Luku 2:32 - FỊAFỊA BAỊBỤLỤ

³² Bele tẹ Í ḅiiarị ye mịẹ finji Ja asịẹ ḅẹ apụ ma pịrị, pịkị ebube sọ Ị́ atomi Izirẹlị pịrị.”

Luku 2:32 Iomraidhean Croise

Devidi-Anume 85:9

Tụkụmaye ọ̀ tẹlẹma wararị, ọ̀ kụn-arị apụ ma ḅọrọma, anịsakị ori emi tẹ wa ḅọrọmarị mẹ wamịna amakiri mẹ ḅụ sime tọrọkọ mu ḅa.

Ayịzaya 11:10

Anị ene mẹ ḅụ, anie Devidi furo ḅụ ịwọma amadaḅọ sọ ḅọ ḅe elekima sọ sịẹ-sịẹ ma pịrị ḅa. In ḅo ori ama-daarị opu ama mẹ ḅio kobiri tẹ kụn kẹ ọ̀ pịrị ḅa.

Ayịzaya 4:2

Anị ene mẹ ḅụ, KỊNỊNYANAḄỌ ḅe mịẹtẹ amakiri mẹ ḅụ ḍiḅi wararị sịn goyegoye, opuye-o kalaye-o, ḍụḅa ḅaka ḅa, pịkị iḅi ḅa. Izirẹlịapụ mamgba tẹ fịị-a so apụ ma, anị goo ḅioḅẹlẹ ḅa pịkị kẹ ḅụụ-tọn ḅa, amakiri mẹ pakama-ḅoarị afịaị ma ḅụ.

Ayịzaya 45:25

Yẹrị, KỊNỊNYANAḄỌ ḅe, Jekọbụ furo-ḅẹ-apụ mamgba pụkọ-pakamaḅo, tẹ ini ì tokini ḅa.

Ayịzaya 49:6

KỊNỊNYANAḄỌ ḅe ị̀ ḅẹẹm: Ị̀ fịrịmẹnjịḅọ, à tarị fịrị mẹ nẹngị ye nyana ị́ pịrị wararị. Ị́ Izirẹlịapụ tẹ fịị-a so apụ ma kẹ ḅo elemu in nyana opu mẹ lama ḅarị mẹ kịngẹ-a, kụma à pịkị ị́ kẹ bele sọma sịẹ-sịẹ ma pịrị ḅa, mịẹ tẹ bebe tomikiri mẹ ḅọrọma ḅẹ ḅara.

Ayịzaya 49:9

Arị ikoliapụ ma ḅẹẹ ḅa, “Ọ́ paka-soo!” pịkị kanakana ḅio simearị apụ ma sọ, ọ́ paka bele ḅio ḅoo! in tụndụ ma ọgọnọ sime tẹ osuka fịarị anana ma kịka ḅa,

Ayịzaya 51:4

“Ị̀ atomi ọmịnị ì pokii, ọmịnị à ḍukoarị ye pokii; Arị ì tolumaye kẹ sịẹ-sịẹ ma pịrịarị; ì oloko ma bele ọkị-ḅo ịn pịrị ḅa.

Ayịzaya 60:19

Ịrụa ḅarị jen kẹ bele sọ ị́ pịrị ḅịa eneḅaka ḅụ, Anịanịa akalụ mẹ í bele sọ ḍin ḅụ. Yẹrị KỊNỊNYANAḄỌ ḅe í sime gbamaso bele sọ ḅa; Ì ebube mẹ ḅẹ bele ḅịya ị́ sarama ḅa.

Ayịzaya 9:2

Kanakana ḅio mẹnjị sime apụ ma opuma opu bele ẹrị tẹẹ. Kpiti tẹ amakiri ḅụ ini angam, kụma mịọkụ bele ḅịyarị ịna ọgọnọ.

Jerimaya 2:11

Jen gbọrụ sịẹ sọ amụ amịna atamụnọ ḍima-a, karakaramatẹ arị aị ma tamụnọ-a ḅẹ sọ. Kụma ì atomi tamụnọ nwẹn ḅẹẹ aị tẹ inetẹ gberie-sọ mịẹ ịn pịrị ḅịa aị ma kẹ Tamụnọ tẹ kụn ọkị-ḅo ịn pịrị tẹ ḅọ ḅe kiri ḍima tẹẹ.

Zẹkaraya 2:5

KỊNỊNYANAḄỌ ḅe minini tẹ mịnẹ ò ḅioju fịnị sọ tẹ opu ama mẹ ikelema-koro tẹ anị gbaịn-ḅọrọma ḅa, tẹ anị ḅio anga ḅa ori ebube mẹmgba ḅụ.”

Matiyo 4:16

Kanakana ḅio anga apụ ma opu bele ẹrị ḅa, fịị kanakana ye-yọ ḅụ anga apụ ma, bele ḅịya ịn sarama ḅa.”

Luku 2:10

Kụma enjẹlị ḅe ịn ḅẹẹm, “Ọ́ ḅalafa ma! Àrị iḅi-oku kẹ ḅo ọ́ pịrị wararị, opu ḍereku kẹ tomi mamgba pịrị ḅẹ ye.

Luku 2:31

tomi mamgba tọrọkọ ḅụ, Ị́ tẹlẹma tẹ ye mẹ:

Fịrịmẹnjịapụ 26:23

mịnẹ Mẹsaya ḅe tọrụsiẹrị tẹ tarị fị-ḅụ-saakị ḅọ sọ tẹ ḅọrọma bele mẹ ḍuko wasama Juu-ḅẹ-apụ na Ja asịẹ ḅẹ apụ na pịrị ḅẹm.”

Fịrịmẹnjịapụ 28:28

Ḍuko gbaịn ḅụ Pọlụ ḅẹẹm, “Ọkọẹrẹsị ó nimii mịnẹ, Tamụnọ ḅọrọma oku mẹ, ịn kẹ Ja asịẹ ḅẹ apụ ma fịrịma tẹ, tẹ ini anị poki ḅa.” [

1 Kọrịntị 1:31

Miemẹ ẹrẹsị, Fịafịa Ḍiri mẹ ḅẹẹm, “Ḅụụ-boma ḅẹ ḅọ sime, sime, mḅọ KỊNỊNYANAḄỌ ḅe kọrịnama mẹ kịngẹ gotẹ.”

Mịẹfinji 21:23

Opu ama mẹ ịrụa na akalụ na bele ḅii-a, gbala Tamụnọ ebube mẹ ḅịya anị saramarị, tẹ Anana Tụḅọ ḅe pịkị tọnjọ sọ anị pịrị wararị ẹrẹsị.