Luku 18:22 - FỊAFỊA BAỊBỤLỤ

²² Jizọsị mie naa sakị, ò tomḅọ ḅe ḅẹẹm, “Gberie paa kọn wararị tẹ ị́ mịẹ na-iḅi ye. Ị́ nyana aị mamgba dẹrị tẹ igbigi mẹ kẹ igoin-apụ pịrị, anịsakị So-ḅio ị́ ngọ nyana ḅa; tẹ ḅo tẹ ì ḍukamẹnjịị.”

Luku 18:22 Iomraidhean Croise

Devidi-Anume 27:4

À KỊNỊNYANAḄỌ ḅe ḅara ḅụ gberie ḅii tẹ; anị kpọkpọ gberie mẹ mie arị ịgbanịarị: anie, ì ḍumo-ene mamgba kẹ KỊNỊNYANAḄỌ ḅe warị mẹ ḅio anga, anị yọ ḅụ ori iḅi ḍikiḍiki ḅụ ḅụụ-bua, tẹ ọ̀ ḅara datụkụma ḅii.

Matiyo 19:21

Jizọsị nwẹnị ọ̀ ḅẹẹ, “Ị́ kara-gbasị ḅẹ ḅiiarị ḅẹḅẹ, ị́ nyana aị mamgba dẹrị tẹ igbigi mẹ kẹ igoin-apụ ma pịrịị, anịsakị í So-ḅio ngọ nyana ḅa; anịtẹso ḅo tẹ ì ḍukamẹnjịị.”

Luku 10:42

kụma ye ḅụ ḅẹ gberie kịngẹ mie tomḅọ gotẹ ḅụụ-ḅaa na-iḅi ye. Meri anị iḅiye mẹ sẹlẹ-ọkị tẹ, gbọrụḅọ sọ pịkị á ḅara anị ọkị ḅịa.”

Luku 12:33

Ọ́ nyana aị mamgba ọ́ dẹrị tẹ kẹ igoin-apụ pịrịị. Ọ́ kan kan-a akpa tẹlẹma ọmịna ḅụụ pịrịị, tẹ ọmịna ngọ ma kẹ So-ḅio ḅụụ wẹrịmaa, anịanga arị fa ḅịa, tẹ furuḅọ sọ inetẹ furu ḅịa ẹrẹsị; akarakaraḅa sọ inetẹ arị sima ḅịa.

Luku 16:9

Tẹ Jizọsị nwẹnị paa ẹkwẹn tọrọkọ mu, “Ọkọẹrẹsị à ḍuko ọ́ pịrịarị, ó tomikiri ḅẹ ngọ mẹ kẹ ikia ọlọ ḅụụ pịrịị, mịẹtẹ anị ḅarị ọmịna ḅara ofori sakị ini ọ́ da sime-gbamaso warị ḅio suu ḅarị ḅara.

Luku 18:21

Tomḅọ ḅe nwẹnị pakịrị, “Ị̀ ịwọ sakị kụra-ḅio à mịna oloko ma kokoarị.”

Luku 18:23

Tomḅọ ḅe mie naa sakị, ọ̀ kọọn sara ngọ gotẹ, anị nwẹnị ò ḅioḅẹngbọ sima lama.

Luku 9:23

Tẹ ọ̀ nwẹnị inimgba ḅẹẹ, “Gbọrụḅọ nwẹnị ì ḍukamẹnjị ḅẹ-ḅiiarị ḅẹḅẹ, mịẹ ḅara, mịẹ ḅara sọ, mḅọ amịna ḅụụ kẹ ḅioḅọrọma tẹ ene ḅaa ene, ḅaa ene mḅọ amịna ẹngbẹsẹ-sịn saakị dogi, tẹ ì ḍuka ḅoo.

Filipayị 3:13

Ye wẹrịtẹ sime-ḅara ḅụ, ị̀ amịnapụ, à sịn-a karakara-ḅara-ḅụ anị ḅo ị̀ ḅara la tẹ; anị sime-ḅara, sime-ḅara sọ, kpọkpọ gberie tẹ à mịẹarị ye anie, à ḅọrọ tẹ ye mẹ kẹ ḅioḅọrọma tẹ, arị inetẹ ḅara, inetẹ ḅara mịẹ tẹ tọrọkọ sime ye mẹ la ḅẹ ḍọkịarị.

2 Pita 3:8

Kụma, ì iḅi ikiapụ, ọ́ mị gberie mẹ kẹ ḅioḅọrọma ma! KỊNỊNYANAḄỌ ḅe tọrọkọ gbọrụ ene na kụra maa ẹndẹ oyia asi finji na ḅụ kịrị ofori; ọ̀ ḅụụ ḅụ maaịn ma gberie.