Luku 2:19 - FỊAFỊA BAỊBỤLỤ

¹⁹ Mịna aị mamgba ḅụ gberie-sọ Meri ḅioḅọrọ-a, á pịkị kpọma arị kẹ kuroma ḅụ suum.

Luku 2:19 Iomraidhean Croise

Suku-saakị 37:11

Ori owiapụ-amịnapụ ma nwẹnị miemẹ kẹ ori afana, kụma ọ̀ ḍa anị kẹ ò ḅioḅẹngbọ kokom.

Devidi-Anume 119:11

Àrị í oloko kokoarị ì ḅioḅẹngbọ ḅụ, mịẹ tẹ à si kẹ ị́ mịẹ ḅịa ḅara.

Egberima-Ẹkwẹn 4:4

ị̀ ḍa ye kẹ ì toluma ḅẹ tẹ ḅẹẹ-ḅẹẹm, “À ḍukoarị ye kẹ ḅiokoromaa, gbala-gbala anị kẹ ḅioḅọrọma ma. Arị ị́ ḅẹ ḅara mịẹẹ, anị sakị í ḍumo ḅa.

Danẹlị 7:28

Mie ḍukoye mẹ kunoma mẹ. Ị̀ ḅalafa la ḅara mịẹ tẹ à bosolo ḅara simem, tẹ à ye goyegoye kẹ ị̀ ḅụụ ḅio wẹrịm.

Hosiya 14:9

Yee ye-nimiapụ mị yọọ kẹẹ koro wararị aị ma fiearị ye naa, tẹ yee ini arị ọkị ḅioḅẹngbọ suu. KỊNỊNYANAḄỌ ḅe etela ma kuram, tẹ karakara mịẹ atomi arị ḍiki angarị, kụma si-mịẹapụ pụmbụ tẹ ḅịkịarị ini arị kẹ ye-sịn-a ẹrẹsị.

Luku 1:66

Anị naa ḅọ naa ḅọ anị kẹ kuroma ḅụ suu tẹ gbelam, “Mịẹ ḅọrọ tọ-ḅara sime ḅẹ tụḅọ?” Tẹ anị inimgba ḅụụ korom mịnẹ KỊNỊNYANAḄỌ ḅe kụrọ ori ọgọnọ gbana tẹ.

Luku 2:18

Tẹ anana-ḍikiḍikiapụ ma ḍuko ye mẹ naa apụ mamgba ḅụụ-buam.

Luku 2:51

Mie ḅụ Jizọsị ini na pịkịma so Nazarẹtị mu, tẹ ịna ḅịḅị poki ḅara kẹ ini na angam. Ò iyingi nwẹnị mịna aị mamgba kẹ á ḅioḅẹngbọ ḅụ suu wẹrị.

1 Samụẹlị 21:12

Devidi nwẹnị mịna ẹkwẹn-aḅịḅị ma ọkị ò ḅioḅẹngbọ suu, tẹ kpọma Akisi, Gati ḅẹ amadaḅọ ḅe ḍiki-ḅalafa lama.