Luku 2:14 - FỊAFỊA BAỊBỤLỤ

¹⁴ “Ebube sime Tamụnọ pịrị geletẹịn so mẹ ḅio, tẹ dein tomikiri sime ịna mịẹye ọ̀ ḅụụ-ḅẹlẹarị apụ ma pịrịị!”

Luku 2:14 Iomraidhean Croise

Ayịzaya 44:23

So, ḍereku ḅụ olokuu! Tomikiri mẹ ḅẹ pokolo ayọ, ọmịnị olokuu! Tụndụ amẹẹ, ó ḍereku ḅụ olokuu; opu piri mẹ ḅio simearị sịn goyegoye sọ! KỊNỊNYANAḄỌ ḅe ọ̀ kụrọ ḍie-pakama tẹ ori atomi Izirẹlị ḅọrọma ḅụ.

Ayịzaya 49:13

So, nume suu! Kiri, ḍereku kẹ oloku! Yee tụndụ ma kaan-paka nume ḅụ! KỊNỊNYANAḄỌ ḅe ori atomi dedema ḅa; Ọ̀ sịḅị-kụrụkụrụ nyana ori atomi tọrụsiẹrịarị apụ ma pịrị ḅa.

Ayịzaya 57:19

À dein kẹ kịnị mamgba kpeki wararị apụ na ḅele wararị apụ na pịrị ḅa! Àrị ì atomi gwọ ḅa.

Mayịka 5:5

Tẹ ò dein kẹ ḅo tomikiri mẹ pịrị ḅa. Asiriya ḅẹ apụ ḅo wamịna opu sịẹ gbaịn, tẹ wa kikima onu mẹ kan sakị, wa wamịna kụrọ tẹịn tọrọkọ-tarịapụ ma fịrịma mu inina owu sọ ḅa.

Matiyo 21:9

Tomina-ogbo-ogbo ma tẹ Jizọsị tọrọkọ tarị apụ ma na, ori ọḅụ ḍuka-mu apụ ma na nwẹnị saakị oloku tẹ ḅẹẹ, “Devidi Tụḅọ ḅe tokinii! Tamụnọ, KỊNỊNYANAḄỌ ḅe ẹrẹ ḅụ ḅoarị ḅọ ḅe bomaa! Ọ́ Tamụnọ tokinii!”

Luku 1:79

tẹ So-ḅio anị sime tẹ ḅịya fị kanakana ḅio angarị apụ mamgba sarama ḅa, tẹ wamịna aḅụọ da dein etela ḅio suu ḅa.”

Luku 19:38

“Tamụnọ, KỊNỊNYANAḄỌ ḅe ẹrẹ ḅụ ḅoarị Amadaḅọ ḅe bomaa! Dein So-ḅio simee, ebube sime Tamụnọ pịrịị!”

Luku 2:13

Anị gbọrụ sakị ḅiotọn-a ḅara ḅụ So-tọrụ ḅụ enjẹlị ogbo ḅụụ-pakama tẹ, tarị ḅo enjẹlị ḅe na sọ tẹ sunsin Tamụnọ tokini tẹ ḅẹẹarị:

Luku 2:15

Enjẹlị ma ịn koroma pịkịma iwo so mu tẹso, anana-ḍikiḍikiapụ ma nwẹnị jụmọ-jụmọ ḅẹẹ, “Ó yee wa Bẹtịlịhẹmụ mu tẹ pakaye mẹ ẹrị, anie KỊNỊNYANAḄỌ ḅe ḍuko wa pịrị tẹ ye mẹ.”

Luku 3:22

tẹ Fịafịa Tẹmẹ ḅe koro ḅo tẹ olosịkịya ḍi tẹ ori ọgọnọ gbanam. Tẹ gbọrụ pọkọ nwẹnị So-ḅio ẹkwẹn tẹ ḅẹẹ: “Ị́yẹrị ì iḅi Tụḅọọ, ị́ ị̀ ḅụụ-ḅẹlẹm.”

Jọnị 14:27

“Ḍuu tẹ à koroma-so ọ́ pịrịarị ye anie dein; ì soku-ḅẹ dein mie à kẹ ọ́ pịrịarị ye. À tomikiri mẹ pịrị-pịrị ḅara pịrị-a. Ọ́ ḍụkụ tẹ ḅụụ-ḅalaḅala ọmịna aḅioḅẹngbọ pikirima ma, ọ́ pịkị ḅalafa ma.

Jọnị 17:4

Tomikiri ḅụ àrị í ebube mẹ ḍie-pakama tẹ, ị́ kẹ ị̀ pịrịm à kọrị ḅẹ kọrịnama mẹ à kọrị fama tẹ.

Jọnị 3:16

Tamụnọ kẹ tomikiri mẹ ḅẹlẹma la ḅara mịẹtẹ ori ọ̀ kpọkpọ gbọrụ Tụḅọ ḅe saakị pịrịm, tẹ ọ̀ ḅụụ minini nyana ḅọ, nyana ḅọ, ḅarị fịị fa ḅịa tẹ sime gbamaso ḍumo nyana ḅẹ ḅara.

Fịrịmẹnjịapụ 10:36

Tamụnọ kẹ Izirẹlịapụ fịrịma oku mẹ, tẹ Jizọsị Kịrayịsị, kịnị mamgba Nyanaḅọ ḅe ḅụ ḅọrọ tẹ ḍuko wasamarị dein Iḅi-Oku mẹ, ọ́ paa nimi tẹẹ.

Romu 5:1

Mịọkụ minini ḅụ wa ḅọrọ tẹ Tamụnọ ḅụ karakara tẹ ḅara, wa Nyanaḅọ Jizọsị Kịrayịsị ḅụ wa ḅọrọ tẹ Tamụnọ na dein anga kọn tẹ.

Ẹfisọsị 1:6

Ọkọẹrẹsị, ó yee wa Tamụnọ ebube ḍiki-ḅụụjịrị mẹ gotẹ ò tokini, anie ọ̀ ḅẹlẹma Tụḅọ ḅe ḅụ ọ̀ kẹ papaa ḍie wa pịrị ye mẹ!

Ẹfisọsị 1:9

Tamụnọ nwẹnị ò ḅioḅẹngbọ sime tẹ ọ̀ mịẹ ḅẹ ye mẹ mịẹ, tẹ nwẹnị ọ̀ mịẹ ḅẹ tẹ tọn wẹrị tẹ ḅọị sime ye mẹ, tẹ ọ̀ Kịrayịsị ḅụ ḅọrọ tẹ kọrị busunuma ḅẹ ye mẹ kẹ wa ḍie.

Ẹfisọsị 2:4

Kụma Tamụnọ ọkụrụkụrụ mẹ ḅaka ḅara na, ọ̀ nyana wa pịrị ḅẹlẹma mẹ ḍụḅa la ḅara na

Ẹfisọsị 2:7

Ò gotẹ miemẹ mịẹ ye, kẹ kịnị ḍie mu ḅẹẹ-sakị ḅẹẹ-sakị la, kẹ Kịrayịsị Jizọsị ḅụ ọ̀ kẹ wa ḅẹlẹma ye mẹ ḍie-pakama, ọ̀ ḅakatẹ, inetẹ go ḅịa opu ḍiki-ḅụụjịrị ḅẹlẹma mẹ ḅụ.

Filipayị 2:11

tẹ inimgba ḍuko pakama ḅa mịnẹ Jizọsị Kịrayịsị ḅe anie KỊNỊNYANAḄỌ, Tamụnọ Ḍaḅọ ḅe ebube ḅụ.

Filipayị 2:13

anie Tamụnọ sakị mamgba ọmịna ḅụụ ḅio kọrịnama kọrịarị ẹrẹsị, mịẹtẹ ó minini tẹ inetẹ ọ̀ tọn ye mịẹ ḅẹ ḅara.

Kọlọsị 1:20

Ọkọẹrẹsị, Tamụnọ tọn tẹ mịnẹ Tụḅọ ḅe ḅụ mie ọ̀ ḅọrọ tẹ bebe So na, kiri na, ḅio sime aị mamgba sịn pịkị ḅo ọ̀ ḅụụ pịrị ḅarịye. Tamụnọ ọ̀ Tụḅọ ẹngbẹsẹ-sịn ọgọnọ kọn fịị mẹ ḅụ ḅọrọ tẹ dein mịẹm, tẹ nwẹnị ye mamgba pịkịma-ḅo ọ̀ ḅụụ pịrị, kiri ḅio sime aị na So-ḅio sime aị na.

2 Tẹsalonịka 2:16

Yee wa Nyanaḅọ Jizọsị Kịrayịsị ḅioju, na Tamụnọ wamịna Ḍaḅọ, wa ḅẹlẹma tẹ amịna ḍiki-ḅụụjịrị ḅụ gbarị-a ḅiokpọ na ḅiokpọmaye na kẹ wa pịrịarị ḅọ ḅe,

Mịẹfinji 5:13

Tẹ à nwẹnị Tamụnọ tẹmẹ ye goyegoye tẹ So-ḅio sime ye-o, kiri ọgọnọ sime ye-o, kiri suku-ḅio sime ye-o, abajị ḅio sime ye sọ, Tamụnọ tẹmẹ tẹ ḍumo wararị aị mamgba naa, so na kiri na ḅụ, inimgba nume-suarị: “Tokini na, kụn na, ebube na, opu kụrọ na, sime emine mẹ ọgọnọ lẹgị wararị ḅọ ḅe na Anana Tụḅọ ḅe na pịrị mu ḅẹẹ-sakị ḅẹẹ-sakị laa!”