Luku 19:9 - FỊAFỊA BAỊBỤLỤ

⁹ Jizọsị nwẹnị ọ̀ ḅẹẹ, “Mịmgba ḅọrọma ḅo mị warị la tẹ; ḅieḅe sọ kọkọ Ebira-amụ furo-ḅẹ-ḅọ.

Luku 19:9 Iomraidhean Croise

Luku 13:16

Mịọkụ mie Ebira-amụ tụḅọ tẹ Ekwesu maa kụra fa si na gbasị ye kẹ fịna koroma ḅọ ma kụma ọmịnị mẹẹ Ịnyọsara-Ene ḅụ á fima ma?”

Luku 13:30

Anị sakị ḅụ mịọkụ ọḅụkọn apụ ma ḅo tarị apụ sọ ḅa, tẹ mịọkụ ḅụ tarị apụ ma ḅo ọḅụkọn apụ sọ ḅa.”

Luku 16:24

Mie ḅụ ọ̀ nwẹnị oloku pakama, ‘Ḍa Ebira-amụ! Sisi paa ì ḍiki sịḅị-jịrị tẹ Lazarọsị fịrịma tẹ ọ̀ ḅara-tụngbalị kẹ minji gbọn tẹ kẹ ị̀ ḅẹlẹ deinma, gbala opu akụ ḅio àrị emi mị kọrị fịnị mẹ ḅio!’

Luku 16:30

Ngọ-kọnḅọ ḅe nwẹnị pakịrị, ‘Ḍa Ebira-amụ, anie ngẹrị iḅi ḅịa. Fịtẹ-ḅọ saakị tẹ mu ịn la kụma, ini ịna asi ḅụ pịkị ḅa.’

Luku 2:30

À ḅarana ị̀ atọrụngbọ kẹ ị́ ḅọrọma mẹ ẹrị tẹ,

Luku 3:8

Ọmịna asi ḅụ ọ́ pịkị tẹ mẹ ḍie-pakama ḅẹ amịẹaị ọ́ nwẹn mịẹ, tẹ ḅarị ḅẹẹ ma mịnẹ Ebira-amụ anie ọmịna atẹngịḅọ. À ḍuko ọ́ pịrịarị mịnẹ Tamụnọ inetẹ mịna aḍụḅarị ma kẹ awọ sọma Ebira-amụ pịrị ḅa!

Romu 4:16

Mie ḅụ Tamụnọ minini ye mẹ sime Tamụnọ ḅụụ minini nyana apụ pịrịm, mịẹtẹ anị giregire ḅarị ḅara mịnẹ Tamụnọ ḍiki-ḅụụjịrị ḅụ mie anị sịrẹrẹ wararị ye ḅẹ sakị anị sime Ebira-amụ awọmẹ mamgba pịrịm, anị sime papaa Oloko koko apụ kịngẹ pịrị-a, kụma Ebira-amụ Tamụnọ ḅụ minini nyana ḅara kẹ minini nyana apụ sọ anị sime pịrịm. Anị sime-ḅara ḅụ Ebira-amụ ḅe anie wamịnị-mgba ḍaḅọ tẹmẹ anga ḅụ.

Galesiya 3:14

Kịrayịsị gotẹ mie mịẹye, mịẹtẹ Tamụnọ minini Ebira-amụ pịrị boma mẹ, Jizọsị Kịrayịsị ḅụụ ḅọrọ tẹ Ja asịẹ ḅẹ apụ ma ḅara la, mịẹtẹ minini nyana ḅụ wa Tamụnọ minini ori atomi pịrị wararị Tẹmẹ ḅe daa-ọkị ḅẹ ḅara.

Galesiya 3:29

Ọkọẹrẹsị, ó sime Kịrayịsị pịrị ḅẹḅẹ, ọmịnị Ebira-amụ furo-ḅẹ-apụụ, tẹ Tamụnọ minini ye mẹ nyana ḅa.

Galesiya 3:7

Ọkọẹrẹsị, ó nimii mịnẹ karakarama tẹ Ebira-amụ furo-ḅẹ-apụ anie minini nyana atomi maa.

1 Pita 2:10

Sakị ḅẹ gbọrụ sakị ḅụ ọmịnị Tamụnọ atomi-a, kụma mịọkụ ọmịnị ori atomi sọ tẹ; sakị ḅẹ gbọrụ sakị ḅụ ọ́ Tamụnọ ọkụrụkụrụ nimi-a, kụma mịọkụ ọmịnị ori ọkụrụkụrụ nyana tẹ.