Luku 18:13 - FỊAFỊA BAỊBỤLỤ

¹³ “Kụma ama-igbigi da ḅọ ḅe nwẹnị sikima ḅele tẹ sịẹsime, tọrụ sọ ọ̀ saakị so ḍiki-a, kụma ọ̀ ḅara kẹ ekpe fomu tẹ ḅẹẹm, ‘Tamụnọ, ì ḍiki-tọrụ-kụrụkụrụụ, yẹrị si-ḅọọ!’

Luku 18:13 Iomraidhean Croise

2 Samụẹlị 12:13

Devidi nwẹnị Netanị ḅẹẹ, “À KỊNỊNYANAḄỌ ḅe ḅụụ siye mịẹ tẹẹ.” Tẹ Netanị nwẹnị Devidi pakịrị, “KỊNỊNYANAḄỌ ḅe sọ í si-wẹrịso tẹẹ; ị́ ḅarị fịị ḅịa.

2 Paka-aị 33:19

Ọ̀ kọn tẹkẹ na, Tamụnọ ori ọkụrụkụrụ ḅụ ọ̀ kẹ ọ̀ tẹkẹ ye mẹ ọkị ḅara na, ò si mẹmgba na, ọ̀ nyana-a minini na, tẹ ò gele ayeyọ nama tẹ Asẹra na ò ye kịkama tẹmẹ-aị ma dẹẹ koroma anga ma na, tẹrẹmẹ ori ọ̀ ḅụụ iderima ye na, Izirẹlị Amadapụ Ma Aḅụụ Paka-aị Ḍiri mẹ ḅio kẹẹ wararị.

2 Paka-aị 33:23

Ọ̀ KỊNỊNYANAḄỌ ḅe tọrọkọ ọ̀ ḅụụ iderima-a, ọ̀ ḍa Manasẹ wẹrịtẹ ọ̀ ḅụụ iderima ḅara, kụma anie nakara, mịẹ na-iḅi-a jaị na jaị na, mie ḅị Amọnị ḅe mịẹ yee.

Ẹzịra 9:6

“Yei Tamụnọ ị̀ ḅụụ-jịrịm, tẹ ị̀ tọrụkuḅu awụ ḅịyam anị saakị-gelema ị̀ Tamụnọ da ḅụ. Kẹ gotẹ ọkọ ḅẹẹarị, wamịna iri-amịẹaị ma tunduru gele wamịna asịḅị nẹngị tẹẹ, anịsakị mịẹ gbẹẹ-a tẹ wa mịẹ aị ma gele ḅo So ma la tẹẹ.

Jobu 42:6

anịẹrẹsị arị ị̀ ḅụụ ḍiki-simam, tẹ ḅụọ-kuḅu na ọpọ ḅio ḅẹ afọn na ḅụ pịkịm si ḅụ.”

Devidi-Anume 106:6

Wa si mịẹ tẹ wamịna elemu aḍapụ ma mịẹ ḅara; wa si-sịḅịḅio-sụa tẹ pịkị si tẹ.

Devidi-Anume 119:41

KỊNỊNYANAḄỌ, ị́ ị̀ ḅẹlẹma la ḅara kẹ ì ḍie, ị̀ ḅọrọmaa ị́ wẹrịtẹ minini ḅara ḅụ.

Devidi-Anume 130:7

Izirẹlị, KỊNỊNYANAḄỌ ḅe kẹ ḅiokpọmaa, ọ̀ ḅẹlẹma kuno kuno-a ẹrẹsị tẹ sakị mamgba ọ̀ pịkị minini tẹ kịnị ḅọrọmarị.

Devidi-Anume 25:11

KỊNỊNYANAḄỌ, í minini ḅara mị, tẹ ị̀ asi ma wẹrịsoo, arị ḅaka wararị ẹrẹsị.

Devidi-Anume 25:7

Ị̀ asambịrịma sakị ḅẹ asi ma na mịẹ-irima aị ma na wẹrịso ị̀ pịrị; KỊNỊNYANAḄỌ, í kuno-a ḅẹlẹma mẹ na í iḅi na ḅụ, ị̀ kẹ ḅiokoromaa!

Devidi-Anume 40:12

Tọnwa ḅụụ-fụka ì gbori-ikelema wararị kịẹnkịẹn-ọkụ-ofori. Ị̀ asi ma ì kun sịẹma tẹ, tẹ à ḅarị inetẹ ye ẹrị-a; arịḅẹ kịẹn-ḅịḅị ị̀ sịḅị-ḅẹ-inume kịẹn ḅịḅị nẹngịm, tẹ tẹmẹ ḅarị ị̀ ḅụ ofori.

Devidi-Anume 41:4

À ḅẹẹm, “KỊNỊNYANAḄỌ, à si kẹ ị́ mịẹ tẹ: ọkụrụkụrụ nyana ị̀ pịrị tẹ ị̀ gwọ.”

Paka-so 33:10

Tẹ tomi mamgba Akpụrụ-warị mẹ ḅọkọ ḅụ oḅuto kpo mẹ sịẹsime wararị ẹrị sakị tomi mamgba saakị sịẹsime tẹ ọrụḅọ-ọrụḅọ amịna akpụrụ-warị ḅọkọ ḅụ sunsin KỊNỊNYANAḄỌ ḅe pịrị ḅa.

Ayịzaya 1:18

KỊNỊNYANAḄỌ ḅẹẹarị “Mịọkụ ó ḅo wa ḅẹrẹ mẹ fama. Karakaraye ọmịna si mẹ ọmịnị ọmbịma tẹ ọmịnị awụ ḅịyarị sọ, arị ọ́ sịkịrị tẹ ọmịnị eene mgbọlị yori-yori ḅara yori-yori ḅa. Ọmịna ịlọlị ma pọpụlụ nwẹn-sịn ḅịya ḅara ḅịya sọ, ọmịnị afalafa pịna ḅara pịna ḅa.

Ayịzaya 6:5

À ḅẹẹm, “Gbọrụ ḅiokpọ sọ ị̀ ḅụụ ofori! À fa tẹẹ. Àrị ẹkwẹn pakama-ḅoarị ẹkwẹn mamgba si-aị famam, tẹ si-aị si-aị ẹkwẹn-arị atomi ogboku mie à pịkị angarị ye. Tẹ anịsọ, à ḅarana ị̀ atọrụngbọ kẹ Amadaḅọ ḅe ẹrị tẹẹ, Kụrọmamgba nyana KỊNỊNYANAḄỌ ḅe!”

Ayịzaya 66:2

Ì ḅioju bebe So mẹ na Kiri mẹ na tẹmẹm! Ini ma tẹ ḅụụ-iderima na si ḅụ pịkị na nyana, tẹ ì mangịma tẹ ị̀ ḅịḅịpokiarị apụ ma ịna mịẹ aị ị̀ ḅụụ-ḅẹlẹarị.

Izikẹlị 16:63

Mịẹ-irima-aị mamgba tẹ ị́ mịẹ tẹ aị ma à wẹrịso ị́ pịrị ḅa, kụma ị́ arị kẹ ḅiokoroma tẹ ḅụụ-jịrị ḅaka tẹ ḅarị ị́ ḅịḅị sọ finji ḅịa.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Danẹlị 9:5

“Wa si mịẹ tẹẹ, wa si tẹẹ, wa kura-aye mịẹ tẹẹ. Wa ị́ tọn wa pịrịm wa mịẹ ḅẹ ye sịkị tẹ ọḅụ pịkị ị́ kẹ wa ḍie kuraye mẹ gbin tẹẹ.

Matiyo 10:3

Filipu na Batolomiyo na; Tọmọsị na Matiyo ama-igbigi da ḅọ ḅe na; Jemusị, Alịfịyọsị tụḅọ ḅe na Tadịyọsị na;

Matiyo 6:5

“Ị́ tẹkẹarị sakị mịẹ tomi ḍie apụ ma tẹkẹ, tẹkẹ ḅara tẹkẹ ma. Ini ma ịna ḅụụ-ḅẹlẹarị ye anie ama-awarị ḅio na, etela akaka na ḅụ, sịẹsime tẹ tẹkẹ, mịẹtẹ kịnị ịn tẹkẹarị mẹ kẹ ini ẹrị ḅarị ḅara. Ó nimi mịnẹ ini ịna gbẹẹ-ye nyana gbasịma kụra ḅio iḅerea.

Matiyo 9:13

Ó mu mị Fịafịa Ḍiri mẹ ḍuko ye mẹ fiearị ye ḍọkị-nimii, ‘Iḅi anga kẹ tomi na kọn mie à ḅiiarị ye, nama kẹ mịẹ agba-a.’ À tomi kẹ ye sịn-arị apụ sịn ḅụụ pịrị ḅẹ ḅo-a, kụma tomi sịkịtẹ apụ.”

Makị 11:25

Anịsakị ọ́ saakị sịẹ tẹ tẹkẹarị sakị ḅụ, tomḅọ kẹ ọ́ mịẹ si, mịẹ si ọ́ wẹrịso mḅọ pịrịị, mịẹtẹ ọmịna Ḍaḅọ So-ḅio simearị ḅọ ḅe sọ ọ́ mịẹ-irima tẹ aị ma wẹrịso ọ́ pịrị ḅarị ḅara.” [

Luku 17:12

Ọ̀ mẹnjị gbọrụ kala-ama sọ ḅẹ-muarị ogbo ò ḅo oyia apụ na bịamam, in sofịnị-obi kọn-arị. Ịn nwẹnị ala-jụ sịẹ

Luku 22:41

Anịtẹso ọ̀ nwẹnị kẹlẹ ịna ḅụ sikima, tẹ kparakị tẹ tẹkẹ.

Luku 23:48

Anịanga dẹẹ tẹ ye mẹ ḍiki sime apụ ma paka ye ẹrị tẹso, inimgba nwẹnị ḅara kẹ ekpe fomu, fomu tẹ kururu na so warị mu.

Luku 5:8

Sayịmọnị Pita mie ẹrị sakị, ò mu Jizọsị suku kparakị tẹ ḅẹẹm, “KỊNỊNYANAḄỌ, ị́ ḅụụ kẹ ì kpekima ma! Yẹrị si-ḅọọ!”

Fịrịmẹnjịapụ 2:37

Tomi ma ḅo miemẹ naa sakị ịna aḅioḅẹngbọ kpọma ịna ḅụụ-fụkamam, tẹ ịn nwẹnị Pita na osi afịrịmẹnjịapụ ma na ḅẹẹ, “Mịna apụ, mịọkụ wa ndẹndẹ mịẹ ḅẹ?”

Romu 5:8

Kụma Tamụnọ kẹ ọ̀ wa ḅẹlẹma la ḅara kẹ wa ḍie ye anie, wamịnị paa si-mịẹapụ wararị ogbo, Kịrayịsị fịị wa pịrịm.

2 Kọrịntị 7:11

Tamụnọ ọmịna kururu mẹ kẹ kọrị kọrịnama ḍikii: anị mịẹtẹ ọmịnị iḅiọkụ ḅẹrẹ kẹ ḅiokoroma, tẹ ọmịnị ó nimi ye ofori mẹ mịẹ pakamam! Anị mịẹtẹ ịganị na, tiye pakarị mọ ḅẹ ḅụụ-ḅalaḅala na, ye ḅụụ ịnọ akuroma na, kpọma ye kẹ ye-sịn tẹ mịẹ tẹmẹ na, pịkị tẹlẹma tẹ fomu-ḅara kẹ si mịẹye pịrị sọ anị dogi-ḅom. Paka ye mẹmgba ḅụ ó nimi ye ofori mẹ ọ́ mịẹtẹ anị giregire tẹ kịnị ẹrị tẹ.

1 Timoti 1:15

Miemẹ karakara ẹkwẹn, tẹ ḅọkọ, ḅọkọ ḅụ ọkị tẹ minini na-iḅi ye, mịnẹ: Kịrayịsị Jizọsị si-mịẹapụ ḅọrọma ḅẹ tẹ tomikiri mẹ ḅom. Yẹrị anie ịna ḅụ si tẹịnḅọ,

Hiburu 4:16

Ọkọẹrẹsị, ó yee wa ḅalafa-a ḅara kẹ Tamụnọ ḍiki-ḅụụjịrị emine mẹ dama-mu, ḍiki-ḅụụjịrị emi anga mẹ. Anịanga wa ọkụrụkụrụ na ḍiki-ḅụụjịrị na nyana tẹ kẹ ḅarasụa ḅụụ pịrị ḅa, wa ḅii sakị, ḅii sakị.

Hiburu 8:12

Àrị ịna asi wẹrịso ḅa, tẹ à ḅarị jen kẹ ịna amịẹ-irima ma kẹ ḅiokoroma ḅịa.”