Luku 20:10 - FỊAFỊA BAỊBỤLỤ

¹⁰ Mgbọlụ ma kaịn, kaịn sakị la tẹso, ori ọ̀ fịrịmẹnjịḅọ kẹ ḍụọ mẹ ọkọ-apụ ma fịrịmam, mịnẹ ini ọ̀ la kiri kẹ ọ̀ pịrịị, ini mgbọlụ ma kaịn tẹ ḅẹḅẹ. Kụma ḍụọ ọkọ-apụ ma nwẹnị fịrịmẹnjịḅọ ḅe fomu, tẹ papaa ḅara kẹ ọ̀ kẹ ọ̀ nyanaḅọ fịrịma.

Luku 20:10 Iomraidhean Croise

1 Amadapụ 22:24

Anieḅụ Kenana owiḅọtụḅọ Zẹdẹkaya nwẹnị sọma ḅo Mayịkaya kpeki tẹ ḅara finji ori amgba ḅọrọ tẹ gbela, “KỊNỊNYANAḄỌ ḅe tẹmẹ tọ-ḅara kẹ ị̀ ḅụụ so tẹ tọ sakị ḅụ ḅo ẹkwẹn ị́ pịrị?”

2 Amadapụ 17:13

Ịn ọkọ mịẹm, anịsọ KỊNỊNYANAḄỌ ḅe ịkịankoroḅọ goḅọ-goḅọ na, so-ḅịrịḅọ goḅọ-goḅọ na Izirẹlị na Juda na aḅeri nụnụ-nụnụ tẹ ḅẹẹm, “Ọmịnị ọmịna asi etela ma ḅụ pịkịị, tẹ à tọn ọ́ pịrị aị ma kokoo, anie Oloko mẹ tẹ à kẹ ọmịna atẹngịapụ pịrị ye mẹ pịkị kẹ ị̀ afịrịmẹnjịapụ ịkịankoroapụ ma ḅara ọ́ fịrịma ye mẹ ḅụ kẹẹ wararị aị ma.”

1 Paka-aị 19:4

Anieḅụ Hanunu nwẹnị Devidi afịrịmẹnjịapụ ma ọkị tẹ ịna mpọrị sẹịn siin, tẹ ịna konju ḅiri ḅụ ịna opu akapa ma ogboku kịrị fongolo siin, tẹ ịn fịrịma pịkị; tẹ in som.

2 Paka-aị 16:10

Anịtẹso Asa nwẹnị so-ḅịrịḅọ ḅẹ ḅụụ ịganị nyana, tẹ ọ̀ kẹ ikoli-warị ḅio ịkasị wẹrị, ò miemẹ gotẹ ọ̀ ḅụụ ḅụ ịganị nyana tẹ gbọrsịḅị ḅọrọarị ẹrẹsị. Asa pịkị mbasị ḅara kẹ tomi ma ḅẹ ja apụ na mịẹm anị gbọrụ sakị mẹ ḅụ.

Nehimaya 9:26

“Anịsọ in ḅịḅị poki-a, tẹ sịḅị kụrọma ị́ pịrịm, tẹ ị́ oloko kẹ ịna ọḅụ gbin koromam. Ini ịkịankoroapụ ma tẹ ịn pịkị-ḅo ị́ pịrị ḅẹ apụ ma ḅaam tẹ gburo-gburoma ḅịḅị kẹ ị́ lamam.

Nehimaya 9:30

Ị́ tọnwa kụra kẹ inoma fị in pịrịm, tẹ ị́ ịkịankoroapụ ḅụụ ḅụ ị́ Tẹmẹ kẹ fịrịmatẹ ịna ḅeri nụnụm. Anịsọ in poki-a. Anịẹrẹsị ị́ ịn kẹ ama ma ḅio ḅẹ atomi ma ḅara-ḅio sunm.

Devidi-Anume 1:3

Ịn kịkarị ye minji akaka so-pakarị asịn, tẹ karakara sakị ḅụ mgbọlụ sụarị aị, tẹ arịḅẹ ịnyịnya ma pịkị kpatụ-kpatụ-a. Ịn mịẹ ye-mịẹ ye loloarị.

Jerimaya 2:30

Arị í fomum, kụma anị gbọrụ iḅi sọ kẹ ị́ mịẹ-a. Ị́ ḍụkụ tẹ arị ị́ datụkụma-a. Í ekirearị ọkụkụ kịka tẹ ị́ ịkịankoroapụ ma ḅaa tẹ.

Jerimaya 20:2

ọ̀ tọn tẹ ini ì fomu tẹ ikoli kẹ ị̀ ịkasị tẹ ị̀ kẹ Benijamịnị Ogigo-ḅọkọ mẹ ḅẹ ọgọnọ-jụ koromam, Tamụnọ-warị mẹ ḅio.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 5:24

Gbala-gbala ó kuroma tẹ ị̀ kụn-a tụkụmaye yẹrị fẹngụ eene mẹ na ịrụa kụra aya-ḅịḅị ḅẹ eene mẹ na kẹ fịrịma tẹ fịaị soku sakị mẹ kẹ ọ́ pịrịarị sọ, kụra-kụra ḅụ.

Luku 13:34

“Jeruselemu, Jeruselemu! Ị́yẹrị ịkịankoroapụ ma ḅaa, tẹ, pịkị ḍụḅarị kẹ Tamụnọ kẹ oku kẹ ị́ fịrịma apụ gbin-arị ḅọ! Nda asakị à nwẹn kẹ ị́ atomi mamgba kobiri ì kuḅu ḅio suu ḅẹ ḍọkị tẹ, ịyọrọ ọḅọkọ pamba kẹ amịna awọmẹ kobiri gbaịn ḅara, kụma ị́ ḍụkụ ị̀ pịrị-a!

Luku 20:11

Mie ḅụ ọ̀ pịkị jen fịrịmẹnjịḅọ kẹ fịrịmam; kụma ḍụọ mẹ ọkọ-apụ ma nwẹnị anị ḅọ sọ kun fomu, ḅụụ-jịrịma ḅara kẹ ọ̀ mịẹ, tẹ papaa ḅara kẹ ọ̀ kẹ ọ̀ nyanaḅọ fịrịma.

Luku 20:9

Anịtẹso Jizọsị mị egberi mẹ gbaa tomi ma pịrịm, “Gbọrụ sakị gbọrụḅọ girepu-ḍụọ ḍiḅim. Ọ̀ nwẹnị anị kẹ ọkọ-apụ pịrị, tẹ ama koroma so alama.

Jọnị 15:16

Ọmịnị ị̀ sẹlẹ-ọkị-a, yẹrị rẹ ọ́ sẹlẹ-ọkị tẹ tọnm mịnẹ ó mu mgbọlụ sụa lama, anie sime ene la ḅarị mgbọlụ. Mie ḅụ ọmịnị ị̀ ẹrẹ ḅụ ḅii ye, ḅii ye, Ḍaḅọ ḅe anị kẹ ọ́ pịrị ḅa.

Romu 7:4

Ị̀ amịnapụ, mie anị sime ọmịnị sọ pịrị ḅara. Oloko mẹ kịngẹ kụma ọ́ Kịrayịsị ḅụụ sọ tẹ fịị anị pịrị tẹ mẹ, anị ḅarị ọmịnị ọlọ-a. Kụma mịọkụ ó sime fị-ḅụ-saakị tẹ ḅọ ḅe pịrị tẹ, mịẹtẹ ọmịnị iḅi kọrịnama kọrị Tamụnọ pịrị ḅẹ ḅara.