Luku 2:49 - FỊAFỊA BAỊBỤLỤ

⁴⁹ Ori nwẹnị ịn pakịrị: “Ó tiegotẹ ị̀ ḍọkịma ḅọrọ ḅẹ? Ó nimi na-iḅi-a, ị̀ ḍa warị ḅio àrị emi ḅara?”

Luku 2:49 Iomraidhean Croise

Devidi-Anume 40:8

Ị̀ Tamụnọ, àrị ị́ ḅụụ-ḅẹlẹ ye mịẹ mẹ ḅẹlẹmarị! Í tolumaye mẹ à kẹ ì ḅioḅẹngbọ koko wararị.”

Malakayị 3:1

Kụrọmamgba nyana KỊNỊNYANAḄỌ ḅe pakịrịm, “Àrị ì oku-mẹnjịḅọ kẹ fịrịma tẹ ori ì etela tẹlẹma ị̀ pịrị ḅa. Anịtẹso KỊNỊNYANAḄỌ ḅe tẹ ọ́ ḍọkịarị ḅọ ḅe ḅiotọn-a ḅara kẹ ọ̀ fịafịa-warị mẹ sọ-ḅo ḅa. Ọmịnị ẹrị ḅẹ tẹ ḅio-sẹsẹarị oku-mẹnjịḅọ ḅe ḅo ḅa, tẹ ị̀ ọḅọkụ mẹ ḍuko wasama ḅa.”

Matiyo 21:12

Jizọsị Tamụnọ-warị mẹ sọ-mu tẹ anịanga sime tẹ ye dẹrịarị-apụ na, fẹẹarị-apụ mamgba na dee pakamam. Ọ̀ nwẹnị igbigi ḍima apụ ma adẹbịlẹ ma na, nwẹẹrẹsị dẹrị-apụ ma kẹ lẹgịarị ịkasiye ma na pịkị iḅo,

Luku 2:48

Ọ̀ ḍa-na-iyingi-na ḅo ori ẹrị sakị ịn ḅụụ-buam, tẹ ò iyingi nwẹnị ọ̀ ḅẹẹ, “Ị̀ tụḅọọ, í tiegotẹ miemẹ kẹ wa mịẹ? Ị́ ḍa na ị̀ na kpọma anị kụra-ḅio ḅalaḅalama ị́ ḍọkịarị.”

Jọnị 4:34

Jizọsị nwẹnị ịn ḅẹẹ, “Ì fịye anie ị̀ kẹ fịrịma ḅọ ḅe ḅii ye mịẹ, tẹ ọ̀ kẹ ị̀ pịrịm à kọrị ḅẹ kọrịnama mẹ kọrị fama.

Jọnị 5:17

Jizọsị nwẹnị ịn pakịrị, “Ị̀ Ḍa ḅe sakị mamgba nama kọrịarị; yẹrị sọ ọkọ kọrị nyanam.”

Jọnị 5:36

Kụma kụrọ Jọnị ị̀ ḅụụ ḍuko ye nẹngị ye ḍukoarị ḅọ emi. À mịẹarị aị ma, anie ị̀ Ḍa ḅe kẹ ị̀ pịrịm à kọrị nwẹn ḅẹẹ akọrịnama ma, ì ḍuko pakamarị mịnẹ Ḍaḅọ ḅe ị̀ kẹ fịrịmam.

Jọnị 6:38

gbala à So-ḅio koro ḅo tẹ ì ḅiotọn ye mịẹ ḅẹ ẹrẹsị ḅo-a, kụma ị̀ kẹ fịrịma ḅọ ḅe ḅii ye mịẹ mie à gotẹ ḅo ye.

Jọnị 8:29

Tẹ ori ị̀ kẹ fịrịma ḅọ ḅe ị̀ na emi; gbọrụ sakị sọ ofori ori ì koroma so, sakị mamgba àrị ò ḅio ḅẹlẹmarị ẹrẹsị.”

Jọnị 9:4

Ene amụ ḍin-a sakị goyegoye wa ị̀ kẹ fịrịma ḅọ ḅe kọrịnama mẹ kọrị ḅa; ḍin ḅoarị, gbọrụḅọ-sọ inetẹ kọrịnama kọrị ḅịa sakị mẹ.