Luku 19:47 - FỊAFỊA BAỊBỤLỤ

⁴⁷ Ene-ḅaaene-ḅaaene Jizọsị mu Tamụnọ-warị mẹ ḅio ye tolumam. Anị sakị agbamịẹapụ ma na, Oloko toluma apụ ma na, tomi ma sịḅịdapụ ma na ọ̀ ḅaa ḅẹ ḅọkọ ḍọkịm.

Luku 19:47 Iomraidhean Croise

Matiyo 21:23

Jizọsị pịkịma Tamụnọ-warị mẹ ḅom; tẹ ò ye-tolumarị ogbo, agbamịẹapụ ma na omongiapụ ma na ḅo ò gbelam, “Ị́ tọ kụrọ nyana tẹ kẹ mịna aị ma mịẹarị? Tụḅọ mị kụrọ mẹ kẹ ị́ pịrị?”

Matiyo 26:55

Anịtẹso Jizọsị ẹkwẹn tomina-ogbo mẹ pịrịm, “Ọmịnị okologie na mgbele na ọlọ tẹ paka-ḅo ì kun ḅẹm aro, gbala yẹrị ama oloko kan tẹ mangịarị ḅọ ọkụ? Ene-ḅaaene-ḅaaene à kọkọ Tamụnọ-warị mẹ ḅio lẹgị-lẹgị tẹ ye toluma, tẹ ọmịnị ì kun-a.

Makị 11:18

Agbamịẹapụ ma na Oloko toluma apụ ma na miemẹ naam, ọkọẹrẹsị ịn nwẹnị saakị Jizọsị ḅaa ḅẹ ḅọkọ ḍọkị. Ori ịna ḅalafamam, bebe tomina-ogbo mẹ ò tolumarị ye mẹ ḅụ ḅụụ-gbiripu nyanam ẹrẹsị.

Makị 12:12

Juu-ḅẹ sịḅịdapụ ma Jizọsị kun ḅẹ ḅọkọ ḍọkịm, in nimim ọ̀ mị egberi mẹ gbaa ịna ọgọnọ gbanam ẹrẹsị. Kụma in tomina-ogbo mẹ gotẹ ḅalafaam, anie ḅụ ịn nwẹnị ọ̀ wẹrịso tẹ mẹnjị so.

Makị 14:1

Anị sakị mẹ ḅụ maa aḍin kọnm Saḅaḅọrọ-Alalị mẹ na Sun-a Fịturu Mịẹye mẹ na la ḅa. Tẹ agbamịẹapụ ma na Oloko mẹ tolumapụ ma na ḅọị ḅara kẹ Jizọsị kun mu ḅaa ḅẹ ḅọkọ ḍọkịm.

Makị 14:49

Ene gbarịma-a ḅara à kọkọ nwẹn kẹ Tamụnọ-warị mẹ ḅio sime tẹ ye-toluma sime, tẹ ọmịnị ì kun-a. Kụma Fịafịa Ḍiri mẹ ḅio kẹẹ wararị ye mẹ paka-a so ḅịa.”

Luku 19:48

Kụma sakị mamgba ò tolumaye mẹ pokiarị atomi ma gotẹ ini ine-a; tomi ma ḅii-a ori ẹkwẹn ma ḅẹ gbọrụmgbọ-sọ ịn gbarị.

Luku 20:19

Oloko toluma apụ ma na, agbamịẹapụ ma na, nwẹnị ḅọkọ ḍọkị tẹ anịanga mẹ ḅụ Jizọsị kun ḅẹ tọn, gbala in nimi tẹ mịnẹ ini mie ori egberi mẹ gbaa fịnama ye ẹrẹsị. Kụma in tomi ma ḍiki-ḅalafaam ẹrẹsị ịn ḅarị ọkọ mịẹ-a.

Jọnị 10:39

Ịn pịkị jen gbọrụ sakị kẹ ini ine-ḅara, ine-ḅara mịẹ tẹ Jizọsị kun so ḅẹ ḍọkịm, kụma ọ̀ nwẹnị ịna ḅara gbarị.

Jọnị 18:20

Jizọsị nwẹnị pakịrị, “Ama-ogbo mie sakị mamgba àrị ẹkwẹn tomḅọ goḅọ-goḅọ pịrị, pịrị ye; à tolumarị ye mẹmgba ama-awarị ḅio na Tamụnọ-warị mẹ ḅio na, anie tomi mamgba kobiri, kobiri anga ma, ḅụ mie à toluma fama ye. Jene-jene amụ à ḅọị anga gberie-sọ ḍuko-a.

Jọnị 7:19

Oloko mẹ kẹ ọ́ pịrị ḅọ Mozizi ori-a? Kụma ọmịna ḅụ gbọrụḅọ-sọ Oloko mẹ ḍuko ye mịẹ-a. Ó gotẹ ị̀ ḅaa ḅẹ ḍọkịarị ye tiye?”

Jọnị 7:44

Japụ ḅiim ini ò kun, kụma gbọrụḅọ-sọ ḅara kẹ ọ̀ lama-a.