Luku 2:34 - FỊAFỊA BAỊBỤLỤ

³⁴ Simiyọnị nwẹnị ịn boma tẹ Meri ò iyingi ma ḅẹẹ: “Ḅị tụḅọ ḅe Tamụnọ ọ̀ sẹlẹ-ọkị tẹ ò fa na ḅọrọma na sọ Izirẹlị ḅụ tọnwa-apụ pịrị ḅẹm. Ọ̀ Tamụnọ ḅara ḅụ ḅo elekima sọ ḅa, tẹ tọnwa atomi anị na tụḅụrụ ḅa Izirẹlị ḅụ,

Luku 2:34 Iomraidhean Croise

Suku-saakị 14:19

tẹ ọ̀ nwẹnị Ebiramụ boma tẹ ḅẹẹ, “Geletẹịn Tamụnọ ḅe, So na Kiri na tẹmẹḅọ ḅe Ebiramụ bomaa anịsakị boma sime Geletẹịn Tamụnọ ḅe tẹ, ị́ na fịya-a apụ ma ḅọrọma ị́ ḅara ḅio suu ḅọ ḅe pịrịị!”

Suku-saakị 47:7

Anịtẹso Josẹfụ nwẹnị ọ̀ ḍa Jekọbụ kẹ ḅo tẹ ọ̀ kẹ Fero tọrọkọ sịẹma. Jekọbụ nwẹnị Fero boma.

Paka-so 39:43

Mozizi kọrịnama mẹmgba ẹrịm, anịsakị ḍikii, ini anị kọrịm; KỊNỊNYANAḄỌ ḅe wẹrịtẹ tọn Mozizi pịrị tẹ ḅara, anị ḅara mie ịn kẹ anị kọrị tẹ ḅara. Tẹ Mozizi ịn bomam.

Ayịzaya 8:18

Mie yẹrị, KỊNỊNYANAḄỌ ḅe kẹ ị̀ pịrịtẹ awọmẹ ma na ị̀ na, Kụrọmamgba nyana KỊNỊNYANAḄỌ, Zayọnị tụndụ ọgọnọ ḅụ amịna emine emi ḅọ ḅe, ḍumo pịrịarị oku ma kẹ wa fịrịma tẹ mịnẹ kẹ Izirẹlịapụ pịrịị.

Hosiya 14:9

Yee ye-nimiapụ mị yọọ kẹẹ koro wararị aị ma fiearị ye naa, tẹ yee ini arị ọkị ḅioḅẹngbọ suu. KỊNỊNYANAḄỌ ḅe etela ma kuram, tẹ karakara mịẹ atomi arị ḍiki angarị, kụma si-mịẹapụ pụmbụ tẹ ḅịkịarị ini arị kẹ ye-sịn-a ẹrẹsị.

Matiyo 11:19

Tomḅọ Tụḅọ ḅe ḅo sakị, ọ̀ fị-na-ḅuu-nam, tẹ ọrụḅọ-ọrụḅọ ḅẹẹm, ‘Ḅieḅe ḍikii! Ori anie fị-ye fị-ye pọkọ-ta-a ḅọ, pịkị iru ḅuu ḅọ, ama-igbigi da apụ na ama sịkịtẹ apụ na ikiaḅọ!’ Anị sime-ḅara, sime-ḅara sọ, Tamụnọ ye-nimi mẹ anị dogi-ḅo ḅarị ye ḅụ mie tomi anị ḅẹ karakara mẹ lekiri ḅarịye.”

Matiyo 12:46

Jizọsị paa ẹkwẹn tomi ma pịrịarị ogbo ò iyingi na ori amịnapụ owiapụ na ḅo lam. Ịn nwẹnị etela anga sịẹ tẹ ori na ẹkwẹn ḅẹ ḅii.

Matiyo 21:44

Mị ḍụḅarị mẹ ọgọnọ ḅịkị-koro ḅọ koro ḅọ, mḅọ pakịrị-pakịrị puu ḅa; tẹ ḍụḅarị mẹ ḅịkị ponoma ḅọ ponoma ḅọ, anị mḅọ gbẹẹ fọọn sọma ḅa.”

Matiyo 27:63

tẹ ḅẹẹm, “Wa nyanaḅọ, wa kẹ ḅioḅọrọmaa, mịnẹ anị iruoḅọ ḅe ḍumo wararị sakị ọ̀ ḅẹẹm, Tẹra ḍin ḅọrọ tẹso, Tamụnọ fịị ḅụ ị̀ saakịma ḅa.

Luku 2:35

tẹ anie ḅụ ịna ḅọịtẹ akuroma ma mịẹ ḅelema ḅẹm. Tẹ kururu oḅuarị okologie sọ tẹ í ḅioḅẹngbọ temi kan kọsịma ḅa.”

Jọnị 3:20

Si amịẹaị mịẹarị ḅọ, mịẹarị ḅọ bele mẹ ḍiki-ḅioḅuarị, tẹ mḅọ anị ḅio sọ, sọ-a, mḅọ ḅii ḅịa mịnẹ tomi mḅọ si amịẹaị ma ẹrị.

Jọnị 5:18

Ọ̀ nwẹn ḍuko ye mẹ mịẹtẹ Juu-ḅẹ ḅẹrẹtọn-apụ ma nwẹnị kụrọma tọn-pẹlẹ lama mịnẹ ini ọ̀ ḅaa ḅa; ḅarị ori Ịnyọsara-Ene mẹ ḅẹ oloko mẹ kan ye mẹ kịngẹ-a, kụma ọ̀ ḅẹẹ tẹ mịnẹ Tamụnọ anie ò soku-ḅẹ Ḍaḅọ, mie ḅụ ọ̀ gbala ọ̀ ḅụụ kẹ Tamụnọ na gbasịma tẹ.

Fịrịmẹnjịapụ 13:45

Tẹ Juu-ḅẹ-apụ ma tomina-ogbo-ogbo ma ẹrị tẹso, anị nwẹnị ịna ḅioḅuma, tẹ ịn nwẹnị Pọlụ ḍuko ye mẹ na tụḅụrụ tẹ ọ̀ gọlị.

Fịrịmẹnjịapụ 17:6

Kụma ịn Pọlụ amẹẹ ẹrị-a ye ḅụ ịn nwẹnị Jesịnị na minini apụ ma ḅẹ ja apụ na fọnọ mu ama ḍikiḍiki kụrọ ḅara ḅụ sime apụ ma pịrị tẹ oloku tẹ ḅẹẹ, “Mịna atomi ma la tẹ ini ama fiema-a anga ofori! Mịọkụ in ḅo wamịna ama la tẹ,

Fịrịmẹnjịapụ 24:5

Ḅị tomḅọ ḅe, wa ḍọkị-ẹrịm, ori sụntẹ ḅụụ-fụkama ḍin lama tẹ lala-si tomḅọ; bebe tomikiri mẹ ḅụ ọ̀ la anga, la anga ò Juu-ḅẹ-apụ ma gbiri-gbirimarị, ori pịkị Nazarẹtị ḅẹ apụ ogbo mẹ sịḅịdapụ ma ḅẹ gbọrụḅọ.

Fịrịmẹnjịapụ 28:22

Anịsọ wa paa í kuroma sime aị naa ḅẹ ḅii ḅa, kẹ gotẹ ọkọ ḅẹẹarị, anga na, anga na ḅụ mie í simearị ogbo mẹ tomi anị ḅụ iḅiye ḍuko-a.”

Fịrịmẹnjịapụ 4:26

Tomikiri ḅẹ amadapụ ma ịna aḅụụ kobiri, tẹ owu kẹ KỊNỊNYANA-TAMỤNỌ ḅe na Ọ̀ Mẹsaya ḅe na paka ḅẹm.”

Fịrịmẹnjịapụ 6:7

Anịtẹso Tamụnọ ẹkwẹn mẹ nwẹnị wasama ma-mu, tẹ Jeruselemu ḅụ Jizọsị ḍukamẹnjịapụ ma kịẹn-ḅịḅị ḍụḅa tọrọkọ-tọrọkọ mum, tẹ agbamịẹapụ ma ḅẹ tọnwa-apụ sọ Jizọsị mininiye mẹ ọkịm.

Romu 9:32

Anị tiegotẹ ọkọ mịẹ-a? Ini ma in minini ḅụ sịrẹrẹ-a ẹrẹsị, kụma ịn kọrị kọrịnama ḅụ mie ịn sịrẹrẹ ye. Ọkọẹrẹsị ḅụọ bịan ḍụḅarị mẹ ịna aḅụọ bịan tẹ ịn pụmbụ tẹ ḅịkịm.

1 Kọrịntị 1:23

Wamịnị kụma, wa Kịrayịsị ẹngbẹsẹ-sịn mẹ ọgọnọ ḅakụ ye mẹ ḍukoarị, tẹ anị Juu-ḅẹ-apụ ịganịmarị, pịkị Ja asịẹ ḅẹ apụ ḅụụ ye fie-a ye sọarị.

Hiburu 7:1

Ḅị Mẹlịkizẹdẹkị ḅe anie Salẹmụ ḅẹ amadaḅọ, tẹ pịkị Geletẹịn Tamụnọ ḅe agbamịẹḅọ. Ebira-amụ ori inia amadapụ nẹngịma ọmụ mẹ ḅụ pịkị-ḅoarị ogbo, Mẹlịkizẹdẹkị ori na donia tẹ ò bomam,

Hiburu 7:7

Piki-pikiye-ofori ḅara ḅụ, kịnị-bomarịḅọ mẹ ḍụḅa mḅọ bomarị ḅọ nẹngịm.

1 Pita 4:14

Ọ́ Kịrayịsị ḍukamẹnjịarị mẹ gotẹ ini ó wori simearị ḅẹḅẹ, ḅioḅẹlẹ sime ọ́ pịrịm; anie fiearị mịnẹ ebube nyana Tẹmẹ ḅe, Tamụnọ Tẹmẹ ḅe, ọmịna ọgọnọ gbana tẹ.

1 Samụẹlị 2:20

Anịtẹso ọkụma Ịlayị, Ẹlịkena na, ọ̀ ta na boma tẹ ḅẹẹ ḅa, “KỊNỊNYANAḄỌ ḅe mị ẹrẹḅọ ma ḅụ awọmẹ kẹ ị́ pịrịị, tụḅọ ḅe tẹ á kẹ KỊNỊNYANAḄỌ ḅe pịrị ḅọ ḅe gotẹ.” Aniemẹ ḅọrọ tẹ ḅẹḅẹ ịn pịkịma-so ịna ama mum.