Luku 20:17 - FỊAFỊA BAỊBỤLỤ

¹⁷ Jizọsị nwẹnị in ḍiki tẹ ḅẹẹ, “Fịafịa Ḍiri mẹ ḅẹ ẹkwẹn mẹ ḅọrọ tiye fiearị?” Warị nama apụ ma kẹ iḅi-a ḅẹẹ tẹ saakị anga pịrị ḍụḅarị mẹ, ḅo pịkị iḅitẹịn ye sọ tẹ.

Luku 20:17 Iomraidhean Croise

Devidi-Anume 118:22

Warị nama apụ ma ye ḅụ ofori ḅara kẹ sịkị ḍụḅarị mẹ ḅo arịmgba ḅụ kụrọ nyana tẹịn ye sọ tẹ.

Ayịzaya 28:16

Mie mịọkụ Tẹịn ḅẹrẹtọn KỊNỊNYANAḄỌ ḅe ḍukoarị ye, “À Zayọnị ḅụ jike ḅịa kụrọtẹ suku-saakịarị. Anị ḅụ arị anyị-anyị-a ḍụḅarị kẹ ịkọlị mẹ ḅụ sụarị, anie ma ẹkwẹn-aḅịḅị ma tẹ kẹ wararị aị ma, jike-jike-a minini mẹ pịkị ye-inemarị!

Zẹkaraya 10:4

Ịna ogboku ḅụ ḅẹrẹtọn-apụ na, sịḅịdapụ na, ọmụ-ogbo ḅẹ sịḅịdapụ na paka-ḅo tẹ ị̀ atomi gọvịna sọ ḅa.

Zẹkaraya 3:9

À sọnọma akuḅu sụa ḍụḅarị kẹ Jọsụwa tọrọkọ koromarị. Àrị anị ọgọnọ ye sọkị kẹẹ ḅa, tẹ kpọkpọ gbọrụ ene ḅụ à mị amakiri mẹ ḅẹ si mẹ saakị siin ḅa.

Matiyo 21:42

Jizọsị nwẹnị ịn gbela, “Fịafịa Ḍiri mẹ ḅio kẹẹ wararị ye mẹ jen ene amụ ó go-a?” Warị nama apụ ma kẹ mịẹ-mịẹ ye ofori ḅẹẹ tẹ sịkị ḍụḅarị mẹ ḅo arịmgba ḅụ kụrọ nyana tẹịn ye sọ tẹ. Miemẹ KỊNỊNYANAḄỌ ḅe kọrị ye tẹ anị ḍiki kụma, anị kpọma ḅụụ-buamam!

Makị 10:23

Jizọsị nwẹnị ò ḍukamẹnjịapụ ma ḍiki ikelema tẹ ịn ḅẹẹ, “Ngọ-kọnapụ ḅo Tamụnọ Ama-da suku-ḅio simearị atomi sọ mẹ kpọma ḅụụ-fụkama lama ḅa!”

Makị 12:10

Piki-pikiye-ofori ḅara ḅụ miemẹ ó goo tẹ Fịafịa Ḍiri mẹ ḅio: “Warị nama apụ kẹ mịẹye ḅụ sọ-a ḅẹẹ tẹ sịkị ḍụḅarị mẹ pịkị ḅo arịmgba ḅụ kụrọ nyana tẹịn ye sọ tẹ.

Makị 3:5

Jizọsị in ḍiki ikelema tẹso, ọ̀ nwẹnị ịganị, kụma anị gbọrụ sakị mẹ ḅụ ọ̀ pịkị in ḍiki sịḅị-jịrịm, ịn kpọma kọngọ-kụrọma tẹ pịkị kuraye mịẹ-a ẹrẹsị. Anịtẹso ò tomḅọ ḅẹ ḅẹẹm, “Ị́ ḅara sụn-pakamaa.” Ori anị sụn-pakama tẹ anị gwọ tẹ tarị anị sime-ḅara simem.

Luku 19:41

Ò ḅo opu ama mẹ kpeki tẹ anị ẹrị tẹso, ọ̀ nwẹnị anị gotẹ owu,

Luku 22:37

Yẹrị ḍuko ọ́ pịrịarị, mịnẹ Fịafịa Ḍiri mẹ ḍuko ye mẹ, ‘Ini ịn kẹ si-mịẹapụ mịẹ-mịẹ ḅara kẹ ọ̀ mịẹm,’ ḅẹẹ ye mẹ ị̀ ḅụụ paka ḅa, ị̀ ḅụụ kẹẹ ye mẹ paka ḅẹ ẹrẹsị.”

Luku 22:61

KỊNỊNYANAḄỌ ḅe nwẹnị vuunma pịkị tẹ bio-bioma Pita ḍiki, tẹ Pita nwẹnị KỊNỊNYANAḄỌ ḅe kẹ ọ̀ ḅẹẹ ye mẹ kẹ ḅiokoroma, “Tẹrẹmẹ ọḅọkọ paan mị ḍin, ị́ tẹra sakị kẹ í ì nimim mẹ pịkị ḅa.”

Luku 24:44

Anịtẹso ọ̀ nwẹnị ịn ḅẹẹ, “Ma ma anie àrị ọmịnị na simearị sakị à ḍuko ọ́ pịrị-pịrị aị ma, mịnẹ Mozizi Oloko mẹ na, ịkịankoroapụ ma na, Nume Ḍiri mẹ na, ị̀ ḅụụ ḅụ kẹẹ ye goyegoye paka fama ḅa.”

Jọnị 15:25

Anị sime-ḅara, sime-ḅara sọ, miemẹ paka-a so ḅịa, mịẹtẹ ịna oloko ḍiri ḅio kẹẹ wararị ye mẹ karakara ye sọ ḅẹ ḅara, ‘Ini à gberie sọ mịẹ-a ḅara ḅụ ì ḍiki-ḅioḅum.’

Fịrịmẹnjịapụ 4:11

Jizọsị ḅe anie Fịafịa Ḍiri mẹ ḅụụ ḅụ ye ḍuko ḅọ ḅee tẹ ḅẹẹm, “Ọmịnị warị nama apụ ma ḍiki-sima ḍụḅarị mẹ ḅo pịkị iḅitẹịn ye sọ tẹ.”

Ẹfisọsị 2:20

Ọmịnị sọ warị nama aḍụḅarị sọ tẹ fịrịmẹnjịapụ ma na ịkịankoroapụ ma na saakị warị-suku mẹ ọgọnọ nama tẹ, anie Kịrayịsị Jizọsị ḅioju ịkọlị palị ḍụḅarị sọ pịrị wararị warị mẹ.

1 Pita 2:6

Kẹ gotẹ ọkọ ḍukoarị, Fịafịa Ḍiri mẹ ḅẹẹarị, “À gbọrụ yelatẹ ḍụḅarị sẹlẹ-ọkịm, àrị anị kẹ Zayọnị ḅụ ịkọlị palị ḍụḅarị ḅara koromarị, tẹ ọ̀ ḅụụ minini ḅọ, minini ḅọ papaa ḅara ọlọ ḅịa.”