Luku 18:8 - FỊAFỊA BAỊBỤLỤ

⁸ À ḍuko ọ́ pịrịarị, ori iḅi ḅẹrẹkọn ịn pịrị ḅa, sakị fama-a ḅara. Kụma Tomḅọ Tụḅọ ḅe ḅo ḅarị sakị tomikiri ḅụ ò gbeke minini nyana apụ ḍọkị-ẹrị ḅẹ?”

Luku 18:8 Iomraidhean Croise

Devidi-Anume 46:5

Tamụnọ anị opu ama mẹ ḅio emi, gbala-gbala anị fama-fama ye paka ḅịa; dede-funfun ḅụ ò ḅo ḅarasụa anị pịrị ḅa.

Egberima-Ẹkwẹn 20:6

Ḅẹḅọ-ḅẹḅọ mḅọ sịḅị-tuu la ḅara na ḅioḅẹngbọ-kẹ-sịrẹrẹ-niḅi ḅara na ḅẹ aị ḍukoarị, kụma ị́yẹrị paa ḅụụkụrọma tẹ karakaramatẹ ọkọ sime ḅọ mẹ ḍọkị-ẹrịị!

Ayịzaya 40:27

Izirẹlị, ọkọ kụma tiye ẹrẹsị í ḍuko sụarị mịnẹ KỊNỊNYANAḄỌ ḅe ị́ ḅụụ-fụka nimi-a anịanịa kẹ ye-sịn í inoma tọrụsiẹrị kọn-arị sakị?

Matiyo 24:24

Kẹ gotẹ ọkọ ḅẹẹarị, iruo Amazaya na, iruo ịkịankoroapụ na, ḅụụ pakama ḅa; ini opu ḅụụ-buama-aị na, ḅụụ-gbiripuma-aị na, mịẹ tẹ oḅori kẹ Tamụnọ sẹlẹ-ọkị tẹ atomi ma sọ sịn ḅẹ ḅii ḅa, anị inetẹ ọkọ mịẹ ḅẹ kụma.

Matiyo 8:20

Jizọsị nwẹnị ọ̀ pakịrị, “Pụnụ amẹẹ ma ini angarị ịḅụkụ nyana wararị, tẹ feni ma sọ feni-awarị nyana wararị, kụma Tomḅọ Tụḅọ ḅe sịḅị kẹ suu tẹ ịnyọ sara, sara anga kịngẹ sọ nyana-a.”

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.