Luku 2:23 - FỊAFỊA BAỊBỤLỤ

²³ Anie KỊNỊNYANAḄỌ ḅe oloko ḍiri mẹ ḅio anị kẹẹ koro ḅara, mịnẹ tarị iyi owiḅọ goḅọ-goḅọ ịn saakị sikima KỊNỊNYANAḄỌ ḅe pịrị ḅa.

Luku 2:23 Iomraidhean Croise

Paka-so 13:2

“Tarị iyi apụ mamgba mịẹ fịafịama sikima koroma ị̀ pịrịị; Izirẹlịapụ ma ogbo-ḅio tarị furo mẹ finji ḅọ, finji ḅọ tomḅọ na, nama na ḅụ anie ì nye.”

Paka-so 22:29

“Ọmịnị ọmịna fịye soku fama gbọrụ sakị ọ́ sakị fama ma tẹ anị ḅụ fịye na, ọmịna iru pọnjị aị ḅio paka-ḅo iru na kẹ agba mịẹ ị̀ pịrị ḅa.” “Ọ́ tarị iyi owiapụ-awọmẹ ma ọ́ nwẹn kẹ ị̀ pịrị ḅa.

Paka-so 34:19

“Awọ tẹ furo mẹ finji aị mamgba ì nye opu anama ḅẹ owi, pịkị tarị iyi nambulo na anana na.

Kịẹn-aḅịḅị 18:15

Meni sụa aị mamgba ḅụ furo finji tarị tụḅọ goyegoye, ḅọrọ tomḅọ anịanịa nama tẹ ịn kẹ agba mịẹ KỊNỊNYANAḄỌ ḅe pịrị ye goyegoye í nye sọ ḅa; ẹbịsịya tomina ḅụ na, fịafịa-a anama na ḅụ í pakịrị ye daa-ọkị ḅa.

Kịẹn-aḅịḅị 3:13

Kẹ gotẹ ọkọ ḅẹẹarị, tarị awọmẹ mamgba ì nye anị ene mẹ tẹ àrị Ijiputi ama mẹ ḅio tarị awọmẹ mamgba ḅaa ene mẹ ḅụ àrị Izirẹlị ḅụ tarị awọmẹ mamgba mịẹ fịafịama ị̀ ḅụụ pịrịm, tomina awọmẹ na, nama iyi aị na ḅụ ịn sime ị̀ pịrị ḅa. Yẹrị anie KỊNỊNYANAḄỌ ḅee.”