Luku 2:17 - FỊAFỊA BAỊBỤLỤ

¹⁷ Anana ḍikiḍikiapụ ma ori ẹrị tẹso, ịn nwẹnị enjẹlị ḅe ọ̀ ḅụ kọn ẹkwẹn mẹ ḍuko anịjụ sime apụ pịrị.

Luku 2:17 Iomraidhean Croise

Devidi-Anume 66:16

Tamụnọ kụn-arị apụ mamgba, ó ḅo pokii, tẹ àrị ọ̀ mịẹ ị̀ pịrịtẹ aị ḍuko ọ́ pịrị ḅa.

Malakayị 3:16

Anịtẹso KỊNỊNYANAḄỌ ḅe mangịmarị atomi ma ẹkwẹn jụmọ-jụmọ pịrị tẹ KỊNỊNYANAḄỌ ḅe poki tẹ in ḍuko ye naam. Ọ̀ tọrọkọ ḅụ, ịn KỊNỊNYANAḄỌ ḅe kụn tẹ ọ̀ mangịmarị apụ ma ẹrẹ kẹ ḍiri ḅio kẹẹ koromam.

Luku 2:16

Mie ḅụ ịn nwẹnị fọnya mu tẹ Meri na Josẹfụ na ẹrị, anị sakị tụḅọ ḅe ini ọ̀ kẹ fịye sụa nama pịrị igbe mẹ ḅio ḅọlọlọma wararị.

Luku 2:18

Tẹ anana-ḍikiḍikiapụ ma ḍuko ye mẹ naa apụ mamgba ḅụụ-buam.

Luku 2:38

Anị gbọrụ sakị mẹ ḅụ árị sọ nwẹnị ḅo la, tẹ ịmịẹtẹ kẹ Tamụnọ ḅẹẹ, pịkị tụḅọ ḅe gboloma ye ḍuko Tamụnọ Jeruselemu ḅọrọma ḅarị mẹ koruarị apụ mamgba pịrị.

Luku 8:39

“Pịkị-so ama mu tẹ Tamụnọ kọrị ị́ pịrị ye mẹ ḍuko ị́ ama ḅẹ apụ pịrị.” Tomḅọ ḅe nwẹnị bebe ama mẹ mẹnjị-mẹnjị tẹ Jizọsị kẹ ọ̀ mịẹ iḅi mẹ ḍuko ma ḅọrọ.