Luku 2:46 - FỊAFỊA BAỊBỤLỤ

⁴⁶ Tẹra aḍin karama ene ḅụ ịn nwẹnị Tamụnọ-warị mẹ ḅio ori ẹrị, ò Juu-ḅẹ-apụ ma ye-tolumapụ na sime tẹ in tolumarị ye poki-poki tẹ pịkị ye kẹ in gbelarị.

Luku 2:46 Iomraidhean Croise

1 Amadapụ 12:12

Tẹra ḍin ḅọrọ tẹso, Jerobohamụ na tomi mamgba na nwẹnị amadaḅọ Rihobohamụ ḍọkụma-ḅo ọ̀ wẹrịtẹ in ḅẹẹ ḅara.

1 Amadapụ 12:5

Ọ̀ nwẹnị in ḅẹẹ “Ó soo, tẹ tẹra aḍin ḅụ ó siin pịkị ị̀ ḍọkụma-ḅoo.” Anieḅụ tomi ma nwẹnị mẹnjị-so.

Ayịzaya 50:4

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe kẹ ì toluma tẹ à ḍuko ḅẹ ye mịẹ tẹ arị ịnyọ ḅụụ ḅụ fa tẹ ḅọ mẹ mịẹ kụrọma ḅẹ ḅara. Dede goyegoye ori ị̀ mịẹ tẹ à ḅio-sẹsẹarị, ọ̀ kẹ ì toluma ḅẹ ye na ḅẹ ḅara gotẹ.

Matiyo 12:40

Jona tẹra eneḅaka na tẹra aḍin na kẹ opu inji furo ḅio sime gbọrụ ḅara mẹ mie Tomḅọ Tụḅọ ḅe sọ tẹra eneḅaka na tẹra aḍin na kẹ kiri suku-ḅio jụ ḅụ sime ḅarị ḅara.

Matiyo 16:21

Anị sakị mẹ ḅụ saakị tọrọkọ mu Jizọsị saakị giregire ḅara kẹ ḍuko ò ḍukamẹnjịapụ ma pịrịm, “Mịẹ ḅara, mịẹ ḅara sọ à Jeruselemu mu ḅa, tẹ ama ḅẹ omongiapụ ma na, agbamịẹapụ ma na, Oloko Tolumapụ ma na ḅara ḅụ kpọma tọrụsiẹrị da ḅa. Ini ị̀ ḅaa ḅa, kụma tẹra aḍin karama ene ḅụ à saakị tẹ ḍumo ḅa.”

Luku 2:47

Ò ye-nimi ḅara kẹ ịn kẹ ò gbela ye, gbela ye pakịrịm, ọ̀ naa apụ, naa apụ ḅụụ-buamam.

Luku 5:17

Gbọrụ ene ḅụ, Jizọsị ye tolumarị sakị, Galili na Judiya na ama goyegoye ḅụ na, Jeruselemu na ḅụ sime tẹ ḅo Farịsiiapụ ḅẹ ja apụ na Oloko toluma apụ na anịanga lẹgị-sime wararị. KỊNỊNYANAḄỌ ḅe kụrọ Jizọsị ḅụ simem kẹ obi apụ gwọ.

Jọnị 3:10

Jizọsị nwẹnị pakịrị, “Ị́yẹrị Izirẹlị ḅụ opu ye-tolumaḅọ tẹ miemẹ nimi-a?

Fịrịmẹnjịapụ 5:34

Kụma ịna ḅụ ḅẹ gbọrụḅọ, tẹ Farịsiiḅọ, ori ẹrẹ Gamalịyẹlị, ori ḅe oloko tolumaḅọọ, tẹ tomi mamgba pịkị ọ̀ kụn lamarị, nwẹnị Sịẹ-Kobiri mẹ ḅụ saakị sịẹ. Ọ̀ tọnm mịnẹ ịn fịrịmẹnjịapụ ma pakamaa.

1 Timoti 1:7

In ḅiiarị ịn Tamụnọ oloko mẹ toluma apụ sọ, kụma ịna ẹkwẹn ma na in ḍukoarị aị ma na fiearị aị sọ in nimi-a, tẹ ịn nwẹnị tẹmẹ-la ḅara kẹ ẹkwẹn-arị.