Luku 20:13 - FỊAFỊA BAỊBỤLỤ

¹³ Anịtẹso girepu-ḍụọ mẹ nyanaḅọ ḅe nwẹnị kuroma, ‘À tiye mịẹ ḅẹ? Àrị ị̀ ḅụụ yela lama wararị tụḅọ ḅe kẹ fịrịma ḅa; piki-pikiye-ofori ḅara ḅụ ini ọ̀ kẹ ye-sịn ḅa!’

Luku 20:13 Iomraidhean Croise

Ayịzaya 5:4

Anị ḅio mịẹ na-iḅi aị mamgba à mịẹ tẹẹ. Anịtẹso tiye ẹrẹsị anị aka-ḅumarị mgbọlụ sụa tẹ ḅarị yẹrị ḅiiarị iḅi mgbọlụ ma sụa-a?”

Jerimaya 36:3

Ẹbịsịya Juda ḅẹ atomi ma arị ọkị-ḅo ịna ọgọnọ gbana ḅẹ tọn-arị guluguluma mẹ gboloma ye naa sakị ini ịna si etela ma ḅụ pịkị ḅa. Anịtẹso arị ịna si-sịḅịḅio na ịna asi na wẹrịso ịn pịrị ḅa.”

Jerimaya 36:7

Ẹbịsịya ịn KỊNỊNYANAḄỌ ḅe tẹkẹ tẹ ịna si etela ma ḅụ pịkị ḅa, gbala KỊNỊNYANAḄỌ ḅe ọ̀ ḅalafama owi ịganị ḅụ ma atomi ma ẹrẹma tẹ ẹrẹsị.”

Izikẹlị 12:3

“Mịọkụ, fịị-fịị tomḅọ, sarasarama saakị dogi ḅẹ aị kobiri fịna wẹrị, gbala ḍumo-mangị kọn ḅẹ ḅọ ḅara, tẹ ene amụ gbaịn koro-a ogbo saakị mẹnjị paka. Yee ḅẹḅọ-ḅẹḅọ í so jen anga muarị ye kẹ ị́ ẹrị. Ẹbịsịya arị kọngọ-kụrọ apụ ma ị́ kẹ elekima sụa ḅa.

Hosiya 11:8

Izirẹlị, ndẹẹ à gotẹ ị́ ḅụ ḅara-siin ḅẹ ḅara? Ndẹẹ àrị inetẹ ị́ kẹ gbin koroma so ḅẹ ḅara? Àrị à kẹ Adima mịẹ ḅara kẹ inetẹ í guluguluma ḅẹm aro? Anịanịa Zeboyimu na mịẹ ḅara kẹ ị́ na mịẹ? Ì ḅioḅẹngbọ ḍụkụ tẹ àrị anị mịẹ ḅịa! À nyana ị́ pịrị ḅẹlẹma kụrọ ḅakam.

Hosiya 6:4

Kụma KỊNỊNYANAḄỌ ḅe ḅẹẹarị, “Izirẹlị na Juda na, àrị ọ́ kẹ mịẹ ḅẹ-yearị ye tiye? Ọ́ nyana ị̀ pịrị ḅẹlẹma sarama soarị ḅara dede si-so kaan-so ḅara anị dede igirigi kịkarị anie dede-funfun ịmaịn-faarị ye mẹ.

Matiyo 17:5

Ori ẹkwẹn-arị ogbo mie pịna-pịna oḅuto ḅo ịn gbaịn ye, tẹ oḅuto mẹ ḅio gbọrụ pọkọ nwẹnị ḅẹẹ, “Ḅie ị̀ iḅi Tụḅọ ḅe, ọ̀ mịẹye ị̀ ḅụụ ḅẹlẹm, ọmịnị ò pokii!”

Matiyo 3:17

Anịtẹso gbọrụ pọkọ nwẹnị So-ḅio sime tẹ ḅẹẹ, “Ḅie ì ḅẹlẹma Tụḅọ ḅee, ọ̀ ḅụụ à ḅioḅẹlẹ nyanam.”

Luku 18:2

“Gbọrụ ḅẹrẹkọnḅọ gbọrụ ama ḅụ simem. Ọ̀ Tamụnọ ḍiki-ḅalafa-a, pịkị gbọrụ tomḅọ sọ kẹ ye-sịn-a.

Luku 18:4

Tọnwa-tọnwa ḅẹ asakị á nwẹn kẹ ọ̀ dama-mum, kụma ọ̀ ḅụụ ḅẹrẹ-a, anị ḅẹ kunoma ọ̀ nwẹnị ọ̀ ḅụụ ḅẹẹ, ‘Tomi-juḅẹye, à Tamụnọ ḍiki-ḅalafa-a, pịkị tomi kẹ ye-sịn-a ḅẹsọ,

Luku 20:12

Anịtẹso ọ̀ nwẹnị tẹrẹị karama fịrịmẹnjịḅọ kẹ fịrịma. Ḍụọ mẹ ọkọ-apụ ma nwẹnị ye kẹ ori sọ lama, tẹ ḍụọ mẹ ḅio ò sukuruma pakama.

Luku 20:14

Kụma tụḅọ ḅe sịẹ paka tẹ ọkọ-apụ ma ori ẹrị gbọrụ sakị ịn nwẹnị ọ̀ kẹ ḅẹrẹ-ḅiya, ‘Ḅieḅe anie ḍụọ mẹ nyana ḅarị ḅọ ḅee, ó yee wa ọ̀ ḅaa tẹ ḍụọ mẹ wamịna nye sọ!’

Luku 9:35

Tẹ gbọrụ pọkọ nwẹnị kpiti so mẹ ḅio ḅẹẹ, “Ḅie à sẹlẹ ọkị Tụḅọ ḅe, ọmịnị ò pokii!”

Jọnị 1:34

Jọnị ḅẹẹm, “Àrị ọkọ kẹ anị ẹrị tẹ ḅẹ sakị à ḍuko ọ́ pịrịarị mịnẹ Ori anie Tamụnọ Tụḅọ ḅee.”

Romu 8:3

Tomḅọ si sime-ḅara ịnyọ nyana-a gotẹ Oloko mẹ inetẹ mịẹ-a ye mẹ, Tamụnọ mịẹ tẹ. Ori ọ̀ Tụḅọ kẹ fịrịma tẹ ò tomḅọ sọm, kẹ si dee-siin ḅẹ ẹrẹsị, tomina si sime-ḅara mẹ ḅụ.

Galesiya 4:4

Kụma kunoma ḅụ karakara sakị mẹ ḅo la tẹso, Tamụnọ ọ̀ Tụḅọ kẹ fịrịmam. Tomikiri ḅẹ iyingiḅọ iyi tụḅọ ḅara mie ọ̀ kẹ ḅo tẹ Juu-ḅẹ-apụ Oloko mẹ suku-ḅio anga ye,