Luku 20:21 - FỊAFỊA BAỊBỤLỤ

²¹ Mịna epele atomi ma nwẹnị Jizọsị ḅẹẹ, “Ye-tolumaḅọ, wa nimim mịnẹ ị́ ẹkwẹn na í tolumaye na karakaram. Wa nimim í tomḅọ la opu kiri bala-a, kụma Tamụnọ tọn tomḅọ pịrị karakara mẹ kịngẹ mie í tolumarị ye.

Luku 20:21 Iomraidhean Croise

2 Paka-aị 19:7

Anịsakị, yee KỊNỊNYANAḄỌ ḅe mangịma mẹ ọmịna ọgọnọ gbana; ọ́ ḅụụ ẹbị nyana-a, ọmịna amịẹaị goyegoye ḅụ, kẹ gotẹ ọkọ ḅẹẹarị, KỊNỊNYANAḄỌ wamịna Tamụnọ ḅe ḅụụ karakara pịkị-iḅo, anịanịa kịnị-inoma, anịanịa ọḅụ-fị ofori.”

Jobu 34:19

oriḅe tẹ aḍụa nyana amadapụ owiapụ-awọmẹ ma pịrị-a ḅọ, anịanịa alaḅọ ḅe kẹ ye sịn igoinḅọ ḅe nẹngị-a ḅọ, inimgba ori aḅara ḅẹ kọrịnama mẹ ẹrẹsị?

Devidi-Anume 12:2

Inimgba iruo jụmọ-jụmọ pịrịarị: ịn kịnị furuma-ẹkwẹn kẹ oḅori kẹ ọrụḅọ-ọrụḅọ sịn-arị.

Devidi-Anume 55:21

Ori ẹkwẹn lọkọ bọta nẹngịm, kụma ò ḅioḅẹngbọ ḅụ ḍiki-ḅioḅu simem; ori ẹkwẹn olo sịnịnị ḅara sịnịnịm, kụma anị okologie oḅu ḅara oḅum.

Matiyo 22:16

Anịtẹso ịn nwẹnị in ḍukamẹnjịapụ ḅẹ jen-apụ na Ẹrọdị pakịrị ḅẹ apụ na kẹ ọ̀ fịrịma. Ịn nwẹnị ọ̀ ḅẹẹ, “Ye-tolumaḅọ, wa nimim mịnẹ ị́yẹrị anie karakara mẹ ḍukoarị ḅọ. Tamụnọ tọn tomḅọ pịrị ye mẹ ḅẹ karakara mẹ mie í tolumarị ye, tomi kuromarị ye bala-a ḅara, gbala í tomḅọ la kiri ḍiki ye mịẹ-a ẹrẹsị.

Makị 12:14

In ḅo Jizọsị la tẹ ḅẹẹm, “Ye-tolumaḅọ, wa nimi wararị mịnẹ karakara mẹ mie í ḍukoarị, tomi kuromarị ye gotẹ ḅụụ-ḅaa ḅara ḅụ. Í tomḅọ la kiri bala-a, kụma Tamụnọ tọn tomḅọ pịrị ye mẹ ḅẹ karakara mẹ mie í tolumarị. Ḍuko wa pịrịị, ama igbigi oso kẹ Romu Tomikiri mẹ daarịḅọ ḅe gbẹẹ mẹ wamịna Oloko na kura? Wa gbẹẹ na-iḅi mụnọọ wa gbẹẹ na-iḅi-a?”

Luku 20:20

Miemẹ ḅụ ịn nwẹnị ini na-iḅi ḅẹ sakị ḍọkị. Ini ọḅụ kẹ ja atomi pịrị fịm mịnẹ ini ịna ḅụụ kẹ ó ḍukamẹnjịarị karakara atomi elekima, tẹ ini ịn kẹ fịrịma tẹ in mu ọ̀ ḅịḅị ḅụ ye naa ḅo, tẹ ịn kẹ ọ̀ kẹ Romu ḅẹ Ḅẹrẹtọnḅọ ḅe opu kụrọ ḅara-ḅio suu ḅẹ ḅara, kịrị-kịrị aị kẹ Jizọsị gbela ḅụ.

Luku 20:22

Ḍuko wa pịrị, ama oso Romu tomikiri mẹ daarị ḅọ ḅe pịrị mẹ wamịna Oloko na kura mụnọọ kura-a?”

Jọnị 3:2

Gbọrụ ḍin ḅụ ọ̀ Jizọsị dama-mu tẹ ọ̀ ḅẹẹm, “Rabayị, wa nimim anie Tamụnọ ḅarana kẹ fịrịma ye-tolumaḅọ. Gbọrụḅọ-sọ inetẹ ị́ mịẹarị ḅụụ-buama-aị ma mịẹ ḅịa Tamụnọ mḅọ na emi sikima tẹ.”

2 Kọrịntị 2:17

Wa tọnwa, tọnwa ja apụ ḍikima tẹ Tamụnọ ẹkwẹn mẹ kẹ yela-a dẹrịye sọma-a, kụma Tamụnọ wa fịrịmam ẹrẹsị wa Kịrayịsị fịrịmẹnjịapụ ḅara kẹ ọ̀ tọrọkọ tẹmẹ la ḅara kẹ ẹkwẹn mẹ kọn-arị.

Galesiya 1:10

Miemẹ à kẹ tomina tọrọkọ iḅi ọkị ḅẹ ḍọkịarị ye kịkarị ḅoto ọmịna ḅụụ? Gbala-gbala ọkọ-a! Tamụnọ ḅụụ-ḅẹlẹ ḅẹ ye mie à ḍọkịarị! À tomi kẹ ị̀ kẹ iḅi ḅọ sịn ḅẹ ye ḍọkịarị aro? À nwẹnị ọkọ sime ye mịẹ ḅẹ ḍọkịarị ḅẹḅẹ, anie à ḅarị Kịrayịsị fịrịmẹnjịḅọ sọ-a.

Galesiya 2:6

Kụma anị sakị sịḅịda ḅara sime apụ ma — à gotẹ ọkọ ḅẹẹarị, ini tapụ-o tapụ-o, ị̀ ḅụụ anị kịrị nyana-a; Tamụnọ tọrụngbọ kẹ ḍiki tẹ ye simearị ḅara ḍiki ḅẹrẹkọn-a — à ḍukoarị, nwẹn ḅẹẹ sịḅịdapụ ma kẹ ì ḍie gbọrụ ịwọ ye sọ ofori.