Luku 2:37 - FỊAFỊA BAỊBỤLỤ

³⁷ Tẹ mịọkụ kụra inia si ini akụra finji á sịḅị ḅọrọ tẹ diḅọ-fịtẹ-ẹrẹḅọ ḅara ḅụ. Tamụnọ-warị ḅụ á so so-a, ḍin-o, eneḅaka-o, tẹ ḅuru-ịmọ-ịmọ tẹ tẹkẹm.

Luku 2:37 Iomraidhean Croise

Devidi-Anume 22:2

Ị̀ Tamụnọ, eneḅaka ḅụ àrị ị́ sịn-arị, kụma ị́ ḅịḅị fie-a; ḍin ḅụ àrị ị́ sịn-arị, tẹ mono ị̀ tọrụ sọ-a.

Devidi-Anume 23:6

À minini wararị mịnẹ í iḅi na ḍiki-ḅụụjịrị na kẹ ì ḍie ḅa ì ḍumo-ene mamgba ḅụ: tẹ à ḍumo mu la ḅarị ene mamgba ḅụ ị́ warị mẹ ì sime-yọ sọ ḅa.

Devidi-Anume 27:4

À KỊNỊNYANAḄỌ ḅe ḅara ḅụ gberie ḅii tẹ; anị kpọkpọ gberie mẹ mie arị ịgbanịarị: anie, ì ḍumo-ene mamgba kẹ KỊNỊNYANAḄỌ ḅe warị mẹ ḅio anga, anị yọ ḅụ ori iḅi ḍikiḍiki ḅụ ḅụụ-bua, tẹ ọ̀ ḅara datụkụma ḅii.

Devidi-Anume 84:10

Gbọrụ ḍin kẹ ị́ Warị ḅio sime mẹ iḅi ḍin maa ẹndẹ oyia asi finji kẹ jen anga ḅụ sime nẹngịm; à si-sịḅịḅio-sụapụ ma sime-ayọ ma ḅụ anga ḅarị nakara àrị ị̀ Tamụnọ ḅe warị mẹ ḅẹ ogigo ḅọkọ anga sịẹsimee.

Devidi-Anume 84:4

Ị́ Warị ḅio angarị apụ tọ-ḅara kẹ ḅioḅẹlẹ ḅẹ, sakị mamgba nume su-su í tokiniarị apụ ma.

Devidi-Anume 92:13

Ịn kịkarị ye KỊNỊNYANAḄỌ ḅe warị mẹ ḅio ḍiḅi asịn, anie wamịna Tamụnọ-warị mẹ ḅio sime tẹ bereberearị aị,

Paka-so 38:8

Ereme ma tẹ Kobiri Akpụrụ-warị mẹ ḅọkọ mẹ ḅụ kọrịnama kọrịarị apụ ma tẹmẹ-ḍikiye ḅụ mie ori ojo kẹ opu-panị mẹ na anị ḅẹ suku mẹ na tẹmẹ ye.

Luku 5:33

Kịnị nwẹnị ḅo Jizọsị ḅẹẹ, “Jọnị ḍukamẹnjịarị apụ ma na Farịsiiapụ ma ḍukamẹnjịarị apụ ma na sakị, sakị ḅụ ḅuru-ịmọ tẹ tẹkẹarị, kụma í ḍukamẹnjịapụ ma fị-na-ḅuu-naarị.”

Fịrịmẹnjịapụ 13:3

Ịn ḅuru-ịmọ tẹ tẹkẹ, tẹ ḅara kẹ ịna ọgọnọ gbana tẹso ini ịn fịrịma pakamam.

Fịrịmẹnjịapụ 14:23

In mu la sọsị sọsị, ịn sọsị omongiapụ tọn ịn pịrịm, tẹ ḅuru-ịmọ tẹ tẹkẹ tẹ ịn kẹ KỊNỊNYANAḄỌ ḅe ḅara sụam, in ḅioḅẹngbọ kẹ ḅụụ ḅụ gbana ḅọ ḅe.

Fịrịmẹnjịapụ 26:7

anị gberie mẹ anie wamịna oyi maa furo finji ma sọ kẹ ḅiokpọma tẹ anị ḅụ sime tẹ ḍin na eneḅaka na kẹ Tamụnọ tẹkẹarị ye mẹ. Amadaḅọ, í Opu ḅụ, à nwẹn kẹ ḅiokpọma wararị ye mẹ anie Juu-ḅẹ-apụ ma kẹ oloko sọma tẹ kẹ ị̀ ọlọarị ye!

1 Timoti 5:5

Gbọrụḅọ-sọ nyana-a diḅọ-fịtẹ-ẹrẹḅọ ma, á ḅarasụa-pịrịḅọ nyana-a ḅara ḅụ, árị á ḅiokpọ mẹmgba kẹ Tamụnọ ọgọnọ gbana tẹ, ọ̀ tẹkẹ tẹ ọ̀ ḅarasụa ḅiiarị ḍin na eneḅaka na ḅụ.

Mịẹfinji 3:12

Owu-ḅara-iḅi ḅọ mẹ àrị mḅọ kẹ ị̀ Tamụnọ ḅe warị mẹ ḅẹ gbọrụ ḅeriye mịẹ ḅa, tẹ mḅọ ḅarị anị koroma-so ḅịa. Mḅọ ọgọnọ ḅụ àrị ị̀ Tamụnọ ḅe ẹrẹ na, ị̀ Tamụnọ ḅe ama mẹ ẹrẹ na, Ịwọ Jeruselemu mẹ tẹ So-ḅio ị̀ Tamụnọ ḅe ḅara ḅụ ḅo ye mẹ na kẹ kẹẹ ḅa. Ị̀ ịwọ ẹrẹ mẹ sọ à kẹ mḅọ ọgọnọ ḅụ kẹẹ ḅa.

Mịẹfinji 7:15

Anịẹrẹsị ịn Tamụnọ emine mẹ tọrọkọ sịẹ tẹ ọ̀ warị mẹ ḅio ene ḅaka na ḍin na, kẹ fịrịmẹnjị ọ̀ pịrịarị. Emine mẹ ọgọnọ lẹgị wararị ḅọ ḅe emi tẹ in kikima ḅa.

1 Samụẹlị 2:2

KỊNỊNYANAḄỌ ḅe fịafịa ḅara fịafịa gbọrụḅọ-sọ ofori í sikima gbọrụḅọ-sọ ofori; wamịna Tamụnọ pembema ịkụ ofori.