Luku 2:11 - FỊAFỊA BAỊBỤLỤ

¹¹ Mị gbọrụ ene mẹ ḅụ, Devidi ama ḅụ, ọ́ mịna Ḅọrọmaḅọ iyi tẹ — Kịrayịsị KỊNỊNYANAḄỌ ḅe!

Luku 2:11 Iomraidhean Croise

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Suku-saakị 49:10

Ama-da mkpara mẹ Juda ḅụ sikima ḅịa, anịanịa ḅẹrẹtọnḅọ ḅụụ da mkpara mẹ ò furo-ḅẹ-apụ ḅụ so, nwenii sịẹ, sịẹ igbigi oso-oso ọ̀ pịrị ḅa; anịsakị tomi-kụlọkụlọ ma ọ̀ ḅịḅị poki ḅa.

Devidi-Anume 2:2

Ịna amadapụ ma ịn ḍụkụ ḅịa ḅẹ amịẹaị mịẹarị, ịna ḅẹrẹtọn apụ ma sịḅị gboloma tẹ ḅẹrẹ-ḅiya KỊNỊNYANAḄỌ ḅe pịrịarị, pịkị ori sẹlẹ pakama-ḅo amadaḅọ ḅe na.

Ayịzaya 9:6

Ịn gbọrụ tụḅọ iyi wa pịrịtẹ! Ịn gbọrụ owiḅọtụḅọ kẹ wa pịrịtẹ! Tẹ ori wamịna ḅẹrẹtọnḅọ sọ ḅa. Ịn kẹ ọ̀ sịn ḅarịye, “Ḅụụ-buama Ḅẹrẹ-tolumaḅọ, Opu kụrọ Tamụnọ, Gbamaso Ḍaḅọ, Dein Amanyanaḅọ.”

Matiyo 1:21

Árị owiḅọtụḅọ iyi ḅa, tẹ ị́ kẹ ọ̀ sịn ḅarịye Jizọsị (anie fiearị Ḅọrọmaḅọ), ori amịna atomi asi ḅụ ịn ḅọrọma ḅẹ ẹrẹsị.”

Matiyo 16:16

Sayịmọnị Pita nwẹnị pakịrị, “Ị́yẹrị anie Mẹsaya ḍumo wararị Tamụnọ ḅe Tụḅọ ḅee.”

Matiyo 16:20

Anịtẹso Jizọsị tọn ò ḍukamẹnjịapụ ma pịrịm mịnẹ in ḍuko gbọrụḅọ-sọ pịrị ma mịnẹ ori anie Mẹsaya ḅẹ.

Luku 1:43

Ndẹẹ mị opu mẹ ḅo ị̀ la ḅara, mịnẹ ị̀ Nyanaḅọ ḅe iyingi ma rẹ ḅo toluma ì ḍiki ḅẹ ḅo?

Luku 1:69

Ori opu Ḅọrọmaḅọ kẹ wa pịrị tẹ, ọ̀ fịrịmẹnjịḅọ Devidi furo mẹ ḅụ paka-ḅo.

Luku 2:26

tẹ mịẹtẹ ò nimi tẹ mịnẹ ọ̀ fịị ḅịa nwenii ọ̀ KỊNỊNYANAḄỌ ḅe mininim ḅo ḅa nwẹn ḅẹẹ Mẹsaya ḅe ẹrị sakị la ḅa.

Luku 2:4

Josẹfụ nwẹnị Galili ḅẹ Nazarẹtị ḅụ saakị Judiya ḅẹ ama Bẹtịlịhẹmụ mu. Anị ama anie Ama-da Devidi iyi ye. Josẹfụ gotẹ anịanga mu ye ori Devidi furo-ḅẹ-ḅọ ẹrẹsị.

Jọnị 1:41

Anị gbọrụ kiri ọ̀ nwẹnị ori iyimbere Sayịmọnị ḍọkị tẹ ḍuko ọ̀ pịrị, “Mẹsaya ḅe wa ori ẹrị tẹ” (anie fiearị ye “Kịrayịsị”.)

Jọnị 1:45

Filipu nwẹnị Natanịyẹlị ẹrị tẹ ọ̀ ḅẹẹ, “Mozizi Oloko ḍiri mẹ na ịkịankoroapụ ma na ḅụụ ḅụ ye kẹẹ koroma wararị ḅọ ḅe wa ori ẹrị tẹ. Nazarẹtị ḅẹ Josẹfụ tụḅọ Jizọsị ḅe anie ori.”

Jọnị 11:27

Á nwẹnị pakịrị, “Inn, KỊNỊNYANAḄỌ, à mininim mịnẹ ị́yẹrị anie Mẹsaya, Tamụnọ Tụḅọ ḅee, tẹ tomikiri mẹ ḅo ḅẹ ḅọ ḅee.”

Jọnị 20:31

Kụma nwẹn kẹẹ wararị aị ma gotẹ kẹẹ ye anie mịẹtẹ ó minini ḅẹ ḅara mịnẹ Jizọsị anie Mẹsaya, Tamụnọ Tụḅọ ḅee, anịsakị ọmịnị ọ̀ ḅụụ nyana minini ḅụ ọ́ ḅọrọtẹ ḍumo nyana ḅarị ḅara.

Jọnị 4:25

Ẹrẹḅọ ma nwẹnị ọ̀ ḅẹẹ, “À nimim Mẹsaya ḅe ḅo ḅa. Ò ḅo sakị ò ye goyegoye ḍuko wa pịrị ḅa.”

Jọnị 4:42

tẹ ịn nwẹnị ẹrẹḅọ ma ḅẹẹ, “Wa í ḍuko wa pịrị ye gotẹ minini-a, kụma wamịnị sọ wamịna ḅeri kẹ naa tẹ pịkị nimi tẹ mịnẹ tomi-juḅẹye ori anie tomikiri mẹ ḅẹ Ḅọrọmaḅọ ḅee.”

Jọnị 6:69

Tẹ mịọkụ wa minini tẹ pịkị nimi tẹ mịnẹ ị́yẹrị anie Fịafịa Ḅọ ḅe, tẹ Tamụnọ ḅụụ sime tẹ ḅo ḅọ ḅee.”

Jọnị 7:41

Osi apụ mẹẹ, “Ori anie Mẹsaya ḅe!” Kụma kirikọn-apụ mẹẹ, “Mẹsaya ḅe ọ̀ Galili ḅụ paka-ḅo ḅịa!

Fịrịmẹnjịapụ 10:36

Tamụnọ kẹ Izirẹlịapụ fịrịma oku mẹ, tẹ Jizọsị Kịrayịsị, kịnị mamgba Nyanaḅọ ḅe ḅụ ḅọrọ tẹ ḍuko wasamarị dein Iḅi-Oku mẹ, ọ́ paa nimi tẹẹ.

Fịrịmẹnjịapụ 13:23

Jizọsị, Devidi furo paka ḅọ ḅe, anie Tamụnọ wẹrịtẹ minini ḅara ḅụ ọ̀ kẹ Izirẹlịapụ ma Ḅọrọmaḅọ sọma ḅọọ.

Fịrịmẹnjịapụ 17:3

Ọ̀ kẹ in ḍiem mịnẹ Fịafịa Ḍiri mẹ ḅio ò goo-goo ịn pịrị aị ma ḍuko ḅara ḅụ, Mẹsaya ḅe tọrụsiẹrị tẹ pịkị fị-ḅụ-saakị ḅa. Tẹ Pọlụ nwẹnị ḅẹẹ, “Ḅị Jizọsị ḅe tẹ à ḍuko pakama ọ́ pịrịarị ḅọ ḅe anie Mẹsaya ḅẹẹ.”

Fịrịmẹnjịapụ 2:36

“Ọkọẹrẹsị, ọmịnị Izirẹlịapụ mamgba nimi na-iḅim, mịnẹ ḅị Jizọsị ḅe, tẹ ọ́ kẹ ẹngbẹsẹ sịn ḅụ ḅakụ ḅọ ḅe, anị gbọrụḅọ ḅe, anie Tamụnọ kẹ KỊNỊNYANAḄỌ na Mẹsaya na mịẹ tẹ ḅọ ḅee!”

Fịrịmẹnjịapụ 5:31

Tamụnọ ori iwoma mu amịna ama-ḅara anga lamam, Sịḅịdaḅọ na Ḅọrọmaḅọ na ḅara ḅụ, tẹ nwẹnị kiri kẹ Izirẹlịapụ pịrị ịn kẹ si ḅụ pịkị tẹ Tamụnọ ịna asi wẹrịso ịn pịrị.

1 Kọrịntị 15:47

Tarị Adamụ ḅe tẹ ịn lịka kẹ tẹmẹḅọ ḅe, kiri ḅụ ò ḅom; maaịn karama Adamụ ḅe So-ḅio ò ḅom.

Filipayị 2:11

tẹ inimgba ḍuko pakama ḅa mịnẹ Jizọsị Kịrayịsị ḅe anie KỊNỊNYANAḄỌ, Tamụnọ Ḍaḅọ ḅe ebube ḅụ.

Filipayị 3:8

Arị aị ma kịngẹ-a à ye goyegoye kẹ gbọrsịḅị fa ye kịẹn tẹ, arị iḅiọkụ ye la arịmgba nẹngị ye nyana tẹ ye gotẹ, anie Kịrayịsị Jizọsị ị̀ Nyanaḅọ ḅe nimi mẹ. Ọ̀ sịḅị ẹrẹsị, à ye goyegoye kẹ wakị nguma tẹ; papaa sara ọgọnọ ḅẹ fun ḅara mie à kẹ arịmgba ọkị ye, mịẹtẹ à Kịrayịsị nyana ḅarị ḅara,

Kọlọsị 2:6

Ọ́ Kịrayịsị Jizọsị anie KỊNỊNYANAḄỌ ḅe nwẹn ḅẹẹ ye mẹ minini tẹ ḅẹ sakị, ọmịnị ori na gbọrụ ḅụ sime ḅụ angaa.

1 Jọnị 4:14

Tẹ wa ḅarana tọrụngbọ kẹ ẹrị tẹ ḍuko ja apụ pịrịarị, mịnẹ Ḍaḅọ ḅe ọ̀ Tụḅọ ḅe kẹ fịrịma tẹ ó ḅo tomikiri ḅẹ atomi Ḅọrọmaḅọ sọm.

1 Jọnị 5:1

Jizọsị anie Mẹsaya ḅe, minini ḅọ, minini ḅọ, anie Tamụnọ tụḅọ; anịsakị ḍaḅọ ḅẹlẹmarịḅọ mẹ pịkị mḅọ tụḅọ sọ ḅẹlẹmarị.