Luku 2:25 - FỊAFỊA BAỊBỤLỤ

²⁵ Anị sakị ḅụ Jeruselemu ḅụ ịn kẹ Simiyọnị sịn gbọrụ owiḅọ simem. Ḅị ḅọ ḅe karakara iḅi tomḅọ, tẹ Tamụnọ ḍiki-ḅalafarị ḅọ, ọ̀ pịkị Izirẹlị ḅọrọma ḅẹ sakị mẹ koruarị. Fịafịa Tẹmẹ ḅe ọ̀ ḅụụ sime

Luku 2:25 Iomraidhean Croise

Suku-saakị 6:9

Mịna apụ ma anie Noha aḅụọ ḅẹ apụ ma. Noha anie karakara tomḅọ, ọ̀ ḅụọ ḅụ ọ̀ ḅụụ ḅẹẹ-ḅẹẹye ofori; Noha Tamụnọ na gbọrụ ḅụ mẹnjịm tẹ ọ̀ ḅịḅị pokim.

Jobu 1:1

Ḅọrọtẹ sakị ḅụ, ịn kẹ Uzu sịn ama mẹ ḅio Jobu nwẹn-sịn gbọrụ owiḅọ simem; ọ̀ ḅụụ ḅẹẹ-ḅẹẹye ofori; karakara tomḅọ tẹ Tamụnọ mangịma tẹ siye ḅụ ḅụụ sikima ḅelema ḅọ.

Jobu 1:8

KỊNỊNYANAḄỌ ḅe nwẹnị Ekwesu ḅe gbela, “Ị̀ fịrịmẹnjịḅọ Jobu ị́ ọ̀ kẹ ḅiokoroma tẹ mọ, mịnẹ tomikiri mẹ ḅụ ò pembema ḅụụ ḅụ ḅẹẹ-ḅẹẹye ofori karakara tomḅọ, tẹ ị̀ mangịma tẹ siye ḅụ ḅụụ sikima ḅelema ḅọ ofori?”

Ayịzaya 25:9

Anị paka sakị, ḅẹḅọ-ḅẹḅọ ḅẹẹ ḅa, “Ori anie wamịna Tamụnọọ! Wa ọ̀ kẹ ḅiokpọma tẹ ọ̀ wa pọkọ pakama-ḅo tẹ. Ori anie KỊNỊNYANAḄỌ ḅee! Wa ọ̀ kẹ ḅiokpọma tẹ mịọkụ wa ḅioḅẹlẹarị, pịkị ḍerekuarị, ọ̀ wa ḅọrọma tẹ ẹrẹsị.”

Ayịzaya 40:1

Wamịna Tamụnọ ḅẹẹarị: Ị̀ atomi ḅio kpọmaa! Ịna ḅio kpọmaa!

Mayịka 6:8

Mayịka nwẹnị ịn ḅẹ mịnẹ ọkọ-a, yei Izirẹlịapụ, KỊNỊNYANAḄỌ ḅe kọkọ wa mịẹ ḅẹ iḅiye mẹ kẹ wa ḍie, tẹ ọ̀ wamịna ḅara ḅii ye ḍuko wa pịrị tẹ; arị aị ma anie: karakara ḅẹrẹkọn na, iḅi-yemịẹ-ḅara na ḅẹlẹma na nyana jụmọ-jụmọ pịrị pịkị ḅụụ iderima ḅara kẹ wamịna Tamụnọ ḅe na gbọrụ ḅụụ sime.

Kịẹn-aḅịḅị 11:25

Anịtẹso, KỊNỊNYANAḄỌ ḅe oḅuto mẹ ḅio tuuideri-ḅo tẹ ẹkwẹn ọ̀ pịrịm, tẹ tẹmẹ mẹ tẹ ori ọgọnọ simearị tẹmẹ-ịnyọ mẹ ḅụ kẹlẹ ọkị tẹ anị kẹ tesi oyia sịḅịdapụ finji ma ọgọnọ gbanam; tẹ tẹmẹ-ịnyọ mẹ ịna ọgọnọ gbana tẹso, ini ịkịan korom, kụma ini ọkọ mịẹ alama-a.

Kịẹn-aḅịḅị 11:29

Kụma Mozizi nwẹnị ọ̀ ḅẹẹ, “ị̀ sịḅị gotẹ í ini afanarị mụnọọ? Kpọma ì ḅio ḅẹlẹma ye sọ ḅa, KỊNỊNYANAḄỌ ḅe nwẹnị ḅiim ori atomi mamgba ịkịankoroapụ sọọ, nwẹnị pịkị ọ̀ tẹmẹ-ịnyọ kẹ ịna ọgọnọ gbana ḅẹ kụma.”

Makị 15:43

Arịmatiya ḅẹ Josẹfụ, Sịẹ-Kobiri mẹ ḅẹ opuḅọ, ò ḅioju sọ Tamụnọ Ama-da sakị mẹ koru simem, nwẹnị ḅiokpọ tẹ Payịleti dama-mu tẹ Jizọsị oju akpakpa mẹ ḅii.

Luku 1:41

Elizabẹfụ Meri sịn-ḅịḅị mẹ naa gbọrụ sakị á furo ḅio ḅẹ tụḅọ mẹ nwẹnị tii, tẹ Fịafịa Tẹmẹ ḅe nwẹnị Elizabẹfụ ḅụụ sọ ḅin,

Luku 1:6

Ini maa apụ mamgba Tamụnọ tọrọkọ iḅi ḍumo kọnm, anie ịn pịkị KỊNỊNYANAḄỌ ḅe oloko mamgba koko kpaịnma ḅara.

Luku 1:67

Fịafịa Tẹmẹ ḅe nwẹnị Jọnị ḍa Zẹkaraya ḅụụ sọ, tẹ ọ̀ nwẹnị Tamụnọ oku mẹ ḍuko pakama:

Luku 2:38

Anị gbọrụ sakị mẹ ḅụ árị sọ nwẹnị ḅo la, tẹ ịmịẹtẹ kẹ Tamụnọ ḅẹẹ, pịkị tụḅọ ḅe gboloma ye ḍuko Tamụnọ Jeruselemu ḅọrọma ḅarị mẹ koruarị apụ mamgba pịrị.

Luku 23:51

Ịn pẹlẹ Jizọsị pịrị si ḅẹrẹ mẹ na ịn kẹ ọ̀ mịẹ aị ma na ḅụ ọ̀ ḅịḅị sọ-a; tẹ Judiya sịẹ mẹ ḅụ ịn kẹ Arịmatiya sịn ama mẹ ḅụ ọ̀ pakam, tẹ ọ̀ pịkị Tamụnọ Ama-da mẹ koru simem.

Fịrịmẹnjịapụ 10:2

Ori Tamụnọ nimi tomḅọ, tẹ ori na ò bebe warị-kpo mẹmgba na sakị mamgba Tamụnọ tẹkẹ tẹkẹm. Ọ̀ pịkị ḅẹlẹma ḅarasụa Juu-ḅẹ igoin-apụ pịrị, pịrịm, tẹ sakị mamgba Tamụnọ tẹkẹ, tẹkẹm.

Fịrịmẹnjịapụ 10:22

Ịn nwẹnị pakịrị, “Ọmụ-alaḅọ Kọnilọsị wa kẹ fịrịmam. Ori ḅe iḅi tomḅọọ, pịkị Tamụnọ tẹkẹarị ḅọ, tẹ Juu-ḅẹ-apụ mamgba sọ kẹ ye-sịn lama wararị ḅọ. Tamụnọ enjẹlị ọ̀ ḅẹẹm ori ị́ sịn ọ̀ warị ḅoo, tẹ í ḍuko ḅẹ ye pokii.”

Fịrịmẹnjịapụ 2:5

Anị sakị mẹ ḅụ Tamụnọ nimi lama wararị Juu-ḅẹ apụ tẹ tomikiri mẹ ḅẹ kịrị-kịrị anga ḅụ sime tẹ ḅo apụ Jeruselemu ḅụ angarị.

Fịrịmẹnjịapụ 24:16

Mie ḅụ, à pịkị arị inetẹ ḅara, inetẹ ḅara mịẹarị sakị mamgba, mịnẹ Tamụnọ tọrọkọ na tomina tọrọkọ na ị̀ tẹmẹ ḅioḅẹngbọ fịafịa.

Ditẹrọnọmị 18:15

KỊNỊNYANAḄỌ ọmịna Tamụnọ ḅe ì pembe gbọrụ ịkịankoroḅọ saakị pakama-ḅo ọ́ pịrị ḅa ọmịna ogbo-ḅio, ọmịna amịnapụ ma ḅụ ori mie ó poki ḅarịye.

2 Pita 1:21

Kẹ gotẹ ọkọ ḍukoarị, gbọrụ ịkịankoro ẹkwẹn sọ amụ jene-jene tomḅọ kuroma ḅụ ḅo-a, kụma Fịafịa Tẹmẹ ḅe ḅẹrẹtọn tomina aḅioḅẹngbọ pịrịarị ogbo mie ịn Tamụnọ ḅara ḅo oku mẹ ḍuko ye.