Luku 2:2 - FỊAFỊA BAỊBỤLỤ

² Mị kịnị kịẹn mẹ Kirinịyọsị Siriya ḅụ ḅẹrẹtọn-arị sakị anie anị tarị mịẹ ye.

Luku 2:2 Iomraidhean Croise

Matiyo 4:24

Ò gboloma ye mu bebe Siriya sịẹ mẹ kana-korom, miemẹ mịẹtẹ ịn nwẹnị obi apụ mamgba kẹ mu ọ̀ la, obi mẹ sime-ḅara, sime-ḅara sọ — oru sịḅị ḅio sime apụ-o, ịsịla-obi kọn apụ-o, ngụrọ-kọnapụ-o, tẹ Jizọsị nwẹnị inimgba gwọ.

Luku 2:1

Anị sakị ḅụ Romu tomikiri mẹ daarị ḅọ ḅe, Ọgọsịtọsị, oloko sụam mịnẹ ini ò suku-ḅio sime atomi mamgba kịẹn-ḅịḅị ọkịị.

Luku 2:3

Ọrụḅọ-ọrụḅọ nwẹnị miemẹ gotẹ mu mḅọ paka ama ḅụ ẹrẹ kẹ ḍiri ḅio sụa.

Luku 3:1

Tayịberiyasị Romu tomikiri mẹ da tẹ jei karama kụra ḅụ; Pọnịtịyọsị Payịleti anie Judiya ḅụ ḅẹrẹtọnḅọ, anie pịkị Ẹrọdị Galili da sime sakị, tẹ ori iyimbere Filipu, Ituriya na Tarakonayịtisi na iri mẹ ḅụ ḅẹrẹtọn-arị sakị, tẹ Lisaniyasị pịkị Abilini ḅẹ ḅẹrẹtọnḅọ,

Fịrịmẹnjịapụ 13:7

Ori na Sajịyọsị Pọlọsị, sọọ mẹ ḅẹ ḅẹrẹtọnḅọ ḅe na ikiapụ, ọ̀ pịkị sịḅịḅio nyanam. Ḅẹrẹtọnḅọ ḅe Tamụnọ ẹkwẹn mẹ naa ḅẹ ḅiim gotẹ Banabasị na Sọlụ na sịn ḅom.

Fịrịmẹnjịapụ 18:12

Romu ḅẹ apụ Galiyo kẹ Akaya ḅẹ Ḅẹrẹtọnḅọ mịẹ tẹso, Juu-ḅẹ-apụ ma ḅiya tẹ Pọlụ kun tẹ kẹ ọ̀ ḅẹrẹkọn warị mum.

Fịrịmẹnjịapụ 23:26

“Yẹrị, Kịladịyọsị Lisiyasị, mị ḍiri mẹ kẹẹ tẹ kẹ, Ori opu ḅụ, Ḅẹrẹtọnḅọ Fẹlịkisi fịrịmarị. À ḅii-ḅịḅị kẹ ị́ fịrịmam.

Fịrịmẹnjịapụ 26:30

Anịtẹso amadaḅọ ḅe na, Ḅẹrẹtọnḅọ ḅe na, Banayịsị na, anịjụ sime apụ mamgba na nwẹnị saakị,

Fịrịmẹnjịapụ 5:37

Anịtẹso, kịnị kịẹn sakị mẹ ḅụ, Galili ḅẹ Judasị sịḅị tolumam; ori sọ tomi nyana lamam, kụma ini ọ̀ ḅaa gbọrụ sakị ò ḍukamẹnjịapụ mamgba gala-gala famam.