Luku 2:39 - FỊAFỊA BAỊBỤLỤ

³⁹ Josẹfụ na Meri na KỊNỊNYANAḄỌ oloko mẹ ḅiim ịn mịẹ nwẹn ḅẹẹ aị mamgba mịẹ fama tẹso, ịn nwẹnị pịkịma so Galili ḅụ ịna ama Nazarẹtị mu.

Luku 2:39 Iomraidhean Croise

Matiyo 3:15

Kụma Jizọsị ọ̀ pakịrịm, “Yee anị mị-ḅara sime mịọkụ ḅụ. Gbala mị ḅọkọ ḅụ mie wa ḅọrọ tẹ Tamụnọ ḅiiarị wa mịẹ ḅẹẹ aị mamgba mịẹ fama ḅarịye.” Mie ḅụ Jọnị nwẹnị kẹ ọ̀ sara.

Luku 1:26

Elizabẹfụ fura mẹ ḅo sonio akalụ la tẹso, Tamụnọ nwẹnị enjẹlị Gebịrẹlị kẹ Galili ḅụ Nazarẹtị nwẹn-sịn ama fịrịma.

Luku 1:6

Ini maa apụ mamgba Tamụnọ tọrọkọ iḅi ḍumo kọnm, anie ịn pịkị KỊNỊNYANAḄỌ ḅe oloko mamgba koko kpaịnma ḅara.

Luku 2:4

Josẹfụ nwẹnị Galili ḅẹ Nazarẹtị ḅụ saakị Judiya ḅẹ ama Bẹtịlịhẹmụ mu. Anị ama anie Ama-da Devidi iyi ye. Josẹfụ gotẹ anịanga mu ye ori Devidi furo-ḅẹ-ḅọ ẹrẹsị.

Luku 2:51

Mie ḅụ Jizọsị ini na pịkịma so Nazarẹtị mu, tẹ ịna ḅịḅị poki ḅara kẹ ini na angam. Ò iyingi nwẹnị mịna aị mamgba kẹ á ḅioḅẹngbọ ḅụ suu wẹrị.

Luku 4:16

Anịtẹso Jizọsị Nazarẹtị mum, kala-sakị kụra-ḅio ori anga paka-ḅo yọ mẹ, tẹ ọ̀ mịẹ-mịẹ ḅara ḅụ ọ̀ nwẹnị ama-warị mẹ mu Ịnyọsara-Ene mẹ ḅụ. Ọ̀ saakị sịẹ tẹ Fịafịa Ḍiri mẹ go ḅẹ tẹso,

Luku 4:23

Ọ̀ nwẹnị ịn ḅẹẹ, “À nimim ọ́ mị egberi mẹ gbaa ị̀ pịrị ḅa, ‘Ḅịrịḅọ ị́ ḅụụ gwọ.’ Ọ́ pịkị ị̀ ḅẹẹ ḅa mịnẹ ọ́ naam Kepanọmụ ḅụ mịẹ aị ma mị ị̀ ama mẹ ḅụ sọ à mịẹ.”

Ditẹrọnọmị 12:32

À tọn ọ́ pịrị ye goyegoye ọ́ ḅụụ ẹbị-ẹbị tẹ anị mịẹ ḅa; ó ye kẹ anị ḅụ sụa, anịanịa ye sin ma.