Luku 2:41 - FỊAFỊA BAỊBỤLỤ

⁴¹ Kụra-kụra ḅụ Jizọsị ḍa-na-iyingi-na Saḅa-ḅọrọ Alalị mẹ fị ḅẹ tẹ Jeruselemu mu-mum.

Luku 2:41 Iomraidhean Croise

Paka-so 12:11

Mị-ḅara mie ọ́ kẹ anị fị ḅarị ḅara ó ḅiri-ponoye kẹ ọmịna ḅiri ponoo ọmịna okuro kẹ ọmịna aḅụọ sụa, tẹ ḅara ḅio ọmịna mkpara ọlọọ; anịsakị fọnya ḅara mie ọ́ kẹ anị fị ḅarịye. Mie mẹ anie KỊNỊNYANAḄỌ ḅe Saḅaḅọrọ-Alalị mẹ.”

Paka-so 12:14

Mịmgba mẹ ọ́ kẹ ḅiokoroma ḅarị ene sọ ọ́ pịrị ḅa, tẹ ọmịnị anị kẹ kopini afịaị fị KỊNỊNYANAḄỌ ḅe pịrị alalị ene ḅara wẹrị ḅa, ḅụọ-fa-ḅụọ-paka ḅụ ọmịnị anị kẹ kụrọ ḅara ḅio sime ḅọ sụa oloko sọma tẹ anị kẹ elekima sụa gbamaso ḅa.”

Paka-so 34:23

“Kụra ḅụ tẹra asakị tẹra asakị ọmịna owiapụ mamgba nwẹn kẹ ḅo yẹrị KỊNỊNYANA-TAMỤNỌ, Izirẹlịapụ tẹkẹarị Tamụnọ ḅe tọrọkọ sunsin ḅa.

Lẹvitikọsị 23:5

“Tarị akalụ mẹ ḅẹ ngei fa jei karama ene mẹ ḅẹ ḅoḅiri-so mẹ anie KỊNỊNYANAḄỌ ḅe Saḅa-ḅọrọ Alalị mẹẹ.

Kịẹn-aḅịḅị 28:16

“Tarị akalụ mẹ ḅẹ ngei aḍin fa jei karama eneḅaka mẹ anie KỊNỊNYANAḄỌ ḅe Saḅa-ḅọrọ Alalị eneḅaka mẹ.

Luku 2:42

Oyi maa kụra finji Jizọsị sịḅị ḅọrọ tẹso, ịn nwẹnị in mu-mu ḅara kẹ alalị mẹ muarị tẹ ọ̀ kẹ sụa mu.

Jọnị 11:55

Juu-ḅẹ-apụ ma ịna Saḅaḅọrọ-Alalị mẹ fị-fị sakị mẹ ḅo kpeki tẹso, tọnwa atomi nwẹnị anga, anga ḅụ sime tẹ iwo Jeruselemu mu, ịn ḅụụ fịafịama alalị mẹ pịrị mịẹye mẹ mịẹ ḅẹ ẹrẹsị.

Jọnị 13:1

Anị ene mẹ anie ḅaa kụma Saḅaḅọrọ-Alalị mẹ la ḅarị ene mẹ. Jizọsị nimi tẹ mịnẹ ọ̀ mị tomikiri mẹ koroma so Ḍaḅọ ḅe ḍọkụma-mu ḅẹ tẹ. Ọ̀ sakị mamgba ori atomi ma tẹ tomikiri sime apụ ma ḅẹlẹmam, tẹ anị ḅẹlẹma mẹ ọ̀ nyana ịn pịrị nwenii mu kunoma lam.

Jọnị 2:13

Juu-ḅẹ-apụ Saḅaḅọrọ-Alalị mẹ kpeki lama tẹso Jizọsị Jeruselemu mum.

Jọnị 6:4

Anị sakị Juu-ḅẹ-apụ ma Saḅaḅọrọ-Alalị mẹ ḅo kpeki tẹ.

Ditẹrọnọmị 12:11

anịtẹrẹmẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ tẹ mịẹtẹ ori ẹrẹ anịjụ sime ḅẹ anga mẹ, anịanga mẹ tẹ ọmịnị à tọn ọ́ pịrị aị mamgba: ọmịna dọkịma agbamịẹ-aị na, ọmịna agba ma na, ọmịna nyana-oyi-ḅụụ-gberie mẹ na, agba tẹ ọ́ mịẹ ḅẹ aị na, ịlọ tẹ ó minini KỊNỊNYANAḄỌ ḅe pịrị tẹ suma ḅẹ aị mamgba na kẹ ḅo ḅẹ anga mẹ.

Ditẹrọnọmị 12:18

Kụma KỊNỊNYANAḄỌ ọmịna Tamụnọ ḅe tọrọkọ mie ọ́ fị ḅarịye anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅarị anga mẹ ḅụ, ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, Livayị furo-ḅẹ-apụ tẹ ọmịna ama ma ḅio sime apụ ma na; anịsakị ọ́ KỊNỊNYANAḄỌ ọmịna Tamụnọ ḅe Tọrọkọ ḍereku ḅa ọ́ nyana tẹ mịẹ ye, mịẹ ye mamgba ḅụ.

Ditẹrọnọmị 16:16

Anị anga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ ḅụ ọmịna owiapụ mamgba tẹra asakị kẹ gbọrụ kụra ḅụ ḅụụ kẹ ọ̀ tọrọkọ ḅụ ò ḍie ḅa: sun-a fịturu kopini afịaị alalị mẹ ḅụ na, fẹnị-anga, fẹnị-anga ḅẹ kopini afịaị alalị ḅụ na, igurugu awarị kopini afịaị alalị mẹ na ḅụ. Ịn papaa ḅara kẹ KỊNỊNYANAḄỌ ḅe tọrọkọ ḅụ ḅụụ kẹ ò ḍie ma.

1 Samụẹlị 1:21

Ẹlịkena nwẹn-sịn owiḅọ ḅe na, ọ̀ warị mẹmgba na nwẹnị kụra-kụra ḅe agba mẹ mịẹ, pịkị ò minini ịlọ suma ḅẹ mu.

1 Samụẹlị 1:3

Mịọkụ ḅị owiḅọtụḅọ ḅe kụra-kụra ḅụ ori opu ama ḅụ so Silo ḅụ mu agba mịẹ-mịẹ ye-mamgba nyana KỊNỊNYANAḄỌ ḅe pịrịarị, Ịlayị maa owiapụ-awọmẹ Hofini na Finihasi na, KỊNỊNYANAḄỌ ḅe agbamịẹapụ sọ sime anga mẹ ḅụ.