Luku 19:13 - FỊAFỊA BAỊBỤLỤ

¹³ Tẹrẹmẹ ori ama koroma-so ọ̀ nwẹnị ori afịrịmẹnjịapụ sịn, ini oyi apụ, tẹ golu igbigi, gbọrụḅọ gberie, gberie kẹ ịn pịrị tẹ ịn ḅẹẹ, ‘Ọ́ kẹ tuḅokọn tẹ sọye mịẹ à so wararị sakị.’

Luku 19:13 Iomraidhean Croise

Matiyo 25:16

Igbigi oyi maa ẹndẹ finji na oyia asi na da ḅọ ḅe mu anị gbọrụ kiri igbigi mẹ kẹ tuḅo ḅụ suu, tẹ oyi maa ẹndẹ finji na oyia asi na sọye mịẹm.

Matiyo 25:20

Igbigi oyi maa ẹndẹ finji na oyia asi na da fịrịmẹnjịḅọ ḅe ḅo tẹ oyi maa ẹndẹ finji na oyia asi ma na saḅama ọ̀ nyanaḅọ ḅe ḅara sụa tẹ ḅẹẹm, ‘Ị̀ nyanaḅọ, oyi maa ẹndẹ finji na oyia asi na mie ị́ kẹ ị̀ pịrị ye. Ḍikii! Mịanga jen oyi maa ẹndẹ finji na oyia asi na emi, à sọye ḅụ nyana ḅo ye.’

Matiyo 25:22

“Anịtẹso ori igbigi sọnọ ẹndẹ kẹ pịrị fịrịmẹnjịḅọ ḅe sọ ḅo tẹ ḅẹẹm, ‘Ị̀ nyanaḅọ, igbigi sọnọ ẹndẹ mie ị́ kẹ ị̀ pịrị ye. Ḍikii! Mịanga jen sọnọ ẹndẹ emi, sọye ḅara ḅụ à nyana ḅo ye.’

Matiyo 25:24

“Anịtẹso maa ẹndẹ oyia asi finji da ḅọ ḅe ḅo tẹ ḅẹẹm, ‘Ị̀ nyanaḅọ, àrị í nimi wararị, anie ḅụụ-fụkama tomḅọ; í ye ḍiḅi-a anga mie í ye soku-soku yee; tẹ ị́ fịaị mgbọlị kẹ sara wẹrị-a anga mie í kobiri ọkị-ọkị yee.

Luku 19:12

Mie ḅụ ọ̀ ḅẹẹm, “Gbọrụ sakị ḅụ opu kiri la tẹ gbọrụ opu tomḅọ, ini ọ̀ kẹ ama-dama ḅẹ tẹ jen ama mum, anịtẹso ọ̀ nwẹnị tọn mịnẹ ọ̀ pịkịma so ori ama mu ḅa.

Luku 19:14

Tomḅọ ḅe ama ḅẹ apụ ọ̀ ḅẹlẹma-a ẹrẹsị ịn nwẹnị oku fịrịma ò tongu pono mu mịnẹ ịn ḅarị ḅii-a ori ịna ama-da.

Jọnị 12:26

Fịrịmẹnjị ị̀ pịrị ḅẹ-ḅiiarị ḅọ, ḅiiarị ḅọ ì ḍukamẹnjị ḅa, mịẹtẹ ị̀ fịrịmẹnjịḅọ ḅe à sime anga sime ḅarị ḅara. Anịsakị ị̀ Ḍa ḅe fịrịmẹnjị ị̀ pịrịarị ḅọ, pịrịarị ḅọ kẹ kụn nyana kiri ḅụ wẹrị ḅa.

Galesiya 1:10

Miemẹ à kẹ tomina tọrọkọ iḅi ọkị ḅẹ ḍọkịarị ye kịkarị ḅoto ọmịna ḅụụ? Gbala-gbala ọkọ-a! Tamụnọ ḅụụ-ḅẹlẹ ḅẹ ye mie à ḍọkịarị! À tomi kẹ ị̀ kẹ iḅi ḅọ sịn ḅẹ ye ḍọkịarị aro? À nwẹnị ọkọ sime ye mịẹ ḅẹ ḍọkịarị ḅẹḅẹ, anie à ḅarị Kịrayịsị fịrịmẹnjịḅọ sọ-a.

Jemụsị 1:1

Jemusị, Tamụnọ na KỊNỊNYANAḄỌ Jizọsị Kịrayịsị na fịrịmẹnjịḅọ ḅe ḅara ḅo ḍiri mẹ: Ḅii-ḅịḅị sime Tamụnọ atomi ma tẹ bebe tomikiri mẹ ḅụ gala-gala wararị apụ mamgba pịrịị.

2 Pita 1:1

Sayịmọnị Pita, Jizọsị Kịrayịsị omoniḅọ, pịkị ọ̀ fịrịmẹnjịḅọ ḅe ḅara ḅo ḍiri ịn kẹ: Inima tẹ wamịna Tamụnọ pịkị wa Ḅọrọmaḅọ Jizọsị Kịrayịsị karakara mịẹ ḅụ ḅọrọ tẹ wa nyana yelatẹ minini ye mẹ nyana wararị apụ ma pịrị ḍiri mẹ: