Luku 19:42 - FỊAFỊA BAỊBỤLỤ

⁴² tẹ ḅẹẹ, “Mimgbe mịmgba ḅẹ eneḅaka mẹ ḅụ í dein ḅọrọ ḅo ị́ la ḅẹ ḅọkọ nimi namịna! Kụma mịọkụ ị́ ḅarị inetẹ anị ẹrị ḅịa!

Luku 19:42 Iomraidhean Croise

Devidi-Anume 32:6

Mie ḅụ í minini apụ mamgba ị́ tẹkẹ ḅa ḅụụ-fụka asakị ḅụ: ḅụụ-fụka opu ẹgẹnẹ-minji seri sọ ḅara kẹ sọ ḅoarị sakị, anị ḅo ịn la ḅịa.

Devidi-Anume 81:13

À kpọma ḅiim mimgbe ị̀ atomi ma ì poki tẹẹ; à kpọma ḅiim mimgbe ini ị̀ ḅịḅị poki tẹẹ!

Ayịzaya 44:18

Ọkọ sime apụ ma ini oḅori-sọ ḅụra tẹ ḅarị ịn mịẹarị ye nimi-a. Ini ịna atọrụngbọ na ịna akuroma na gbaịn karakara mẹ pịrịarị.

Ayịzaya 48:18

“Mimgbe ọ́ paa ì oloko ma poki tẹẹ! Ọkọ namịna boma-boma ogilolo puu tẹ mẹnjị ḅo ọ́ la tẹẹ gbala-gbala kụlụkụlụ-kpaịkpaị ḅịa okolo kịka tẹẹ! Mimgbe owu-ḅara-iḅi ḅo ọ́ pịrị tẹẹ ḅakụ-ḅakụ ḅo tuḅu ọgọnọ sararị ọnụngọ kịka tẹ.

Ayịzaya 55:6

Ọ́ pịkị KỊNỊNYANAḄỌ ḅe da tẹ ọ̀ tẹkẹẹ, mịọkụ ò kpeki wararị sakị mẹ ḅụ.

Jerimaya 13:17

Ó poki ḅịa ḅẹḅẹ, à ḅọị ḅara kẹ ọmịna ḅụụ-gelema mẹ gotẹ owu ḅa; à tẹmẹ-akụ ḅara kẹ owu tẹ ị̀ tọrụ ḅẹ owu minji mẹ ogilolo puu mẹnjị ḅa, ịn KỊNỊNYANAḄỌ atomi ma kun-so tẹ ẹrẹsị.

Izikẹlị 33:11

Ḍuko ịn pịrị mịnẹ, piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, si-mịẹapụ fịị ị̀ ḅioḅẹlẹma ḅịa. Anie nakara ini ịna asi ḅụ ḅara-siin tẹ ḍumo mie à ḅiiarị ye. Izirẹlị, ọmịnị ọ́ mịẹarị siye mẹ dasịẹmaa. Ó tiye gotẹ fịị ḅẹ-ḅiiarị?

Luku 19:41

Ò ḅo opu ama mẹ kpeki tẹ anị ẹrị tẹso, ọ̀ nwẹnị anị gotẹ owu,

Luku 19:43

Sakị ḅo ḅa, tẹ ị́ na fịya-a apụ anga na, anga na ḅụ í gbori-ikelema tẹ, etela kiki ị́ pịrị tẹ, mẹnjị ḅo ị́ bịan sịẹ ḅa.

Luku 19:44

Ini ị́ kan sara fama tẹ í ḅio sime atomi mamgba ḅaa fama ḅa. Ịn kẹ í onu mẹ nama wararị aḍụḅarị mamgba jen ḅarị jen ọgọnọ sime ḅịa, mie mẹmgba dogi ḅoarị ye anie Tamụnọ ḅarana ḅo ị́ ḅọrọma ḅẹ sakị mẹ í lekiri-a ẹrẹsị!”

Fịrịmẹnjịapụ 10:36

Tamụnọ kẹ Izirẹlịapụ fịrịma oku mẹ, tẹ Jizọsị Kịrayịsị, kịnị mamgba Nyanaḅọ ḅe ḅụ ḅọrọ tẹ ḍuko wasamarị dein Iḅi-Oku mẹ, ọ́ paa nimi tẹẹ.

Fịrịmẹnjịapụ 13:46

Kụma Pọlụ na Banabasị na nwẹnị paa ḅalafa-a ḅara kẹ ẹkwẹn pakama: “Anị mịẹ na-iḅi ḅara ḅụ, ọmịnị ma mie kịnị tarị Tamụnọ ẹkwẹn mẹ kọn pịrị gbẹẹ apụ, kụma ọmịnị anị sịkị tẹ, ọmịnị ọmịna ḅụụ kẹ sime gbamaso ḍumo gbẹẹ apụ sịn-a ḅẹẹ sakị, wa ọ́ wẹrịso tẹ tọrụ kẹ Ja asịẹ ḅẹ apụ ma da ḅa.

Ditẹrọnọmị 32:29

Ịn ye-nimi namịna, ịn miemẹ fieye naa ḅa, ini ịna kunoma sime ḅẹ ḅara sẹlẹ nimi ḅa.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Hiburu 3:13

Anie nakara, mịẹtẹ ọmịna ḅụ si oḅori kẹ gbọrụḅọ sọ sịn tẹ, mḅọ kọngọ kụrọma ḅọ sọ ḅịa ḅara; ene-ḅaaene-ḅaaene, ọmịnị ẹrị, mịnẹ ọ́ ḅarasụa jụmọ-jụmọ pịrịm, Fịafịa Ḍiri mẹ ḅẹẹarị “Mịmgba” nwẹn ḅẹẹ ẹkwẹn mẹ anị kẹ wa ḅẹẹarị sakị goyegoye.

Hiburu 3:15

Mie Fịafịa Ḍiri mẹ ḍukoarị ye mẹ, “Mịmgba ọ́ Tamụnọ pọkọ naa naa, ọ́ kọngọ kụrọma ma, ọmịna atẹngịapụ ma mịẹ ḅara, ịn Tamụnọ na tụḅụrụ sakị.”

Hiburu 3:7

Ọkọẹrẹsị, Fịafịa Tẹmẹ ḅe ḅẹẹarị, “Mịmgba ọ́ Tamụnọ pọkọ naa naa,