Luku 18:7 - FỊAFỊA BAỊBỤLỤ

⁷ Mịọkụ, ọ́ sịn-arị Tamụnọ iḅi ḅẹrẹkọn ori atomi pịrị ḅịa, ḍin na eneḅaka na kẹ owu ọ̀ pịrị tẹ ọ̀ ḅara ḅụ ḅarasụa ḅiiarị apụ ma? Ọ̀ sakị fama ḅẹ, ḅarasụa ịn pịrị ḅụ?

Luku 18:7 Iomraidhean Croise

Devidi-Anume 88:1

KỊNỊNYANA-TAMỤNỌ, ị̀ ḅọrọmaḅọ, bebe ene mamgba à kẹ owu pakamarị, à pịkị ḍin ḅụ ị́ tọrọkọ ḅoarị.

Devidi-Anume 9:8

Karakara mịẹ mie ọ̀ kẹ tomikiri ḅụ ḅẹrẹtọn-arị: aḍụa ofori ḅara mie ọ̀ kẹ sịẹ-sịẹ ma kọn-arị.

Paka-so 22:23

Ọmịnị ịna aḅụụ fụkama, tẹ ini owu pakama ị̀ pịrị ḅẹḅẹ, tụkụma ḅara ḅụ àrị ịna owu naa ḅa;

Ayịzaya 40:27

Izirẹlị, ọkọ kụma tiye ẹrẹsị í ḍuko sụarị mịnẹ KỊNỊNYANAḄỌ ḅe ị́ ḅụụ-fụka nimi-a anịanịa kẹ ye-sịn í inoma tọrụsiẹrị kọn-arị sakị?

Habakọkụ 2:3

Anị kẹ kẹẹ koroma anị ḅo paka tẹ ye sọ ḅẹ sakị tọrọkọ-jụ ḅo ḅa ẹrẹsị. Kụma sakị mẹ sarasarama ḅoarị, tẹ à kẹ ị́ ḍiearị ye mẹ ḅo karakara ye sọ ḅa. Ẹbịsịya anị fọnya ḅo-a ḅara kịka ḅa, kụma anị koruu, gbarị-a ḅara ḅụ anị paka ḅa, anị sime ala ḅịa.

Matiyo 24:22

Kụma Tamụnọ ḅarana anị sime mu la ḅarị ene ma kịẹn-ḅịḅị mẹ kpụlụma kụra-ḅio iḅerea; ori ọkọ mịẹ-a namịna, kpọkpọ gbọrụ tomḅọ sọ kirikọn ḅịa. Ọ̀ sẹlẹ ọ̀ ḅụụ pịrị tẹ atomi ma gotẹ, Tamụnọ ene ma kịẹn-ḅịḅị mẹ kpụlụma ḅa.

Matiyo 24:24

Kẹ gotẹ ọkọ ḅẹẹarị, iruo Amazaya na, iruo ịkịankoroapụ na, ḅụụ pakama ḅa; ini opu ḅụụ-buama-aị na, ḅụụ-gbiripuma-aị na, mịẹ tẹ oḅori kẹ Tamụnọ sẹlẹ-ọkị tẹ atomi ma sọ sịn ḅẹ ḅii ḅa, anị inetẹ ọkọ mịẹ ḅẹ kụma.

Matiyo 7:11

Ọmịnị si-mịẹapụ sọ, paa iḅi aị kẹ ọmịna awọmẹ pịrị-pịrị ḅara nimi wararị. Ndẹẹ ọmịna Ḍaḅọ So-ḅio simearị ḅọ ḅe rẹ ḅarị kpọma anị ḅara nẹngị ḅara kẹ iḅi aị kẹ ọ̀ ḅara ye ḅiiarị apụ pịrị ḅịa ḅara!

Luku 11:13

Ó si la ḅara mamgba sọ ọmịnị iḅiye nimi tẹ kẹ ọmịna awọmẹ pịrịarị kụma, ndẹẹ ọmịna So-ḅio ḅẹ Ḍaḅọ ḅe rẹ Fịafịa Tẹmẹ ḅe kẹ ọ̀ ḅara ḅii apụ pịrị ḅịa ḅara?”

Luku 2:37

Tẹ mịọkụ kụra inia si ini akụra finji á sịḅị ḅọrọ tẹ diḅọ-fịtẹ-ẹrẹḅọ ḅara ḅụ. Tamụnọ-warị ḅụ á so so-a, ḍin-o, eneḅaka-o, tẹ ḅuru-ịmọ-ịmọ tẹ tẹkẹm.

Luku 21:28

Ye ḅo saakị ọkọ pakarị ḅẹḅẹ, ọ́ saakị sịẹ tẹ sịḅị saakị sịẹmaa, gbala ọmịna ḅọrọma mẹ ḅo kpeki tẹ.”

Romu 8:33

Tamụnọ sẹlẹ-ọkị tẹ atomi ma, tụḅọ ḅẹrẹ kẹ ịna sịḅị sẹịn ḅẹ? Ori kọkọ ḅarana ḅẹrẹ-ḅaraiḅi pẹlẹ ịn pịrị tẹ.

Kọlọsị 3:12

Ọmịnị Tamụnọ atomi; ori ọ́ ḅẹlẹma tẹ ọ́ sẹlẹ-ọkị tẹ kẹ ori atomi sọmam. Ọkọẹrẹsị, ọmịnị ọkụrụkụrụ na, iḅi-yemịẹ-ḅara na, ḅụụ-iderima na, gbene na, ye-inema na kẹ kapa sọma tẹ sụa.

1 Tẹsalonịka 3:10

Eneḅaka na ḍin na ḅụ wa ọ̀ tẹkẹarị mịnẹ ọ̀ paa mịẹtẹ wa ḅo ọmịnị ẹrị, tẹ ọmịna minini ḅụ kọn anga emi-emii wa anị mịẹ busunuma.

2 Tẹsalonịka 1:6

Tamụnọ, ò kuraye mịẹ ḅa: ọ̀ mịẹ tẹ ọ́ kẹ tọrụsiẹrịmarị apụ ma tọrụsiẹrị ḅa,

1 Timoti 5:5

Gbọrụḅọ-sọ nyana-a diḅọ-fịtẹ-ẹrẹḅọ ma, á ḅarasụa-pịrịḅọ nyana-a ḅara ḅụ, árị á ḅiokpọ mẹmgba kẹ Tamụnọ ọgọnọ gbana tẹ, ọ̀ tẹkẹ tẹ ọ̀ ḅarasụa ḅiiarị ḍin na eneḅaka na ḅụ.

2 Timoti 1:3

Arị ịmịẹtẹ kẹ à fịafịa tẹmẹ ḅioḅẹngbọ kẹ fịrịmẹnjị pịrịarị Tamụnọ ḅe ḅẹẹm, ì atẹngịapụ ma mịẹ ḅara. Ḍin na eneḅaka na ḅụ àrị ị́ kẹ ḅiokoroma tẹ tẹkẹ ị́ pịrịarị sakị mamgba tẹ ịmịẹtẹ kẹ ọ̀ ḅẹẹarị.

2 Timoti 2:10

tẹ anie ḅụ, à Tamụnọ sẹlẹ-ọkị tẹ atomi ma gotẹ ye goyegoye inemarị, mịẹtẹ ini sọ Kịrayịsị Jizọsị ḅụ ḅọrọ tẹ ḅọrọma nyana tẹ sime gbamaso ebube mẹ la ḅarị ḅara.

Tayịtọsị 1:1

Pọlụ, Tamụnọ omoniḅọ, pịkị Jizọsị Kịrayịsị fịrịmẹnjịḅọ. Tamụnọ ị̀ sẹlẹ tẹ ị̀ fịrịmam à mu Tamụnọ atomi ma minini mịẹ kụrọma, tẹ ịn kẹ mu wamịna Tamụnọ nimi etela mẹ tolumarị karakara mẹ lamaa,

1 Pita 1:1

Pita, Jizọsị Kịrayịsị fịrịmẹnjịḅọ ḅe ḅara ḅo ḍiri: Tamụnọ sẹlẹ-ọkị tẹ atomi ma tẹ Pọnịtịyọsị na, Galesiya na, Kapadosiya na, Esiya na, Bitiniya na ibe ma ḅụ gala-gala tẹ angarị apụ ma pịrị ye mẹ.

2 Pita 3:9

KỊNỊNYANAḄỌ ḅe ò minini ye mịẹ ḅụ ọ̀ sakị fama fama-a, ja apụ kuromarị mịnẹ ọ̀ sakị famarị ḅara mẹ. Anie nakara, ọmịna ḅụ, ò ye-inemarị, ò ḅii-a gbọrụḅọ-sọ fịị gulugulu ẹrẹsị, kụma ò ḅiiarị inweni-mgba ịna asi ḅụ pịkị.

Mịẹfinji 18:20

So, ḅioḅẹlẹẹ, á fa tẹ ye mẹ gotẹ! Ọmịnị Tamụnọ atomi na, fịrịmẹnjịapụ na, ịkịankoroapụ na, ó ḅioḅẹlẹẹ! Kẹ gotẹ ọkọ ḍukoarị, Tamụnọ á kẹ ọ́ mịẹ-aị ma ḅẹ ḅẹrẹ pẹlẹ á ḅara sima tẹ!

Mịẹfinji 6:10

Ịn nwẹnị gele pọkọ kẹ oloku tẹ ḅẹẹ, “Kụrọmamgba nyana KỊNỊNYANAḄỌ, fịafịa pịkị karakaraḅọ, tomikiri ḅẹ atomi ma kẹ wa ḅaa ye mẹ kẹ ịn kọn tẹ fomu-ḅara kẹ ịn pịrị mẹ ị́ kẹ wẹrị alama mu tọ-sakị la ḅẹ?”

Mịẹfinji 7:15

Anịẹrẹsị ịn Tamụnọ emine mẹ tọrọkọ sịẹ tẹ ọ̀ warị mẹ ḅio ene ḅaka na ḍin na, kẹ fịrịmẹnjị ọ̀ pịrịarị. Emine mẹ ọgọnọ lẹgị wararị ḅọ ḅe emi tẹ in kikima ḅa.