Luku 18:30 - FỊAFỊA BAỊBỤLỤ

³⁰ mị tomikiri mẹ ḅụ tọnwa aị nyana ḅa tẹ pịkị sime-gbamaso ḍumo nyana ḅa ḅo ḅarị tomikiri mẹ ḅụ.”

Luku 18:30 Iomraidhean Croise

Jobu 42:10

Jobu tẹkẹ ori ikiapụ ma pịrị fama tẹso, KỊNỊNYANAḄỌ ḅe elemu ọ̀ nyana aị ma kẹ ọ̀ gbẹẹm, tẹ Jobu tarị nyana ye ḅụ KỊNỊNYANAḄỌ ḅe maaịn-maaịn kẹ ọ̀ pịrịm.

Devidi-Anume 119:103

Mịẹ ḅẹ tẹ í ḍuko aị ma ḅẹlẹ ḅara ḅakam ḅẹlẹ ḅẹm sọ nẹngịm!

Devidi-Anume 119:111

Ị́ sụa kuroma oloko ma sime ị̀ pịrị gbamasom arị mie ì ḅioḅẹlẹmarị.

Devidi-Anume 119:127

Àrị ị́ tọn kuroma aị mamgba ḅẹlẹma golu nẹngịm, iḅi tẹịn golu sọ nẹngịm.

Devidi-Anume 119:162

Í minini aị ma gotẹ ì ḅioḅẹlẹ la ḅara ḍikii, à ḅioḅẹlẹ mu opu ngọ biin ḅọ ḅioḅẹlẹ ḅara na gbasịm.

Devidi-Anume 119:72

Ị́ sụa oloko mẹ ị̀ ḅụụ ḅẹrẹ tomikiri simearị igbigi mamgba nẹngịm.

Devidi-Anume 37:16

Iḅi tomḅọ ḅe nyana kala ye mẹ, si-sịḅịḅio-sụapụ mamgba kọọn sara ngọ ma nẹngị lamam.

Matiyo 12:32

Tomḅọ nwẹnị ye ḍuko Tomḅọ Tụḅọ ḅe ọgọnọ gbana kụma ịn wẹrịso mḅọ pịrị ḅa; kụma ḅẹḅọ-ḅẹḅọ tẹ ye ḍuko Fịafịa Tẹmẹ ḅe ọgọnọ gbana ḅọ, gbana ḅọ mḅọ inetẹ si-wẹrịso pịrị nyana ḅịa mịọkụ-o, ḅẹẹ-sakị ḅẹẹ-sakị-o.

Matiyo 4:24

Ò gboloma ye mu bebe Siriya sịẹ mẹ kana-korom, miemẹ mịẹtẹ ịn nwẹnị obi apụ mamgba kẹ mu ọ̀ la, obi mẹ sime-ḅara, sime-ḅara sọ — oru sịḅị ḅio sime apụ-o, ịsịla-obi kọn apụ-o, ngụrọ-kọnapụ-o, tẹ Jizọsị nwẹnị inimgba gwọ.

1 Timoti 4:8

Meni-oju mẹ aḍaka ḍiki tẹ anị mịẹ kụrọma mẹ nyana iḅi emi, kụma tẹmẹ gboloma ye ḅụ ḅụụ aḍaka ḍiki tẹ anị mịẹ kụrọma mẹ ḅọkọ-ḅọkọ ḅụ iḅi famam, kẹ gotẹ ọkọ ḍukoarị, mịọkụ simearị ḍumo mẹ ḅụ anị nyana iḅi emi, pịkị tọrọkọ-jụ ḅo ḅarị ḍumo mẹ ḅụ sọ anịḅẹ iḅi emi.

1 Timoti 6:6

Karakaraye, Tamụnọ nimi etela mẹ mịẹtẹ tomḅọ ngọ kọn lama lamam, mḅọ nyana ye mḅọ na iḅi wararị ḅẹḅẹ.

Mịẹfinji 2:10

Ọmịnị ẹrị ḅẹ-yearị tọrụsiẹrị goyegoye ọmịnị anị gotẹ ḅalafa ma. Ó pokii! Ekwesu ḅe ọ́ daaḍiki ḅa, ọmịna ḅụ ḅẹ ja apụ kẹ ikoli suu ḅụ, tẹ oyi aḍin mie ọ́ kẹ tọrụsiẹrị ḅarịye. Ọmịnị ọmịnị ị̀ ḅụ nyana minini mẹ ọlọ kụrọmaa, anị nwẹnị fịị dogi-ḅo sọ, tẹ yẹrị ḍumo kẹ owu-ḅara-iḅi apụ gbẹẹ-ye sọma tẹ kẹ ọ́ pịrị ḅa.

Mịẹfinji 2:17

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii! “Owu-ḅara-iḅi mẹ nyana apụ ma à ḅọị wararị mana mẹ ḅẹ aị kẹ ịn pịrị fị ḅa. À pịkị pịna-pịna ḍụḅarị, tẹ ịwọ ẹrẹ anị ḅụ kẹẹ wararị ye, anie anị nyana wararị ḅọ sikima tẹ gbọrụḅọ-sọ inetẹ nimi, nimi-a ye, mẹ kẹ ịna ḅụ ọrụḅọ-ọrụḅọ pịrị ḅa.

Mịẹfinji 3:21

Owu-ḅara-iḅi nyana apụ ma à kụrọ kẹ ịn pịrị tẹ ini ị̀ na palịa ḅa ì emine ọgọnọ ḅụ, anie yẹrị sọ owu-ḅara-iḅi nyana tẹ mịọkụ ị̀ Ḍa na palịa wararị ḅara, ori emine ọgọnọ ḅụ.