Luku 2:9 - FỊAFỊA BAỊBỤLỤ

⁹ Tẹ KỊNỊNYANAḄỌ ḅe enjẹlị nwẹnị ḅụụ pakama in ḍie tẹ KỊNỊNYANAḄỌ ḅe ebube nwẹnị ḅịya ịn gbaịn. Ịn nwẹnị kpọma ḅalafa.

Luku 2:9 Iomraidhean Croise

1 Amadapụ 8:11

KỊNỊNYANAḄỌ ḅe simearị anga ḅụ nwanam-nwanam-ma ḅịya pakarị bele mẹ gotẹ ini inetẹ ḅarị pịkị sọ-mu tẹ sime ịna pịrị kọrịnama sọ kọrị-a.

Paka-so 16:10

Erọnị ẹkwẹn Izirẹlịapụ ma bebe tomina-ogbo mẹ pịrịarị ogbo, ịn nwẹnị tọrụ kẹ ịkpa mẹ da pakịrị ḍiki, tẹ KỊNỊNYANAḄỌ ḅe ebube mẹ nwẹnị kirikiri oḅuto mẹ ḅio ḅịya.

Paka-so 16:7

anịsakị dede-ḅio ḅụ ọ́ KỊNỊNYANAḄỌ ḅe ebube mẹ ẹrị ḅa, gbala ọ́ kọn KỊNỊNYANAḄỌ ḅe pịrịarị mbụrụmbụrụ ma ori arị naa tẹ. Kẹ gotẹ ọkọ ḅẹẹarị, wamịnị ḅọrọ tiye mịẹ apụ tẹ ọmịnị mbụrụmbụrụ wa pịrị ḅẹ?”

Ayịzaya 35:2

Ịkpa mẹ nume-su tẹ ḍereku ḅụ oloku ḅa; anị Lẹbanọnị tụndụ ma iḅi ḅara iḅi tẹ Kamẹlị na Sarọnị na ḅẹ ḍụọ ḍiḅi akiri ma iḅi ḅara iḅi tẹ nwẹnị fịaị pakama. Ḅẹḅọ-ḅẹḅọ KỊNỊNYANAḄỌ ḅe iḅi sime-ḅara mẹ ẹrị ḅa, pịkị ori opu na kụrọ na ẹrị ḅa.

Ayịzaya 40:5

Anịtẹso KỊNỊNYANAḄỌ ḅe ori ebube mịẹfinji ḅa, tẹ tomi mamgba anị ẹrị ḅa. KỊNỊNYANAḄỌ ḅe ḅioju mie minini tẹ.

Ayịzaya 60:1

Jeruselemu, saakị tẹ ịrụa ḅịya ḅara ḅịyaa! KỊNỊNYANAḄỌ ḅe ebube mẹ ḅịya ị́ ọgọnọ sararị!

Izikẹlị 3:23

Mie ḅụ à nwẹnị paka tụndụ-suku mẹ mu, tẹ KỊNỊNYANAḄỌ ḅe ebube mẹ ẹrị anịanga ḅụ, àrị ẹrị tẹẹ gbọrụ ḅara mẹ. À nwẹnị ḅịkị kiri koro tẹ iḅo,

Matiyo 1:20

Ọ̀ paa miemẹ kuromarị ogbo ọ̀ ḍawọ tẹ KỊNỊNYANAḄỌ enjẹlị ọ̀ ḅẹẹm, “Josẹfụ, Devidi tụḅọ, ḅalafa ma tẹ Meri ma ọkị simee. Kẹ gotẹ ọkọ ḅẹẹarị, á kọn wararị fura mẹ Fịafịa Tẹmẹ ḅe kụrọ ḅụ ḅom.

Luku 1:28

Enjẹlị ḅe nwẹnị ḅo tẹ á ḅẹẹ, “Dein sime ị́ pịrịị! KỊNỊNYANAḄỌ ḅe ị́ na emi, tẹ pịkị í boma lama tẹ!”

Luku 2:8

Anị opu sịẹ mẹ pakịrị ḅụ anana-ḍikiḍikiapụ ḍin kẹ anana osuka fị-fị kiri mẹ ḅụ sime tẹ ịna anana koru simem.

Luku 24:4

Tẹ in sịẹsime tẹ ọkọ kẹ anị kẹ kpọma kuromarị ogbo, ḅiotọn-a ḅara ḅụ, pịna-fa kapa sụa maa owiapụ ḅo ịna akaka sịẹm.

Jọnị 12:41

Ayịzaya gotẹ miemẹ ḍuko ye ò Jizọsị ebube ẹrị tẹ pịkị ọ̀ ḅụụ ye ḍukom.

Fịrịmẹnjịapụ 12:7

Ḅiotọn-a ḅara ḅụ KỊNỊNYANAḄỌ ḅẹ enjẹlị tolu-paka-ḅo sịẹ, tẹ bele nwẹnị ikoli-warị mẹ ḅio ḅịya. Enjẹlị ḅe nwẹnị Pita apana ḅụ ò jike saakị tẹ ḅẹẹ, “Fọnya! Saakị sịẹ!” Anị gbọrụ kiri ịn kẹ ori aḅara ịkasị ikoli ma nwẹnị sin sara.

Fịrịmẹnjịapụ 27:23

À kẹ gotẹ ọkọ ḍukoarị, mị ḍin ị̀ nyana tẹ à tẹkẹarị Tamụnọ ḅe enjẹlị ḅo

Fịrịmẹnjịapụ 5:19

Kụma anị ḍin mẹ ḅụ KỊNỊNYANAḄỌ ḅe enjẹlị mu ikoli-warị mẹ ḅẹ ogigo-aḅọkọ ma finji tẹ fịrịmẹnjịapụ ma kẹ mẹnjị paka tẹ ịn ḅẹẹm,

2 Kọrịntị 3:18

Ọkọẹrẹsị, wamịnị-mgba, ye tọrụ kikima-a ḅara ḅụ, KỊNỊNYANAḄỌ ḅe ebube mẹ ḅịya wa saramarị; tẹ anị gbọrụ ebube mẹ tẹ KỊNỊNYANAḄỌ ḅe ḅụ sime tẹ ḅoarị ye mẹ, anie Tẹmẹ ḅe tẹ wa ḍima tẹ wa ḅo ọ̀ kịka tẹ mu ḅaka-ḅaka-ḅakarị ebube ḅụ sọarị.

2 Kọrịntị 4:6

Tamụnọ ḅe tẹ ḅẹẹm, “Bele kanakana ḅio ḅịya paka ḅa”, ḅẹẹ Tamụnọ ḅe mie mịẹtẹ ò bele wamịna aḅioḅẹngbọ ḅụ ḅịya tẹ ye, mịẹtẹ wa Tamụnọ ebube mẹ tẹ Kịrayịsị tọrụkuḅu ḅịya pakarị ye mẹ ḅẹ nimi mẹ ḅo wa pịrị ḅẹ ḅara.

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.

Hiburu 12:21

Ḍiki-tọrụ ḅụ ye mẹ ḅalafama la ḅara mịẹtẹ Mozizi ḅẹẹm, “Ị̀ ḅalafa tẹ ì oju sẹkịarị!”

Mịẹfinji 18:1

Miemẹ ḅọrọ tẹso, à jen enjẹlị ẹrịm So-ḅio sime tẹ koro-ḅoarị. Ori opu kụrọ nyanam, tẹ ori ebube kama bebe tomikiri mẹ saramam.

Mịẹfinji 20:11

Anịtẹso à pịna-pịna emine na anị ọgọnọ lẹgị ḅọ ḅe na ẹrịm. Tẹ So na Kiri na ọ̀ tọrọkọ mangị faam, tẹ kịnị ḅarị jen kẹ arị ẹrị-a.