opu ḅụụ-ḅalaḅala ḅụ emi.”

Matiyo 17:25

Pita nwẹnị pakịrị, “Ọ̀ gbẹẹ gbẹẹm.” Pita warị sọ mu sakị, amụ ori ẹkwẹn-a ogbo, Jizọsị ò gbelam, “Sayịmọnị, ndẹẹ í kuroma ḅara? Tọ apụ oso Ḅẹrẹtọn-apụ pịrị-pịrị kịrị-kịrị oso aị ma gbẹẹ na-iḅi, ama ḅẹ furo awọmẹ mụnọọ, ja asịẹ ḅẹ apụ tẹ ama mẹ ḅio angarị apụ?”

Luku 20:21

Mịna epele atomi ma nwẹnị Jizọsị ḅẹẹ, “Ye-tolumaḅọ, wa nimim mịnẹ ị́ ẹkwẹn na í tolumaye na karakaram. Wa nimim í tomḅọ la opu kiri bala-a, kụma Tamụnọ tọn tomḅọ pịrị karakara mẹ kịngẹ mie í tolumarị ye.

Luku 20:23

Kụma Jizọsị nwẹnị in tii-arị epele mẹ lekiri tẹ ịn ḅẹẹ,

Luku 23:2

tẹ saakị ḅẹrẹ ḍuko, ḍuko ọ̀ sịḅị gbana anịanga ḅụ; ini mẹẹ, “Wa ḅị tomḅọ ḅe kunm ori ẹkwẹn tẹ kẹ wamịna atomi sịḅị ḅio pikirimarị ogbo, mịnẹ ịn ḅarị ama igbigi oso Romu tomikiri mẹ daarị ḅọ ḅe pịrị ma, tẹ pịkị ḅẹẹarị mịnẹ ori anie Mẹsaya ḅe ḅioju, anie fiearị ye, amadaḅọ.”

Fịrịmẹnjịapụ 5:37

Anịtẹso, kịnị kịẹn sakị mẹ ḅụ, Galili ḅẹ Judasị sịḅị tolumam; ori sọ tomi nyana lamam, kụma ini ọ̀ ḅaa gbọrụ sakị ò ḍukamẹnjịapụ mamgba gala-gala famam.

Romu 13:7

Anie ḅụ ọmịnị ịna ḅara ọlọ ye emi-emii, ọ́ kẹ ịn gbẹẹ, tomḅọ sịḅị, sịḅị osoarị igbigi-o, tomḅọ nyana-ye ḅụ mḅọ kẹ ama gbẹẹ ḅẹ ye-o, ọ́ gbẹẹ, tẹ pịkị mangịma na kụn na sọ kẹ inimgba pịrịị.

Ditẹrọnọmị 17:15

Anị ḅọ mẹ tẹ KỊNỊNYANAḄỌ ọmịna tamụnọ ḅe sẹlẹ-ọkị ḅarị ḅọ mẹ mie karakara ḅara ḅụ ọ́ kẹ ọmịna sịḅị-dama ḅarịye. Ọmịna amịnapụ ma ogbo-ḅio ḅẹ gbọrụḅọ mie ọ́ kẹ ọmịna sịḅị-dama ḅarịye. Ó jen sịẹ ḅẹ igoniḅọ tẹ ọmịna iyimbere-a ḅọ kẹ inetẹ ọmịna sịḅị-dama ma.