Luku 20:1 - FỊAFỊA BAỊBỤLỤ

¹ Gbọrụ ene ḅụ, Jizọsị Tamụnọ-warị mẹ ḅio ye kẹ tomi ma toluma tẹ pịkị Iḅi Oku mẹ ḍukoarị ogbo Sịḅịda-Agbamịẹapụ ma na, Oloko Tolumapụ ma na, ama ḅẹ omongiapụ ma na ḅo

Luku 20:1 Iomraidhean Croise

Matiyo 26:55

Anịtẹso Jizọsị ẹkwẹn tomina-ogbo mẹ pịrịm, “Ọmịnị okologie na mgbele na ọlọ tẹ paka-ḅo ì kun ḅẹm aro, gbala yẹrị ama oloko kan tẹ mangịarị ḅọ ọkụ? Ene-ḅaaene-ḅaaene à kọkọ Tamụnọ-warị mẹ ḅio lẹgị-lẹgị tẹ ye toluma, tẹ ọmịnị ì kun-a.

Luku 20:2

tẹ ọ̀ gbelam, “Ị́ nyana tẹ kẹ ma aị ma mịẹarị kụrọ ḍuko wa pịrị, tụḅọ mị kụrọ mẹ kẹ ị́ pịrị?”

Luku 8:1

Anịtẹso ala ḅaka-a ogbo, Jizọsị na ò Ḍukamẹnjị Oyi Maa apụ Finji ma na nwẹnị ama ama la tẹ Tamụnọ Ama-da mẹ ḅẹ Iḅi Oku mẹ ḍuko.

Jọnị 18:20

Jizọsị nwẹnị pakịrị, “Ama-ogbo mie sakị mamgba àrị ẹkwẹn tomḅọ goḅọ-goḅọ pịrị, pịrị ye; à tolumarị ye mẹmgba ama-awarị ḅio na Tamụnọ-warị mẹ ḅio na, anie tomi mamgba kobiri, kobiri anga ma, ḅụ mie à toluma fama ye. Jene-jene amụ à ḅọị anga gberie-sọ ḍuko-a.

Fịrịmẹnjịapụ 4:1

Pita na Jọnị na paa ẹkwẹn tomi ma pịrịarị ogbo agbamịẹapụ ma ḅẹ ja apụ na, Tamụnọ-warị mẹ ḍikiḍikiarị apụ ma ḅẹ sịḅịdaḅọ na, Sadusiiapụ ma ḅẹ ja apụ na ḅo lam.

Fịrịmẹnjịapụ 6:12

Mị ḅọkọ ḅụ mie ịn ḅọrọ tẹ tomi ma na ama ḅẹ omongiapụ ma na, Oloko toluma apụ ma na jikema tẹ in Sitivini kun tẹ ọ̀ kẹ Sịẹ-Kobiri mẹ tọrọkọ mu ye.