Luku 18:17 - FỊAFỊA BAỊBỤLỤ

¹⁷ Ó mie kẹ ḅiokoromaa! Kalatụḅọ ḅara kẹ Tamụnọ Ama-da mẹ ọkị-a ḅọ ọkị-a ḅọ, mḅọ anị suku-ḅio simearị tomḅọ nwẹn sọ ḅịa gbamasom.”

Luku 18:17 Iomraidhean Croise

Matiyo 18:3

tẹ ḅẹẹm, “À mịẹtẹ ó nimiarị mịnẹ ọmịnị ọmịna ḅioḅẹngbọ ḍima tẹ ḅo kala awọmẹ kịka sikima, ọ́ Tamụnọ Ama-da mẹ suku-ḅio simearị atomi sọ ḅịa.

Matiyo 19:14

Tẹ Jizọsị nwẹnị ḅẹẹ, “Yee awọmẹ ma ị̀ ḍọkụma-ḅo, ọmịnị in kiki ma, kẹ gotẹ ọkọ ḅẹẹarị, Tamụnọ Ama-da mẹ anị sime in sime-ḅara ḅẹ atomi pịrịm.”

Makị 10:15

À mịẹtẹ ó nimiarị mịnẹ Ḅẹḅọ-ḅẹḅọ tẹ kalatụḅọ Tamụnọ Ama-da mẹ daa ọkị ḅara kẹ anị daa ọkị-a ḅọ, gbala-gbala mḅọ anị ḅio sọ-mu ḅịa.”

Luku 18:16

Kụma Jizọsị awọmẹ ma sịn ọ̀ ḅụụ pịrị tẹ ḅẹẹm, “Ọmịnị awọmẹ ma wẹrịso ini ị̀ ḍọkụma-ḅo, ịn dasịẹma ma, gbala ini ma sime-ḅara sime apụ anie Tamụnọ Ama-da mẹ sime pịrị yee.

1 Kọrịntị 14:20

Ị̀ amịnapụ, ọmịna kuroma ḅụ ọ́ kala awọmẹ kịkama; siye mịẹ ngẹrị ḅụ ọ́ kala awọmẹ sọọ; kụma ọmịna kuroma ḅụ ọ́ ḍụḅa paka-ḅo tẹ apụ sọọ.

1 Pita 1:14

Ọ́ Tamụnọ ḅịḅị pokii, tẹ ọ́ ḍụkụ tẹ amụ ó gberie-sọ nimi-a sakị ḅụ ḅẹrẹtọn ọmịna ḍumo pịrị, pịrị akuroma ma ọ́ da-mu arị tọn ḅara wẹrịma.

1 Pita 2:2

Ịwọma iyi awọmẹ ḅara ḅụ, tẹmẹ ḅụ ḅẹ ndo mẹ ndo mẹ, sakị mamgba ọ́ tarịị, mịẹtẹ ọmịnị anị ndo mẹ ndo tẹ ḍụḅa paka-ḅo tẹ ḅọrọma ḅarị ḅara.