Luku 18:16 - FỊAFỊA BAỊBỤLỤ

¹⁶ Kụma Jizọsị awọmẹ ma sịn ọ̀ ḅụụ pịrị tẹ ḅẹẹm, “Ọmịnị awọmẹ ma wẹrịso ini ị̀ ḍọkụma-ḅo, ịn dasịẹma ma, gbala ini ma sime-ḅara sime apụ anie Tamụnọ Ama-da mẹ sime pịrị yee.

Luku 18:16 Iomraidhean Croise

Suku-saakị 21:4

Tẹ Ebira-amụ Tamụnọ wẹrịtẹ tọn ọ̀ pịrị tẹ ḅara ḅụ ori owiḅọtụḅọ Ayịzịkị tarị-ḅụụ siinm nine aḍin ọ̀ sịḅị ḅọrọ tẹso.

2 Paka-aị 20:13

Mịọkụ Juda ḅẹ owiapụ mamgba ịna ḍọkọḍọkọ-awọmẹ na, ịna sime-ereme na, ịna awọmẹ na kẹ KỊNỊNYANAḄỌ ḅe tọrọkọ sịẹsime wararị.

Jerimaya 32:39

Àrị ịn kẹ gotẹ ḍumoarị gbọrụ ye kẹ ịn pịrị ḅa: sakị mamgba ị́ kụn, ịna iḅi na ịna awọmẹ iḅi na gotẹ.

Matiyo 19:14

Tẹ Jizọsị nwẹnị ḅẹẹ, “Yee awọmẹ ma ị̀ ḍọkụma-ḅo, ọmịnị in kiki ma, kẹ gotẹ ọkọ ḅẹẹarị, Tamụnọ Ama-da mẹ anị sime in sime-ḅara ḅẹ atomi pịrịm.”

Luku 18:15

Ja atomi nwẹnị ḅara-ḅio dogiarị awọmẹ kẹ ḅo Jizọsị pịrị mịnẹ ọ̀ ḅara kẹ ịna ọgọnọ gbanaa. Ò ḍukamẹnjịapụ ma ini ẹrị sakị ini in ḍiki ịganịm ini ọkọ mịẹ ye gotẹ.

Luku 18:17

Ó mie kẹ ḅiokoromaa! Kalatụḅọ ḅara kẹ Tamụnọ Ama-da mẹ ọkị-a ḅọ ọkị-a ḅọ, mḅọ anị suku-ḅio simearị tomḅọ nwẹn sọ ḅịa gbamasom.”

Fịrịmẹnjịapụ 2:39

Tamụnọ minini ye mẹ sime ọmịnị na, ọmịna awọmẹ na, pịkị ala-jụ simearị apụ tẹ wa Nyana Tamụnọ ḅe sịn amịna ḅụụ pịrịarị apụ mamgba pịrịm.”

1 Kọrịntị 14:20

Ị̀ amịnapụ, ọmịna kuroma ḅụ ọ́ kala awọmẹ kịkama; siye mịẹ ngẹrị ḅụ ọ́ kala awọmẹ sọọ; kụma ọmịna kuroma ḅụ ọ́ ḍụḅa paka-ḅo tẹ apụ sọọ.

1 Kọrịntị 7:14

Tamụnọ ẹrẹḅọ ma ḅụ ḅọrọ tẹ à di, Kịrayịsị minini-a ḅọ ḅe ọkịarị, ọ̀ pịkị Kịrayịsị ḍukamẹnjị owiḅọ gotẹ ọ̀ ta Kịrayịsị minini-a ḅọ ma ọkịarị, anieofori ịna awọmẹ ḅofa Tamụnọ nimi-a apụ awọmẹ sọ; kụma ye sime-ḅara ḅụ, Tamụnọ ini ọkị tẹ.

Ditẹrọnọmị 29:11

ọmịna ḍọkọḍọkọ-awọmẹ na, ọmịna sime ereme na, jen sịẹ ḅẹ igoniḅọ ḅe tẹ ọmịna kobiri-ogbo mẹ ḅio simearị ḅọ ḅe na, oriḅe tẹ ọmịna fịnị pẹlẹ ḅọ ḅe na, ọmịna minji ḍuu ḅọ ḅe na sọ emi,

Ditẹrọnọmị 31:12

Ó tomi ma kobirii, owiapụ na, ereme na, ḍọkọḍọkọ-awọmẹ na, ọmịna ama ma ḅio simearị jen sịẹ ḅẹ igoniḅọ ḅe na, mịẹtẹ ịn naa, tẹ KỊNỊNYANAḄỌ ọmịna Tamụnọ ḅe mangịma ḅẹ ḅara ḍawọ, tẹ ḅụụ ẹbị-ẹbị tẹ mị Oloko mẹ ḅẹ ẹkwẹn-aḅịḅị mamgba mịẹ ḅẹ ḅara.

1 Pita 2:2

Ịwọma iyi awọmẹ ḅara ḅụ, tẹmẹ ḅụ ḅẹ ndo mẹ ndo mẹ, sakị mamgba ọ́ tarịị, mịẹtẹ ọmịnị anị ndo mẹ ndo tẹ ḍụḅa paka-ḅo tẹ ḅọrọma ḅarị ḅara.