Luku 19:44 - FỊAFỊA BAỊBỤLỤ

⁴⁴ Ini ị́ kan sara fama tẹ í ḅio sime atomi mamgba ḅaa fama ḅa. Ịn kẹ í onu mẹ nama wararị aḍụḅarị mamgba jen ḅarị jen ọgọnọ sime ḅịa, mie mẹmgba dogi ḅoarị ye anie Tamụnọ ḅarana ḅo ị́ ḅọrọma ḅẹ sakị mẹ í lekiri-a ẹrẹsị!”

Luku 19:44 Iomraidhean Croise

Devidi-Anume 137:9

ị́ aḍọkọḍọkọ-awọmẹ ma ọkị tẹ kẹ ịkụ ḅụ fomu ḅaa kọsịmarị apụ ma.

Ayịzaya 10:3

Tamụnọ ó fomuarị sakị ọ́ mịẹ ḅẹ ye tiye? Ori ala jụ simearị opu sịẹ kẹ opu ḅụụ-fụka ọkị-ḅo ọmịna ọgọnọ gbanarị sakị ọ́ mịẹ ḅẹ ye tiye? Ọ́ mangị tọ-anga mu tẹ ḅarasụa nyana ḅẹ? Ọmịna opu ngọ ma ọmịnị arị ḅọị ḅẹ anga tọ-anga?

Ayịzaya 29:3

Tamụnọ owu kẹ ama mẹ paka ḅa, ọmụapụ kẹ anị ikelema-koro tẹ anị ọkị ḅẹ ḅara kẹ koru ḅa.

Jerimaya 11:23

À sakị tọn pẹlẹ tẹẹ, àrị opu ḅụụ-fụka ọkị-ḅo Anatọtị ḅẹ apụ ma ọgọnọ gbana ḅẹ sakị, tẹ anị sakị mẹ ḅụ, ịna ḅụ gbọrụḅọ-sọ ḅọrọ ḅịa.”

Kururu Owu-apọkọ 1:8

Jeruselemu kịnị kururuma ḅara kẹ si mịẹm, anịẹrẹsị á ḅo sịḅị-ngụngụnma ḅara simem; kụn kẹ á pịrị apụ mamgba á ḍiki-simam, gbala ini á paụ ẹrị tẹ ẹrẹsị; inn, árị ma ḅioju sọ iningim, tẹ ḅụụ-jịrị ḅụ á tọrụ sikimam.

Danẹlị 9:24

“Kụra atesi oyi finji-finji sọnọma akiri anie Tamụnọ tọn-pẹlẹm ọ̀ kẹ ị́ atomi ma na ị́ fịafịa ama mẹ na pakama-ḅo si na siye na ḅio. Ò si-wẹrịso tẹ tomi karakara mịẹ gbamaso ḅa, mịẹtẹ ị́ ẹrị ịkịan mẹ na í koro-ịkịan mẹ na ḅo karakara ye sọ tẹ in siin fịafịa Tamụnọ-warị mẹ wẹrị fịafịama ọ̀ pịrị ḅa.

Danẹlị 9:26

Anị sakị mẹ ḅẹ kunoma ḅụ ịn Tamụnọ sẹlẹ pakama-ḅo sịḅịdaḅọ ḅe ḅaa ḅa inoma ḅọkọ ḅụ. Opu ama mẹ na Tamụnọ-warị mẹ na kụrọtẹ ḅẹrẹtọnḅọ ama koro ọmụ-ogbo arị kan-sara ḅa. Kunoma mẹ ḅo ḅarị ḅara ẹgẹnẹ-minji seri sọ ḅara, ọmụ na guluguluma na ọkị-ḅoarị Tamụnọ tẹlẹma wẹrị ḅara ḅụ.

Mayịka 3:12

Anịẹrẹsị ó gotẹ, ịn ḍụọ ḍiḅi ḅẹ kiri soku ḅara kẹ Zayọnị soku ḅa, Jeruselemu si-aị nguma kpoli sara sọ ḅa, tẹ Tamụnọ warị mẹ nama tụndụ mẹ ḅo opu piri sọ ḅa.

Matiyo 24:2

Ọ̀ nwẹnị ḅẹẹ, “Inn, arị ẹrị tẹ; ọ́ nwẹn kẹ arị ḍikiarị ḅara mẹ si-a, kụma à miemẹ ḍuko ọ́ pịrịarị: sakị ḅoarị, tẹ mịna aḍụḅarị ma jen ḅarị jen ọgọnọ gbana sime ḅịa, arị ḅụ gberie, gberie ịn nwẹn sukuruma-gbin fama ḅa.”

Makị 13:2

Jizọsị nwẹnị pakịrị, “Mịna opu awarị ma ọmịnị ẹrị tịya? Kpọkpọ gbọrụ ḍụḅarị sọ ḅarị mịanga anị sime kiri ḅụ sime ḅịa; arị ḅụ gberie-gberie ịn nwẹn sukuruma-gbin fama ḅa.”

Luku 1:68

“Ó yee wa KỊNỊNYANAḄỌ, Izirẹlịapụ tẹkẹarị Tamụnọ ḅe tokini! Ọ̀ ḅarasụa ori atomi pịrị ḅẹ ḅo tẹ, ori ịn ḅọrọma tẹ.

Luku 1:78

Wamịna Tamụnọ ḅe ọkụrụkụrụ Nyanaḅọ, pịkị dein ḅọ, ọ̀ mịẹ tẹ ḅọrọma ene ḅaa wa pịrị ḅa,

Luku 19:42

tẹ ḅẹẹ, “Mimgbe mịmgba ḅẹ eneḅaka mẹ ḅụ í dein ḅọrọ ḅo ị́ la ḅẹ ḅọkọ nimi namịna! Kụma mịọkụ ị́ ḅarị inetẹ anị ẹrị ḅịa!

Luku 21:6

“Ọ́ nwẹn ẹrịarị aị mamgba, sakị ḅo ḅa, gbọrụ ḍụḅarị sọ ḅarị amịna kiri ḅụ sime ḅịa. Arịmgba in sukuruma-gbin fama ḅa.”

1 Pita 2:12

Yee oru nimi apụ ma ogboku ḅụ ọmịna ḍumo kọn ḅara iḅi lama, mịẹtẹ in si-mịẹapụ kẹ ọ́ sịn-arị sọ, ini ọ́ mịẹarị iḅi amịẹaị ma lekiri tẹ Tamụnọ tokini ḅa ò ḅo ḅarị Ene ḅụ.