Luku 2:1 - FỊAFỊA BAỊBỤLỤ

¹ Anị sakị ḅụ Romu tomikiri mẹ daarị ḅọ ḅe, Ọgọsịtọsị, oloko sụam mịnẹ ini ò suku-ḅio sime atomi mamgba kịẹn-ḅịḅị ọkịị.

Luku 2:1 Iomraidhean Croise

Ẹsịta 10:1

Amadaḅọ Ayasụrọsị sịẹ oso jen sịẹ gbẹẹarị igbigi pẹlẹ kẹ kpongbo ọgọnọ ḅẹ ama na, tọrụ Akaka ḅẹ ama ma na ọgọnọ gbanam.

Matiyo 22:17

Ọkọẹrẹsị, ḍuko wa pịrịị, ndẹẹ í kuromarị ye? Ama oso igbigi kẹ Romu Tomikiri mẹ daarị ḅọ ḅe pịrị mẹ anị wamịna Oloko na kura mụnọọ, kura-a?”

Matiyo 24:14

Tẹ Tamụnọ Ama-da tẹ ḅẹrẹtọn-arị mẹ ḅẹ Iḅi Oku mẹ, ini anị ḍuko bebe tomikiri mamgba wasama tẹ, anị elekima sọ tomikiri ḅẹ atomi mamgba pịrị ḅa; anịtẹso kunoma mẹ nwẹnị ḅo ḅa.

Makị 14:9

Mịọkụ, à mịẹ tẹ ó nimiarị, mịnẹ ini iḅi-oku mẹ ḍuko anga, ḍuko anga, bebe tomikiri mẹ ḅụ, á mịẹ ye mẹ ini anị ḍuko tẹ anị á kẹ ḅiokoroma ye sọ ḅa.”

Makị 16:15

Ori ịn ḅẹẹm, “Ó bebe tomikiri mẹ ḅụ anga-anga mamgba la tẹ iḅi-oku mẹ ḍuko tomi mamgba pịrịị.

Luku 2:3

Ọrụḅọ-ọrụḅọ nwẹnị miemẹ gotẹ mu mḅọ paka ama ḅụ ẹrẹ kẹ ḍiri ḅio sụa.

Luku 2:5

Meri, ò sime ḅẹ tẹ ọlọ ẹrẹḅọ ma sọ ori na sọ tẹ ẹrẹ mẹ sụa ḅẹ mum. Anị sakị á fura wararị,

Luku 3:1

Tayịberiyasị Romu tomikiri mẹ da tẹ jei karama kụra ḅụ; Pọnịtịyọsị Payịleti anie Judiya ḅụ ḅẹrẹtọnḅọ, anie pịkị Ẹrọdị Galili da sime sakị, tẹ ori iyimbere Filipu, Ituriya na Tarakonayịtisi na iri mẹ ḅụ ḅẹrẹtọn-arị sakị, tẹ Lisaniyasị pịkị Abilini ḅẹ ḅẹrẹtọnḅọ,

Fịrịmẹnjịapụ 11:28

Ịna ḅụ ḅẹ gbọrụḅọ, Agabọsị nwẹn sịn ḅọ, nwẹnị saakị sịẹ tẹ Tẹmẹ ḅe kụrọ ḅụ ịkịankoro ḅara kẹ ḍuko pakama mịnẹ opu ḅuru-ḅa ḅo bebe tomikiri mẹ gbaịn ḅa. (Anị ḅom Kịladịyọsị tomikiri mẹ daarị sakị.)

Fịrịmẹnjịapụ 25:11

Oloko kan siye tẹ à mịẹ tẹ ḅaa-ḅẹrẹ-pẹlẹ ị̀ pịrị na-iḅi ye emi ḅẹḅẹ à mangị ḅịa. Kụma ịn kẹ ị̀ sịḅị sẹịn-arị aị ma ḅụ karakara ye ofori ḅẹḅẹ, gbọrụḅọ-sọ inetẹ ị̀ saakị ịn pịrị ḅịa. Ị̀ ḅẹrẹ mẹ arị iwoma Romu Tomikiri mẹ daarị ḅọ ḅe pịrịm.”

Fịrịmẹnjịapụ 25:21

Kụma Pọlụ ḅẹrẹ mẹ saakị iwoma tẹ ḅiim mịnẹ ò kun-ḅara ḅio sime nwenii Romu Tomikiri mẹ daarị ḅọ ḅe ọ̀ ḅẹrẹ mẹ pẹlẹ sakị la ḅa. Mie ḅụ à tọnm mịnẹ ini ò ḍikiḍiki nwenii arị inetẹ ọ̀ kẹ Romu Tomikiri mẹ daarịḅọ ḅẹ fịrịma sakị la ḅa.”

Romu 1:8

Tarị ye, à Jizọsị Kịrayịsị ẹrẹ ḅụ ọmịnị-mgba gotẹ ịmịẹtẹ kẹ ị̀ Tamụnọ ḅẹẹm, bebe tomikiri mẹ ọmịna minini mẹ gbolomaye naa tẹ mẹ ẹrẹsị.

Filipayị 4:22

Tamụnọ atomi mamgba tẹ mịanga simearị apụ ma ó ḅiim, jen-a jen-a Romu Tomikiri mẹ daarị ḅọ ḅe warị ḅẹ apụ ma.