Luku 2:29 - FỊAFỊA BAỊBỤLỤ

²⁹ “KỊNỊNYANAḄỌ, Í minini ye Ị́ mịẹtẹ, mịọkụ Ị́ pịkị mịẹtẹ Ị́ fịrịmẹnjịḅọ Dein na so ḅa.

Luku 2:29 Iomraidhean Croise

Suku-saakị 15:15

Ị́yẹrị kụma, dein ḅụ í so ị́ aḍapụ ma ḍọkụma-mu ḅa ị́ kpọọ lama tẹrẹmẹ mie ini í ḍiḅi ḅarị ye.

Suku-saakị 46:30

Izirẹlị nwẹnị Josẹfụ ḅẹẹ, “Àrị ị́ tọrụkuḅu ẹrị tẹ, tẹ nimi tẹ mịnẹ ị́ paa ḍumo-sime wararị nwẹn ḅẹẹ sakị, yee mịọkụ à nwẹnị fịị.”

Devidi-Anume 37:37

Kireinma iḅi atomi ma ḍikii, karakaraye-mịẹapụ ma kẹ elekima sụaa; gbala deintẹ atomi anie awọ nyana apụ;

Luku 2:26

tẹ mịẹtẹ ò nimi tẹ mịnẹ ọ̀ fịị ḅịa nwenii ọ̀ KỊNỊNYANAḄỌ ḅe mininim ḅo ḅa nwẹn ḅẹẹ Mẹsaya ḅe ẹrị sakị la ḅa.

Luku 2:28

Simiyọnị nwẹnị tụḅọ ḅe saakị dogi tẹ Tamụnọ boma tẹ ḅẹẹ:

Filipayị 1:23

Anị ḅo kịnị ama-ḅara na ere-ḅara na kẹ ị̀ nụnụarị ye kịka tẹ. À ḅii lamarị à mị tomikiri ḅẹ ḍumo mẹ koroma so mu Kịrayịsị na sime, anie iḅi osi ye nẹngị lamam;

Mịẹfinji 14:13

Anịtẹso à So-ḅio gbọrụ pọkọ naam, ḅẹẹ mịnẹ, “Miemẹ kẹẹ koromaa. Mịọkụ saakị tọrọkọ mu ḅioḅẹlẹ sime KỊNỊNYANAḄỌ ḅe fịrị mẹ ḅio sime tẹ fịị apụ ma pịrịm.” Tẹmẹ ḅe nwẹnị pakịrị, “Inn, karakaraye lamam! Ini ịna kụrọ kọrịnama mẹ ḅụ ḅioḅẹlẹ ịnyọsara ḅa, tẹ ịn mẹnjị fịrị mẹ dogi-ḅo ye mẹ ini na muarị ẹrẹsị.”

Mịẹfinji 6:10

Ịn nwẹnị gele pọkọ kẹ oloku tẹ ḅẹẹ, “Kụrọmamgba nyana KỊNỊNYANAḄỌ, fịafịa pịkị karakaraḅọ, tomikiri ḅẹ atomi ma kẹ wa ḅaa ye mẹ kẹ ịn kọn tẹ fomu-ḅara kẹ ịn pịrị mẹ ị́ kẹ wẹrị alama mu tọ-sakị la ḅẹ?”