Luku 19:26 - FỊAFỊA BAỊBỤLỤ

²⁶ Ọ̀ nwẹnị pakịrị, ‘Ó nimi-a ḅẹḅẹ ó nimii, ye ḅara ḅụ sime-ḅọ mẹ in jaị kẹ sụa mḅọ pịrị ḅa; anịsakị ye ḅara ḅụ ofori ḅọ mẹ mḅọ ḅara sime kalịye sọ ini mḅọ ḅara ọkị ḅa.

Luku 19:26 Iomraidhean Croise

2 Samụẹlị 7:15

Kụma ọ̀ ḅụụ ḅụ arị ì jike-a ḅẹlẹma ọkị ḅịa, à wẹrịtẹ Sọlụ ḅụ anị ọkị ḅara, oriḅe tẹ arị ị̀ tọrọkọ ḅụ saakị siin ḅọ ḅe.

Devidi-Anume 109:8

Yee ò ḍumo ala-a kunoma; yee jen tomḅọ ọ̀ kọrịnama ọkị!

Matiyo 13:12

Kẹ gotẹ ọkọ ḅẹẹarị, ye nyana ḅọ mẹ mie ịn ye kẹ pịrịarị, mịẹtẹ mḅọ nyana wama ḅẹ ḅara; kụma gberie-sọ nyana-a ḅọ mẹ mḅọ ọlọ wararị kalịye mẹ sọ mḅọ ḅara ini anị ọkị ḅa.

Matiyo 21:43

“À ḍuko ọ́ pịrịarị, Tamụnọ Ama-da mẹ ḅụ simearị aboma ma, ini ọmịna ḅara arị ọkị tẹ kẹ saḅama karakara iḅi sịnmgbọlụ sụa ḅẹ apụ pịrị ḅa.

Makị 4:25

Ye ḅara-ḅio sime ḅọ mẹ in jen kẹ sụa mḅọ pịrị ḅa, tẹ gberie-sọ nyana-a ḅọ mẹ, mḅọ ḅara simearị kalịye mẹ sọ ini mḅọ ḅara ọkị so ḅa.”

Luku 16:3

Fịrịmẹnjịḅọ ḅe nwẹnị amịna ḅụụ ḅẹẹ, ‘Ị̀ sịḅịdaḅọ ḅe fịrị ḅụ ì sin ḅẹ tẹ. À tiye kọrị ḅẹ? Àrị ịnyọ nyana tẹ kiri soku ḅịa, kịnị ḅara ye ḅii pịkị ị̀ ḅụụ-jịrịmarị.

Luku 19:25

Kụma ịn nwẹnị ọ̀ ḅẹẹ, ‘Wanyanaḅọ, ori ọ̀ kọkọ oyi nyana wararị!’

Luku 8:18

“Ọkọẹrẹsị ọmịnị iḅi ḅeri kẹ pokii; ye ḅara ḅụ sime ḅọ in jen kẹ sụa mḅọ pịrị ḅa, kụma ye ḅara ḅụ ofori ḅọ ḅe, mḅọ kuromarị mḅọ nyana tẹ nwẹn ḅẹẹ kala ye mẹ sọ, ini mḅọ ḅara ọkị ḅa.”

Fịrịmẹnjịapụ 1:20

Kẹ gotẹ ọkọ ḍukoarị Devidi Nume ḍiri ḅio anị kẹẹ koro wararị, Yee ọ̀ warị ḅio sime aị mamgba faa, yee gbọrụḅọ-sọ anị ḅio anga ma. Anị pịkị kẹẹ koro wararị, Yee jụmọ ọ̀ kọrịnama kiri ọkị.

2 Jọnị 1:8

Ọkọẹrẹsị, ọmịnị ẹbịị, mịẹtẹ ọmịna ogboku wa kọrị tẹ kọrịnama mẹ papaa fa ọ́ pịrị ye sọ ḅịa ḅara; anie nakara, ó ḅintẹ ḅara kẹ Tamụnọ kẹ ọ́ wẹrịma iḅi aị ma nyana ḅarị ḅara.

Mịẹfinji 2:3

Í ye-inema ḍinm, ị́ pịkị ì gotẹ tọrụsiẹrịm, anịsọ ị́ ḅara-siin-a.

Mịẹfinji 3:11

À ḅoarị ala-a sakị ḅụ. Ị́ ọlọ ye ọlọ kpaịnmaa, mịẹtẹ gbọrụḅọ-sọ owu ị́ ḅara iḅi tẹ ị́ nyana ḍiepịrịye mẹ pụkọ-ọkị ḅịa ḅara.

1 Samụẹlị 15:28

Samụwẹlị nwẹnị ọ̀ ḅẹẹ, “KỊNỊNYANAḄỌ ḅe mịmgba ị́ ḅụụ ḅụ Izirẹlị ḅẹ ama-da mẹ kan-siin tẹẹ, tẹ anị kẹ ị́yẹrị ḅe na kpeki, tẹ iḅi ị́ nẹngị ḅọ pịrị tẹẹ.

1 Samụẹlị 2:30

Anịẹrẹsị yẹrị KỊNỊNYANAḄỌ, Izirẹlịapụ tẹkẹarị Tamụnọ ḅe mininim mịnẹ ị́ warị na, ị́ ḍa warị mẹ na ị̀ tọrọkọ mẹnjị sọ na, paka na gbamaso ḅa; kụma mịọkụ à ḅarị ọkọ mịẹ ḅịa, kẹ gotẹ ọkọ ḅẹẹarị, inima tẹ kụn kẹ ị̀ pịrị apụ ma, àrị ịn kụn ḅa; anịsakị inima tẹ ì ḍiki iderima apụ ma, à feke-feke ḅara kẹ in ọkị ḅa.