Luku 19:17 - FỊAFỊA BAỊBỤLỤ

¹⁷ Ọ̀ nwẹnị ḅẹẹ, ‘Mịẹ ḅaka, iḅi fịrịmẹnjịḅọọ. Í ye kalịye ọlọ kpaịnmam ẹrẹsị àrị ị́ kẹ oyia opu ama sịḅị dama ḅa.’

Luku 19:17 Iomraidhean Croise

Suku-saakị 39:4

Mie ḅụ Josẹfụ, Pọtifa ḍiki-tọrụ ḅụ ọ̀ fụḅara fị tẹ fịrịmẹnjị ọ̀ pịrịm, tẹ ọ̀ nwẹnị ọ̀ kẹ ò soku-ḅẹ warị ḍikiḍikiḅọ sọma, tẹ ọ̀ nyana aị mamgba kẹ ọ̀ ḅara sụa.

Egberima-Ẹkwẹn 27:18

Figi-sịn ḍikiḍiki kpaịnma, anịsakị í figi-sịnmgbọlụ nyana tẹ fị ḅa. Amịna sịḅịdaḅọ balarị fịrịmẹnjịḅọ ḅe ini ọ̀ kẹ kụn nyana kiri ḅụ koroma ḅa.

Matiyo 25:21

Ọ̀ Nyanaḅọ ḅe nwẹnị ḅẹẹ, ‘Mịẹ ḅaka, iḅi tẹ ḅioḅẹngbọ-kẹ-sịrẹrẹ-niḅi fịrịmẹnjịḅọọ! Ị́ karakara ḅara kẹ boowa igbigi ḍikiḍiki ye mẹ ḅụ, àrị ị́ kẹ tọnwa igbigi ḍikiḍikiḅọ mịẹ ḅa. Sọ-ḅoo, tẹ ị̀nịna ḅioḅẹlẹẹ!’

Luku 16:10

Boowa kalịye ọlọ kpaịnma ḅọ pịkị tọnwa aị ọlọ kpaịnma ḅa; ye kalịye ọlọ kpaịnma-a ḅọ pịkị tọnwa aị ọlọ kpaịnma ḅịa.

Luku 19:16

Tarị ḅọ ḅe ḅo tẹ ḅẹẹm, ‘Ị̀ nyanaḅọ, ị́ kẹ ị̀ pịrị golu igbigi mẹ à kẹ ja oyi ḍọkị-ḅo tẹ.’

Luku 19:18

Maaịn karama ḅọ ḅe ḅo tẹ ḅẹẹm, ‘Ị̀ nyanaḅọ, ị́ kẹ ị̀ pịrị golu igbigi mẹ à kẹ ja sọnọ ḍọkị-ḅo tẹ.’

Luku 22:30

Ị̀ Ama mẹ ḅụ ọ́ fị-na-ḅuu-na ḅa ị̀ dẹbịlẹ ọgọnọ, tẹ ọ́ pịkị ọrụ emine, emine ḅụ lẹgị tẹ ḅẹrẹtọn ḅa Izirẹlị oyi maa furo finji ma ḅụ.

Romu 2:29

Anie nakara, karakara Juu-ḅẹ ḅọ anie suku-ḅio jụ ḅụ Juu-ḅẹ ḅọ sọ tẹ ḅọ, anie fiearị ye, mḅọ ḅioḅẹngbọ ḅụ mḅọ tarị-ḅụụ sin tẹ; mie mẹ anie Tamụnọ Tẹmẹ ḅe kọrịnama, kẹẹ koro wararị Oloko mẹ-a. Ọkọ sime ḅọ mẹ Tamụnọ anie mḅọ tokiniarị ye, tomi mḅọ tokini-a.

1 Kọrịntị 4:5

Anie mịẹ tẹ, sakị mẹ amụ la-a ogbo ọ́ ḅẹrẹ-ḅarasii pẹlẹ gbọrụḅọ-sọ pịrị ma. Kunoma ḅẹrẹkọn mẹ koru mu KỊNỊNYANAḄỌ ḅe sakị la, tẹ mịọkụ kanakana ḅio kikima wararị aị mamgba, ori ọkị-ḅo bele ḅio sara fama tẹ, pịkị tomina ḅioḅẹngbọ jụ ḅio simearị akuroma mamgba pakama-ḅo fama ḅa. Anị ḅo ọkọ la sakị ọrụḅọ-ọrụḅọ Tamụnọ ḅara mḅọ la tokini nyana ḅa.

2 Timoti 2:10

tẹ anie ḅụ, à Tamụnọ sẹlẹ-ọkị tẹ atomi ma gotẹ ye goyegoye inemarị, mịẹtẹ ini sọ Kịrayịsị Jizọsị ḅụ ḅọrọ tẹ ḅọrọma nyana tẹ sime gbamaso ebube mẹ la ḅarị ḅara.

1 Pita 1:7

Ọ́ karakara minini nyana na nyana-a na, mie in nimi ḅẹ tẹ ọ́ daaḍikiarị. Golu tẹ inetẹ gulugulu fa ḅarịye mẹ sọ, ịn fịnị kẹ anị daaḍikiarị tẹ ọmịna minini mẹ, tẹ yela kpọma golu nẹngị ye mẹ rẹ mie ịn daaḍiki tẹ nimi ḅẹ ye anị ene la ḅarị ḅoto. Anị ọkọ paka tẹ ḅẹḅẹ, ó tokini na, ebube na, kụn na nyana ḅa, Jizọsị Kịrayịsị amịna ḅụụ ḍie-pakama ḅarị Ene mẹ ḅụ.

1 Pita 5:4

Anịsakị Sịḅịda Anana Ḍikiḍikiḅọ ḅe ḅo sakị, ò ḍisi-ḍisia ebube ama-da sun kẹ ó sure ḅa.

1 Samụẹlị 2:30

Anịẹrẹsị yẹrị KỊNỊNYANAḄỌ, Izirẹlịapụ tẹkẹarị Tamụnọ ḅe mininim mịnẹ ị́ warị na, ị́ ḍa warị mẹ na ị̀ tọrọkọ mẹnjị sọ na, paka na gbamaso ḅa; kụma mịọkụ à ḅarị ọkọ mịẹ ḅịa, kẹ gotẹ ọkọ ḅẹẹarị, inima tẹ kụn kẹ ị̀ pịrị apụ ma, àrị ịn kụn ḅa; anịsakị inima tẹ ì ḍiki iderima apụ ma, à feke-feke ḅara kẹ in ọkị ḅa.