Luku 20:14 - FỊAFỊA BAỊBỤLỤ

¹⁴ Kụma tụḅọ ḅe sịẹ paka tẹ ọkọ-apụ ma ori ẹrị gbọrụ sakị ịn nwẹnị ọ̀ kẹ ḅẹrẹ-ḅiya, ‘Ḅieḅe anie ḍụọ mẹ nyana ḅarị ḅọ ḅee, ó yee wa ọ̀ ḅaa tẹ ḍụọ mẹ wamịna nye sọ!’

Luku 20:14 Iomraidhean Croise

Devidi-Anume 2:8

Ḅii, tẹ à tomikiri ḅẹ asịẹ mamgba kẹ ị́ pịrị ḅa; bebe tomikiri mẹ í nye sọ ḅa.

Devidi-Anume 89:27

Àrị ọ̀ kẹ ị̀ tarị owiḅọtụḅọ sọma ḅa, amadapụ mamgba ḅụ tẹịnḅọ.

Matiyo 16:7

Ịn nwẹnị saakị ini-ini-ini ogboku ḅịḅị ọkị-a tẹ ḅẹẹ, “Wa fịturu kẹ ḅo-a ye mẹ mie ó gotẹ miemẹ ḍukoarị.”

Matiyo 21:25

Jọnị nyana tẹ kẹ minji kẹ kịnị sara kụrọ mẹ tọ-anga ḅo? Tamụnọ ḅara ḅo mụnọọ tomina aḅara ḅo?” Ịn nwẹnị saakị ini-ini-ini ogboku nụnụa tẹ ḅẹẹ, “Wa tiye ḍuko ḅẹ? Wa ‘Tamụnọ ḅara ḅom pakịrị kụma,’ ọ̀ wa ḅẹẹ ḅa, ‘Ọkọ kụma ó tiegotẹ Jọnị minini-a?’

Matiyo 21:34

Sakị ḅo kụrọ mgbọlụ kaịn, kaịn sakị la tẹso, ori ori omoniapụ fịrịma ọkọ-apụ ma dama-mum, mịnẹ ini ịn kaịn aị ma ḅụ ọ̀ la kiri da ḅoo.

Luku 19:47

Ene-ḅaaene-ḅaaene Jizọsị mu Tamụnọ-warị mẹ ḅio ye tolumam. Anị sakị agbamịẹapụ ma na, Oloko toluma apụ ma na, tomi ma sịḅịdapụ ma na ọ̀ ḅaa ḅẹ ḅọkọ ḍọkịm.

Luku 20:13

Anịtẹso girepu-ḍụọ mẹ nyanaḅọ ḅe nwẹnị kuroma, ‘À tiye mịẹ ḅẹ? Àrị ị̀ ḅụụ yela lama wararị tụḅọ ḅe kẹ fịrịma ḅa; piki-pikiye-ofori ḅara ḅụ ini ọ̀ kẹ ye-sịn ḅa!’

Luku 20:15

Mie ḅụ ịn nwẹnị girepu-ḍụọ mẹ ḅio ò sukuruma pakama tẹ ọ̀ ḅaa.” Jizọsị nwẹnị gbela, “Ọ́ sịn-arị ḍụọ nyanaḅọ ḅe ò tiye kẹ arị ọkọ-apụ ma mịẹ ḅẹ?

Luku 20:19

Oloko toluma apụ ma na, agbamịẹapụ ma na, nwẹnị ḅọkọ ḍọkị tẹ anịanga mẹ ḅụ Jizọsị kun ḅẹ tọn, gbala in nimi tẹ mịnẹ ini mie ori egberi mẹ gbaa fịnama ye ẹrẹsị. Kụma in tomi ma ḍiki-ḅalafaam ẹrẹsị ịn ḅarị ọkọ mịẹ-a.

Luku 20:5

Ini-ini-ini nwẹnị saakị nụnụa, “Wa ḅọrọ tiye kẹ ọ̀ pakịrị ḅẹ? Wa nimiatẹ ḅẹẹm, ‘Tamụnọ ḅara ḅom’ ḅẹ kụma ọ̀ wa ḅii ḅa, ‘Anị sakị ó tiegotẹ Jọnị minini-a?’

Luku 22:2

Agbamịẹapụ ma na Oloko toluma apụ ma na Jizọsị ḅaa ḅẹ ḅọkọ ḍọkịm. Kụma in tomi ma ḍiki-ḅalafarị gotẹ ịn ḅọị ḅara kẹ ọ̀ ḅaa ḅẹ ḍọkịm.

Fịrịmẹnjịapụ 2:23

Tamụnọ ḅarana anịngẹ-kụraḅio tọn koroma ḅara ḅụ, in Jizọsị ḅe saḅama ọ́ pịrị tẹ ọmịnị ọ̀ ḅaa ḅa, ọ̀ kẹ si-mịẹapụ pịrị tẹ ini ọ̀ kẹ ẹngbẹsẹ-sịn ḅụ ḅakụ ḅụ

Fịrịmẹnjịapụ 3:15

Ọ́ nwẹnị ḍumo pịrị ḅọ ḅe rẹ ḅaa, kụma wamịnị-mgba kiri yọ sime tẹ ẹrị ḅara ḅụ, Tamụnọ fịị ḅụ ọ̀ saakịmam.

Romu 8:17

Wamịnị ori awọmẹ ḅẹ sakị, ọ̀ kẹ ori atomi wẹrịma aboma ma ḅụ wamịnị sọ ḍiekiri nyana ḅa; wa Kịrayịsị na sọ tẹ tọrụsiẹrị ḅẹḅẹ, wa pịkị ori ebube ḅụ ḍiekiri nyana ḅa.

Hiburu 1:2

kụma mịna kunoma ene ma ḅụ ori ọ̀ Tụḅọ ḅụ ḅọrọ tẹ ẹkwẹn wa pịrị tẹ. Ọ̀ ḅụụ mie Tamụnọ ḅọrọ tẹ bebe tomikiri mẹ na So-tọrụ simearị aị mamgba na tẹmẹ ye, ori anie Tamụnọ pịkị sẹlẹ-ọkị ḅọ ḅe mịnẹ kunoma ḅụ ye mamgba ò nye sọ.