Luku 2:51 - FỊAFỊA BAỊBỤLỤ

⁵¹ Mie ḅụ Jizọsị ini na pịkịma so Nazarẹtị mu, tẹ ịna ḅịḅị poki ḅara kẹ ini na angam. Ò iyingi nwẹnị mịna aị mamgba kẹ á ḅioḅẹngbọ ḅụ suu wẹrị.

Luku 2:51 Iomraidhean Croise

Suku-saakị 37:11

Ori owiapụ-amịnapụ ma nwẹnị miemẹ kẹ ori afana, kụma ọ̀ ḍa anị kẹ ò ḅioḅẹngbọ kokom.

Devidi-Anume 119:11

Àrị í oloko kokoarị ì ḅioḅẹngbọ ḅụ, mịẹ tẹ à si kẹ ị́ mịẹ ḅịa ḅara.

Danẹlị 7:28

Mie ḍukoye mẹ kunoma mẹ. Ị̀ ḅalafa la ḅara mịẹ tẹ à bosolo ḅara simem, tẹ à ye goyegoye kẹ ị̀ ḅụụ ḅio wẹrịm.

Matiyo 12:46

Jizọsị paa ẹkwẹn tomi ma pịrịarị ogbo ò iyingi na ori amịnapụ owiapụ na ḅo lam. Ịn nwẹnị etela anga sịẹ tẹ ori na ẹkwẹn ḅẹ ḅii.

Matiyo 3:15

Kụma Jizọsị ọ̀ pakịrịm, “Yee anị mị-ḅara sime mịọkụ ḅụ. Gbala mị ḅọkọ ḅụ mie wa ḅọrọ tẹ Tamụnọ ḅiiarị wa mịẹ ḅẹẹ aị mamgba mịẹ fama ḅarịye.” Mie ḅụ Jọnị nwẹnị kẹ ọ̀ sara.

Makị 1:9

Amụ ala-a ogbo Jizọsị nwẹnị Galili ibe ḅẹ Nazarẹtị ḅụ sime tẹ ḅo, tẹ Jọnị nwẹnị Jodanị tọrụ mẹ ḅio minji kẹ ọ̀ sara.

Makị 6:3

Ḅie akanịḅọ ḅe ori-a, Meri tụḅọ ḅe, tẹ Jemusị na, Josẹfụ na, Judasị na, Sayịmọnị na iyimbere ḅe ori-a? Ori eremịna amịnapụ ma in mịanga anga-a?” Anie ḅụ ini ọ̀ sịkịm.

Luku 18:37

Ịn nwẹnị ḍuko ọ̀ pịrị, “Nazarẹtị ḅẹ Jizọsị mẹnjị-ḅọrọarị.”

Luku 2:19

Mịna aị mamgba ḅụ gberie-sọ Meri ḅioḅọrọ-a, á pịkị kpọma arị kẹ kuroma ḅụ suum.

Luku 2:39

Josẹfụ na Meri na KỊNỊNYANAḄỌ oloko mẹ ḅiim ịn mịẹ nwẹn ḅẹẹ aị mamgba mịẹ fama tẹso, ịn nwẹnị pịkịma so Galili ḅụ ịna ama Nazarẹtị mu.

Luku 4:16

Anịtẹso Jizọsị Nazarẹtị mum, kala-sakị kụra-ḅio ori anga paka-ḅo yọ mẹ, tẹ ọ̀ mịẹ-mịẹ ḅara ḅụ ọ̀ nwẹnị ama-warị mẹ mu Ịnyọsara-Ene mẹ ḅụ. Ọ̀ saakị sịẹ tẹ Fịafịa Ḍiri mẹ go ḅẹ tẹso,

Luku 4:23

Ọ̀ nwẹnị ịn ḅẹẹ, “À nimim ọ́ mị egberi mẹ gbaa ị̀ pịrị ḅa, ‘Ḅịrịḅọ ị́ ḅụụ gwọ.’ Ọ́ pịkị ị̀ ḅẹẹ ḅa mịnẹ ọ́ naam Kepanọmụ ḅụ mịẹ aị ma mị ị̀ ama mẹ ḅụ sọ à mịẹ.”

Ẹfisọsị 5:21

Ọ́ Kịrayịsị mangịmarị gotẹ, ọ́ ḅụụ-iderima jụmọ-jụmọ pịrịị.

1 Pita 2:21

Miemẹ mie Tamụnọ gotẹ ọ́ sịn yee, kẹ gotẹ ọkọ ḍukoarị, Kịrayịsị ḅioju sọ ó gotẹ tọrụsiẹrịm, tẹ ò ḍikima mịẹ ḅẹ elekima koroma-so ọ́ pịrị tẹ, mịẹtẹ ọmịnị ori amẹnjị-aḅụọ ma ḍiki-mẹnjị ḅẹ ḅara.