Luku 18:14 - FỊAFỊA BAỊBỤLỤ

¹⁴ Jizọsị nwẹnị ḅẹẹ, à ḍuko ọ́ pịrịarị, ama-igbigi da ḅọ ḅe mie Tamụnọ na ḅẹrẹ-fama tẹ ye, ọ̀ warị la sakị, Farịsiiḅọ ḅe-a. Gbala amịna ḅụụ gelema ḅọ, gelema ḅọ ini mḅọ iderima ḅa, tẹ amịna ḅụụ iderima ḅọ, iderima ḅọ ini mḅọ kẹ opu sọma ḅa.”

Luku 18:14 Iomraidhean Croise

Jobu 22:29

Kẹ gotẹ ọkọ ḅẹẹarị, Tamụnọ opu amịẹaị mịẹ ḅọ ḅe iderimarị, kụma ori ideri kiri ḅụ sime ḅọ ḅe ḅọrọmarị.

Jobu 25:4

Tomḅọ tọ-ḅara kẹ inetẹ Tamụnọ tọrọkọ karakara ḅẹ? Ori ḅe tẹ ẹrẹḅọ iyi ḅọ inetẹ tọ-ḅara kẹ fịafịa ḅẹ?

Jobu 9:20

À mịẹ ye ofori ḅẹsọ, ị̀ ḅịḅị inetẹ ị̀ kọngọ dẹrị ḅa kẹ ị̀ ọlọ-ọlọ ye ofori sọ, ori ị̀ ḅara siye pakama-ḅo ḅa.

Devidi-Anume 138:6

Tụkụmaye ị́ kpọma gele fa à wararị sọ, í iderima kiri sime apụ kẹ ye-sịn-arị, tẹ ḅụụ-gelema apụ ma inetẹ ị́ ḅụụ ịna aḅụụ ḅọị ḅịa.

Devidi-Anume 143:2

Yẹrị ị́ fịrịmẹnjịḅọ ḅe kẹ ḅẹrẹkọn ḅo ma, ị́ tọrọkọ si mịẹ-a ḅọ ofori.

Paka-so 18:11

Mẹkịnẹ à nimi tẹ mịnẹ KỊNỊNYANAḄỌ ḅe ḍụḅa oru-atamụnọ mamgba nẹngịm, gbala ini opu amịẹaị mịẹ ḅara kẹ tomi ma na mịẹ sakị ori Ijiputi ḅẹ apụ ma ḅara suku-ḅio ḅụ ịn ḍụa-ḅọrọmam ẹrẹsị.”

Egberima-Ẹkwẹn 15:33

Kụn kẹ KỊNỊNYANAḄỌ ḅe pịrị mẹ kịngẹ sọ ye-ḍawọye. Ị́ ḅụụ-lẹgịma-a ogbo, í inetẹ kụn nyana akiri nyana ḅịa.

Egberima-Ẹkwẹn 18:12

Tomi mangịmarị gbọrụḅọ-sọ ofori ḅụụ-iderimarị ḅọ sikima; opu ẹkwẹn kọn-arị apụ ma ịn mẹnjị mu gulugulu-faa ḅẹ muarị.

Egberima-Ẹkwẹn 25:7

Kịnị ị́ ḅẹ tẹ í iwoma iḅi ini ị́ ḅẹ tẹ ị́ ị́ sime kiri kẹ ị́ nẹngị ḅọ pịrị nẹngịm.

Egberima-Ẹkwẹn 29:23

Opu ẹkwẹn ị́ ḅịkị dogi-ḅo ḅa, kụma ị́ ḅụụ-lẹgịmarị ḅẹḅẹ, tomi kụn kẹ ị́ pịrị ḅa.

Egberima-Ẹkwẹn 3:34

Ọ̀ ḅụụ-gelemarị atomi na mịẹ nyana-a, kụma ori iḅi kẹ ḅụụ-lẹgịmarị apụ ma mịẹarị.

Nimi Tolumaḅọ 9:7

Ị́ inetẹ sakị ḅụ ḍumo tọrụ-ḅẹlẹ nyana-a; Muu, tọrụ-ḅẹlẹ kẹ í fịye fịị, tẹ ḅẹlẹ ḅioḅẹngbọ ḅụ alalị fị ḅara kẹ ị́ iru ḅuu, gbala ị́ mịẹarị ye mẹ ḅụ Tamụnọ ḅịḅị sọm ẹrẹsị.

Ayịzaya 45:25

Yẹrị, KỊNỊNYANAḄỌ ḅe, Jekọbụ furo-ḅẹ-apụ mamgba pụkọ-pakamaḅo, tẹ ini ì tokini ḅa.

Ayịzaya 53:11

Ọ̀ tọrụsiẹrị ḅọrọtẹ so sakị, ọ̀ pịkị siin jen kẹ ḍereku ḅa; tẹ ò ḅo nimi ḅa mịnẹ ọ̀ papaa tọrụsiẹrị-a. Ị̀ karakara fịrịmẹnjịḅọ, ḅụụ ḅụ à tọrụ-ḅẹlẹ nyanarị ḅọ ḅe, tọnwa-apụ fomu-ḅara da ịn pịrị ḅa, tẹ ọ̀ sịḅị ẹrẹsị à si-wẹrịso ịn pịrị ḅa.

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Ayịzaya 66:2

Ì ḅioju bebe So mẹ na Kiri mẹ na tẹmẹm! Ini ma tẹ ḅụụ-iderima na si ḅụ pịkị na nyana, tẹ ì mangịma tẹ ị̀ ḅịḅịpokiarị apụ ma ịna mịẹ aị ị̀ ḅụụ-ḅẹlẹarị.

Danẹlị 4:37

“Mịọkụ, yẹrị, Nebukadineza, tokini na, kụn na pịkị ebube na kẹ Tamụnọ pịrịm, ori So-ḅio ama-daarị ḅọ ḅe. Ọ̀ mịẹ ye goyegoye karakaram pịkị kuram, anị kụma ọ̀ pịkị inetẹ ḅaịn ḅara kẹ ye mịẹarị ḅọ iderima ḅa.”

Habakọkụ 2:4

Tẹ mie oku mẹ: ‘Ini ma tẹ si wararị apụ ma ịn fịị-a so ḅịa, kụma ini ma tẹ karakaraye-mịẹapụ ma, in ḍumo ḅa, in ḅioḅẹngbọ-kẹ-sịrẹrẹ-niḅi ḅara sime Tamụnọ pịrị wararị ẹrẹsị.’ ”

Matiyo 23:12

Amịna ḅụụ-gelemarị ḅọ, ini mḅọ iderima ḅa, amịna ḅụụ iderimarị ḅọ ini mḅọ kẹ opuḅọ mịẹ ḅa.

Matiyo 5:3

“Ḅioḅẹlẹ sime ịn tẹmẹ ḅụ igoin wararị ḅara nimi apụ ma pịrịm; ini ma ịn Tamụnọ Ama-da suku-ḅio sọ tẹẹ!”

Luku 1:52

Ori opu amadapụ ma siin koroma tẹ ịna emine ma ḅụ, tẹ iderima kiri ḅụ sime apụ ma iwoma tẹ.

Luku 10:29

Kụma Oloko tolumaḅọ ḅe paa amịna ḅụụ kẹ iḅi kiri sịẹma ḍọkị ḅụ nwẹnị Jizọsị ḅii, “Ị̀ na kpeki tẹ anga ḅọ ḅọrọ tụḅọ?”

Luku 14:11

Amịna ḅụụ saakị-gelema ḅọ, gelema ḅọ, mḅọ iderima ḅa; anị sakị amịna ḅụụ iderima ḅọ, iderima ḅọ mḅọ opu sọ ḅa.”

Luku 16:15

Jizọsị nwẹnị ịn ḅẹẹ, “Ọmịnị anie tomina tọrụ iḅi ọkị ḅẹ ḅara kẹ ye mịẹarị apụ, kụma Tamụnọ ọmịna ḅioḅẹngbọ sime ye nimi wararị. Tomi kẹ opu ye sịn-arị ye Tamụnọ tọrọkọ gberie-sọ gberie-a.

Romu 3:20

Oloko mẹ koko ẹrẹsị Tamụnọ tọrọkọ karakara ḅẹ ḅọ ofori; Oloko mẹ bebe kọrịarị ye anie mịẹtẹ tomḅọ nimi mịnẹ mḅọ si mịẹ tẹ.

Romu 4:5

Tomḅọ nwẹnị minini ḅụ sịrẹrẹ, tẹ kọrịnama kẹ ḅiokpọma-a, tẹ Tamụnọ minini kụma, ori ḅị Tamụnọ ḅe tẹ si-mịẹapụ kẹ iḅi kiri sịẹmarị ḅọ ḅe, mḅọ minini mẹ kẹ karakara mịẹ sọma tẹ mḅọ kẹ karakara ḅụ wẹrịarị ọ̀ ḅụụ ḅụ.

Romu 5:1

Mịọkụ minini ḅụ wa ḅọrọ tẹ Tamụnọ ḅụ karakara tẹ ḅara, wa Nyanaḅọ Jizọsị Kịrayịsị ḅụ wa ḅọrọ tẹ Tamụnọ na dein anga kọn tẹ.

Romu 8:33

Tamụnọ sẹlẹ-ọkị tẹ atomi ma, tụḅọ ḅẹrẹ kẹ ịna sịḅị sẹịn ḅẹ? Ori kọkọ ḅarana ḅẹrẹ-ḅaraiḅi pẹlẹ ịn pịrị tẹ.

Galesiya 2:16

Anịsọ wa nimi wararị mịnẹ Jizọsị Kịrayịsị ḅụ minini nyana ḅụ mie tomḅọ ḅọrọ tẹ Tamụnọ na kura ḅụ simearị ye, gbala-gbala Oloko mẹ ḅiiarị ye mịẹ ḅụ-a. Wamịnị sọ wa Kịrayịsị Jizọsị minini tẹ, mịẹtẹ wa wa Kịrayịsị ḅụ nyana minini mẹ ḅụ ḅọrọ tẹ Tamụnọ na kura ḅụ sime ḅẹ ḅara, Oloko mẹ ḅiiarị ye mịẹ ḅụ-a. Kẹ gotẹ ọkọ ḍukoarị, jene-jene gbọrụḅọ-sọ amụ Tamụnọ na kura ḅụ sime-a, mḅọ Oloko mẹ ḅiiarị ye mịẹm gotẹ.

Jemụsị 4:10

Ọ́ KỊNỊNYANAḄỌ ḅe tọrọkọ ḅụ ḅụụ lẹgịma, anịsakị ori ọ́ saakị-gelema ḅa.

Jemụsị 4:6

Kụma Tamụnọ kẹ tomi pịrịarị ḍiki-ḅụụjịrị mẹ kụrọ anị nẹngịm. Anie Fịafịa Ḍiri mẹ ḅẹẹarị ḅara, “Tamụnọ opu amịẹaị mịẹ apụ na tụḅụrụarị, kụma ò ḍiki-ḅụụjịrị nyana ḅụụ iderima apụ ma pịrịarị.”

1 Samụẹlị 1:18

Tẹ á nwẹnị ḅẹẹ, “Yee, ị́ fịrịmẹnjị-ẹrẹḅọtụḅọ ị́ tọrụ ḅụ ḍiki-ḅụụjịrị nyana.” Anịtẹso ẹrẹḅọ ma so arị etela dama-mum, tẹ fịye fịm, tẹ á tọrụ ḅarị jen-maaịn kẹ fụrụ-a.