Luku 2:12 - FỊAFỊA BAỊBỤLỤ

¹² Tẹ miemẹ anie anị kẹ ó ḍie ḅarịye; ọmịnị ịwọma iyi tụḅọ ẹrị ḅa, ịn ḅịtẹ kẹ ọ̀ sụa tẹ kẹ ịn kẹ fịye sụa nama pịrị-pịrị igbe ḅio koroma wararị.”

Luku 2:12 Iomraidhean Croise

2 Amadapụ 19:29

Miemẹ elekima sọ ị́ pịrị ḅa: mị kụra ngẹrị so-paka aị ị́ nwẹn fị ḅa, maaịn karama kụra ḅụ anị gbọrụ ḅara ḅụ paka-ḅo aị ọ́ nwẹn fị ḅa; anịtẹrẹmẹ, tẹrẹị karama kụra ḅụ ọ́ fịaị ḍiḅi tẹ soku ḅa, ọ́ girepu-ḍụọ ḍiḅi tẹ arịḅẹ asịnmgbọlị fị ḅa.

2 Amadapụ 20:8

Hẹzịkaya nwẹnị Ayịzaya ḅẹẹ, “Tọ elekima mịẹ ḅa mịnẹ KỊNỊNYANAḄỌ ḅe ị̀ gwọ ḅa, tẹ tẹra aḍin karama ene ḅụ à saakị tẹ KỊNỊNYANAḄỌ ḅe warị mẹ mu ḅẹ?”

Devidi-Anume 22:6

Kụma yẹrị ḅarị tomḅọ-a; atangbalịgbalịḅa mie à kịkarị ye, ḅẹḅọ-ḅẹḅọ ḍiki-sima tẹ kẹ ye-sịn-a ḅọ!

Paka-so 3:12

Tamụnọ nwẹnị pakịrị, “Àrị ị́nịna sime ḅa, anịsakị miemẹ elekima sọ ị́ pịrị ḅa, mịnẹ yẹrị ị́ fịrịmam; ị́ Ijiputi ḅụ tomi ma pakama-ḅo tẹ ini ọkị-ḅo sakị, ọ́ mị tụndụ mẹ ọgọnọ ḅụ fịrịmẹnjị Tamụnọ pịrị ḅa.”

Ayịzaya 7:11

“KỊNỊNYANAḄỌ ị́ Tamụnọ ḅe ḅara ḅii ori elekima kẹ í ḍie; ḍuḅu ḅio ḅụ ḅo ye-o, anịanịa So-ḅio ḅẹ ọgọnọ-jụ ḅụ ḅo ye-o.”

Ayịzaya 7:14

Ọkọ ḅẹḅẹ iḅim, KỊNỊNYANAḄỌ ḅe ḅioju ḅarana elekima kẹ í ḍie ḅa; iriawọ-tụḅọ tẹ fura wararị ḅọ ma owiḅọtụḅọ iyi tẹ Ịmanụwẹlị kẹ ọ̀ sịn ḅa.

Luku 2:13

Anị gbọrụ sakị ḅiotọn-a ḅara ḅụ So-tọrụ ḅụ enjẹlị ogbo ḅụụ-pakama tẹ, tarị ḅo enjẹlị ḅe na sọ tẹ sunsin Tamụnọ tokini tẹ ḅẹẹarị:

Luku 2:7

tẹ á nwẹnị á tarị owiḅọtụḅọ iyi, tẹ ḅịtẹ kẹ ọ̀ sụa tẹ kẹ ịn kẹ nama fịye sụa-sụa igbe ḅio koroma. Anị gotẹ ọkọ mịẹ ye igoni apụ sime, sime warị mẹ ḅụ kịnị amụ sọ-a gbọrụ ḅio sọ ofori.

1 Samụẹlị 2:34

Anịsakị miemẹ tẹ ị́ maa owiapụ-awọmẹ Hofini na, Finihasi na la ḅarịye mẹ elekima sọ ị́ pịrị ḅa; ini maa apụ ma gbọrụ ene mẹ ḅụ fịị ḅa.