Luku 2:13 - FỊAFỊA BAỊBỤLỤ

¹³ Anị gbọrụ sakị ḅiotọn-a ḅara ḅụ So-tọrụ ḅụ enjẹlị ogbo ḅụụ-pakama tẹ, tarị ḅo enjẹlị ḅe na sọ tẹ sunsin Tamụnọ tokini tẹ ḅẹẹarị:

Luku 2:13 Iomraidhean Croise

Suku-saakị 28:12

Ọ̀ nwẹnị ḍawọ mịnẹ kiri mẹ ọgọnọ gbọrụ ẹbẹtọnjịye emi tẹ anị ḅẹ sịḅị mu so la wararị; tẹ ẹrịm Tamụnọ enjẹlị apụ anị ọgọnọ kpọlị mẹnjị iwo-na-ideri-naarị.

1 Amadapụ 22:19

Mayịkaya nwẹnị ḅẹẹ. “Ọkọẹrẹsị KỊNỊNYANAḄỌ ḅe ẹkwẹn-ḅịḅị mẹ naa: À KỊNỊNYANAḄỌ ḅe ẹrịm ori ori emine ọgọnọ ḅụ lẹgị sime wararị, tẹ So-ḅio simearị apụ mamgba ori ama-ḅara na ori ere-ḅara anga na ḅụ sịẹsime wararị ori akaka ḅụ:

Jobu 38:7

anịsakị mẹ tẹ ḅaso alolia ma nume-suu gboloma, tẹ Tamụnọ awọmẹ mamgba ḍereku oloku kọn sakị mẹ?

Devidi-Anume 148:2

Ọmịnị ori enjẹlị mamgba, ò tokinii, ọmịnị So-ḅio ḅẹ ọmụ-ogbo-ogbo mamgba.

Devidi-Anume 68:17

Ẹndẹ-ẹndẹ, tọnwa opu kụrọ tẹ kiri mẹnjị ọmụ-arụ mie KỊNỊNYANAḄỌ ḅe kẹ Sayịnayị ḅụ sime tẹ ọ̀ fịafịa-yọ mẹ sọ-ḅoarị.

Izikẹlị 3:12

Anịtẹso Tamụnọ Tẹmẹ ị̀ saakị iwomam, tẹ à nwẹnị ị̀ ọḅụjụ opuma fie pọkọ naa, ḅẹ mịnẹ, “So ḅio ḅẹ ọgọnọ-jụ mẹ nyana KỊNỊNYANAḄỌ ḅe ebube mẹ tokini!”

Danẹlị 7:10

tẹ fịnị-oloko anị ḅụ minji ọsụma-ọsụma pakamarị. Anị anga ḅụ kịnị maa ẹndẹ oyia asi finji-finji ḅẹ tọnwa akiri sime tẹ fịrịmẹnjị ọ̀ pịrị ḅẹm, tẹ kịẹnkịẹn-ọkụ-ofori atomi ọ̀ tọrọkọ sịẹsimem. Ḅẹrẹ-siri nwẹnị saakị, tẹ ḍiri ma nwẹnị finji.

Luku 15:10

Anị gbọrụ ḅara ḅụ, à ḍuko ọ́ pịrịarị, anie Tamụnọ enjẹlị gbọrụ si-mịẹḅọ tẹ si ḅụ pịkị ḅọ gotẹ ḍerekuarị ḅara.”

Luku 2:12

Tẹ miemẹ anie anị kẹ ó ḍie ḅarịye; ọmịnị ịwọma iyi tụḅọ ẹrị ḅa, ịn ḅịtẹ kẹ ọ̀ sụa tẹ kẹ ịn kẹ fịye sụa nama pịrị-pịrị igbe ḅio koroma wararị.”

Luku 2:14

“Ebube sime Tamụnọ pịrị geletẹịn so mẹ ḅio, tẹ dein tomikiri sime ịna mịẹye ọ̀ ḅụụ-ḅẹlẹarị apụ ma pịrịị!”

Ẹfisọsị 3:10

mịẹtẹ mị sakị mẹ ḅụ sọsị mẹ na, ḅẹrẹtọn-arị enjẹlị apụ ma na, so ama ḅẹ akụrọ ma na Tamụnọ nimi mẹ sime-ḅara ḍawọ ḅarị ḅara, kịrị-kịrị aḅara ḅụ.

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.

Hiburu 1:14

Nwẹnị ọkọ kụma, enjẹlị ma ḅọrọ tọ apụ? Ini ma anie fịrịmẹnjị Tamụnọ pịrịarị atẹmẹ, tẹ ọ̀ kẹ fịrịma tẹ ḅarasụa ḅọrọma nyana ḅẹ apụ pịrịarị apụ.

1 Pita 1:12

Tamụnọ mịẹfinji mịna ịkịankoroapụ ma pịrịm, mịnẹ ịna kọrịnama mẹ ḅẹ iḅi ini fị ḅịa, kụma ọmịnị, anie ini arị aị ma gboloma ye, tẹ Fịafịa Tẹmẹ ḅe So-ḅio ḅo kụrọ ḅụ Iḅi Oku mẹ ḅẹ oku-mẹnjịapụ ḍuko wasama ye mẹ ḍuko sakị mẹ. Mịna aị ma enjẹlị apụ sọ nimi ḅẹ ḍọkịm.

Mịẹfinji 5:11

Tẹ à pịkị ḍikim, tẹ nwẹnị enjẹlị apụ naa, kịẹnkịẹn-ọkụ-ofori enjẹlị ogbo ẹndẹ-ẹndẹ na, puku-puku na ḅụ! Ịn sịẹ emine mẹ na Tamụnọ tẹmẹ ini aị ma na, omongiapụ ma na ikelema-koro,