Luku 2:44 - FỊAFỊA BAỊBỤLỤ

⁴⁴ Ini ọkịm ò tomina-ogbo mẹ ḅio emi, tẹ ịn nwẹnị bebe gbọrụ ene kẹ mẹnjị tẹrẹmẹ saakị ọ̀ ḍọkị ịna mịnapụ na ikiapụ na ogboku ḅụ,

Luku 2:44 Iomraidhean Croise

Devidi-Anume 42:4

Ì ḅioḅẹngbọ kan sararị, à ḅọrọ tẹ sakị mẹ kẹ ḅiokoromarị sakị, àrị inweni-ogbo-ogbo ma na Tamụnọ warị mẹ sọ-mu sakị àrị ịna tọrọkọ-sụn mẹnjịma mum, ḅioḅẹlẹarị tomina-ogbo, nume-suarị, olokuarị, tẹ Tamụnọ tokiniarị.

Ayịzaya 2:3

tẹ ịna atomi ḅẹẹ ḅa, “Ó yee wa KỊNỊNYANAḄỌ ḅe tụndụ mẹ kpọlị iwo mu Izirẹlịapụ tẹkẹarị Tamụnọ ḅe Warị mẹ la. Ori ò ḅiiarị wa mịẹ ḅẹ ye kẹ wa toluma ḅa; wa ori sẹlẹ-ọkị tẹ etela mẹ ḅụ mẹnjị ḅa. KỊNỊNYANAḄỌ ḅe tolumaye mẹ Jeruselemu ḅụ paka-ḅoarị ẹrẹsị; Zayọnị mie ò sime tẹ ẹkwẹn ori atomi pịrịarị.”

Luku 2:43

Ini alalị mẹ fị ḍin karama tẹso, ịn nwẹnị saakị pịkịma so ama mu, kụma Jizọsị owiḅọtụḅọ ḅe nwẹnị Jeruselemu ḅụ sime. Ọ̀ ḍa-na-iyingi-na miemẹ nimi-a.

Luku 2:45

kụma ini ori ẹrị-a, ọkọẹrẹsị ịn nwẹnị ọ̀ ḍọkịma pịkịma Jeruselemu mu.

Luku 23:49

Anị ọkụma da-da Jizọsị ḅe nimi apụ mamgba, Galili ḅụ ọ̀ ḅụ sọ tẹ ḅo ereme ma kẹ sụa, ala anga mie in sime tẹ paka aị ma ḍiki ye.