Luku 2:4 - FỊAFỊA BAỊBỤLỤ

⁴ Josẹfụ nwẹnị Galili ḅẹ Nazarẹtị ḅụ saakị Judiya ḅẹ ama Bẹtịlịhẹmụ mu. Anị ama anie Ama-da Devidi iyi ye. Josẹfụ gotẹ anịanga mu ye ori Devidi furo-ḅẹ-ḅọ ẹrẹsị.

Luku 2:4 Iomraidhean Croise

Suku-saakị 35:19

Mie ḅụ Resẹlị fịịm, tẹ ini á kẹ Ifiratị, anie Bẹtịlịhẹmụ mu etela ḅụ ḍiḅim,

Suku-saakị 48:7

Kẹ gotẹ ọkọ ḅẹẹarị, Padani (Mẹsopotemịya) ḅụ à simetẹ ḅoarị sakị, kẹ mịẹtẹ à kururu ḅụ Resẹlị etela mẹ ḅụ fịịm Kenanị ama ḅụ, paa Ẹfịratị ḅụ ala wararị anga ḅụ; tẹ arị á kẹ Ẹfịratị (anie Bẹtịlịhẹmụ) mu etela mẹ akaka ḅụ ḍiḅim.”

Mayịka 5:2

KỊNỊNYANAḄỌ ḅe mẹẹ, “Kụma yei Ị́yẹrị Bẹtịlịhẹmụ, Ẹfịrata ḅẹ kala-ama, Juda opu sịẹ mẹ ḅụ ị́yẹrị ịrụ tẹịnm, kụma í ḅio mie gbọrụḅọ tẹ Izirẹlị ḅụ ḅẹrẹtọn ḅarị ḅọ ḅe paka-ḅo ị̀ pịrị ḅarịye; ori atẹngịapụ ma elemu aḍapụ ma ḅụụ saakịm elemu sakị ḅụ.”

Matiyo 1:20

Ọ̀ paa miemẹ kuromarị ogbo ọ̀ ḍawọ tẹ KỊNỊNYANAḄỌ enjẹlị ọ̀ ḅẹẹm, “Josẹfụ, Devidi tụḅọ, ḅalafa ma tẹ Meri ma ọkị simee. Kẹ gotẹ ọkọ ḅẹẹarị, á kọn wararị fura mẹ Fịafịa Tẹmẹ ḅe kụrọ ḅụ ḅom.

Matiyo 2:23

tẹ Nazarẹtị nwẹn-sịn gbọrụ ama kẹ ori ama sọma. Tẹ miemẹ nwẹnị mịẹtẹ ịkịankoro apụ ma ḍuko ye mẹ paka tẹ ye sọ: “Ịn kẹ ọ̀ sịn ḅarịye Nazarini.”

Luku 2:3

Ọrụḅọ-ọrụḅọ nwẹnị miemẹ gotẹ mu mḅọ paka ama ḅụ ẹrẹ kẹ ḍiri ḅio sụa.

Luku 2:5

Meri, ò sime ḅẹ tẹ ọlọ ẹrẹḅọ ma sọ ori na sọ tẹ ẹrẹ mẹ sụa ḅẹ mum. Anị sakị á fura wararị,

Luku 4:16

Anịtẹso Jizọsị Nazarẹtị mum, kala-sakị kụra-ḅio ori anga paka-ḅo yọ mẹ, tẹ ọ̀ mịẹ-mịẹ ḅara ḅụ ọ̀ nwẹnị ama-warị mẹ mu Ịnyọsara-Ene mẹ ḅụ. Ọ̀ saakị sịẹ tẹ Fịafịa Ḍiri mẹ go ḅẹ tẹso,

Jọnị 1:46

Tẹ Natanịyẹlị nwẹnị gbela, “Nazarẹtị ḅụ sọ iḅiye inetẹ paka-ḅo ḅẹ?” Filipu nwẹnị pakịrị, “Ḅo tẹ ẹrị.”

Jọnị 7:42

Fịafịa Ḍiri mẹ ḅẹẹarị mịnẹ Mẹsaya ḅe Ama-da Devidi furo ḅụ mie ọ̀ paka-ḅo ḅarịye, tẹ Bẹtịlịhẹmụ ḅụ mie ọ̀ pịkị iyi ḅarịye, Devidi anga ama mẹ.”

Rufu 1:19

Anieḅụ ini maa apụ ma mẹnjị ma-mu nwenii in mu Bẹtịlịhẹmụ lam. Ịn ḅo Bẹtịlịhẹmụ la tẹso, bebe ama mẹ nwẹnị ịn gotẹ jike; tẹ ereme ma nwẹnị gbela, “Karakaraye, mie Nahomi mọọ?”

Rufu 2:4

Anị gbọrụ-kirikiri, Bohazi nwẹnị Bẹtịlịhẹmụ ḅụ sime tẹ ḅo la; tẹ sịn-ḅịḅị kẹ fịye-sokuapụ ma pịrị tẹ ḅẹẹ, “KỊNỊNYANAḄỌ ḅe ọmịnị na simee!” Ini nwẹnị pakịrị, “KỊNỊNYANAḄỌ ḅe í bomaa.”

Rufu 4:11

Anịtẹso tomi mamgba tẹ ogigo-ḅọkọ mẹ ḅụ sime apụ ma na, omongiapụ ma na nwẹnị ḅẹẹ, “Wamịnị anie ogbo-sịẹ apụ. Yee KỊNỊNYANAḄỌ ḅe ẹrẹḅọ ma tẹ ị́ warị mẹ ḅio sọ-ḅoarị ḅọ ma mịẹ tẹ á Resẹlị na, Liya na tẹ gbolomatẹ Izirẹlị warị mẹ nama pakama-ḅo apụ ma sime-ḅara sime. Yee ị́ Ẹfịrata ḅụ lolo-kama, tẹ Bẹtịlịhẹmụ ḅụ kụn nyana.

Rufu 4:17

Ini na kpeki tẹ angarị ereme ma nwẹnị gbọrụ ẹrẹ kẹ ò kuro, ini mẹẹ, “Ịn gbọrụ owiḅọtụḅọ iyi Nahomi pịrị tẹ.” Ini Obẹdị kẹ ẹrẹ kẹ ò kurom. Ḅị Obẹdị ḅe anie Jese ḍa, anịsakị Jese anie Devidi ḍa ḅe.

1 Samụẹlị 16:1

KỊNỊNYANAḄỌ ḅe nwẹnị Samụwẹlị ḅẹẹ, “Ị́ Sọlụ gotẹ ḅioḅu nwenii mu tọ sakị la ḅẹ, ị́yẹrị sọ ẹrịarị arị ọ̀ sịkị tẹẹ, amadaḅọ sọ Izirẹlị pịrị ḅụ? Pulo kẹ ị́ ịfalị mẹ ḅio sụa ḅinmaa, tẹ mẹnjị muu; arị ị́ kẹ Jese, Bẹtịlịhẹmụ ḅẹ ḅọ ḅe fịrịma ḅa, gbala arị ori owiapụ-awọmẹ ma ogbo-ḅio ḅụ gbọrụ amadaḅọ pakama-ḅo ị̀ ḅụụ pịrịtẹ ẹrẹsị.”

1 Samụẹlị 16:4

Samụwẹlị KỊNỊNYANAḄỌ ḅe tọn ọ̀ pịrị ye ma mịẹm, tẹ Bẹtịlịhẹmụ ḅom. Opu ama mẹ ḅẹ omongiapụ ma nwẹnị oju sẹkị ḅụ ori na bịama ḅẹ ḅo, tẹ nwẹnị gbela, “Í gbeke dein ḅara ḅụ ḅo?”

1 Samụẹlị 17:12

Mịọkụ Devidi anie Juda ḅụ Bẹtịlịhẹmụ ḅẹ Ẹfịrẹtị furo ḅụ in Jese kẹ ẹrẹ kẹ kuro ḅọ, tẹ nine owiapụ-awọmẹ iyi ḅọ ḅe owiḅọtụḅọ. Sọlụ ene ma ḅụ sọ owiḅọ ḅe ori omongi tẹẹ, tẹ ọ̀ sịḅị kụra kẹlẹ mu tẹẹ.

1 Samụẹlị 17:58

Sọlụ nwẹnị ò gbela, “Asambịrịma owiḅọ, ị́yẹrị tụḅọ owiḅọtụḅọ?” Devidi nwẹnị pakịrị, “Yẹrị anie ị́ fịrịmẹnjịḅọ Jese, Bẹtịlịhẹmụ furo-ḅẹ-ḅọ ḅe owiḅọtụḅọ.”

1 Samụẹlị 20:6

Ị́ ḍa àrị ofori mẹ nimi-nimi, anịrẹ ḅẹẹ, ‘Devidi mangị Bẹtịlịhẹmụ ori opu ama mu ḅẹ ị̀ ḅara ḅụ tẹmẹ-la ḅara kẹ kụrọ ḅiim; gbala furo mẹmgba kụra-kụra ḅụ mịẹ-mịẹ agba anịjụ emi ẹrẹsị.’