Luku 18:11 - FỊAFỊA BAỊBỤLỤ

¹¹ “Farịsiiḅọ ḅe nwẹnị sikima ḅele tẹ tẹkẹ, ‘Tamụnọ, àrị ịmịẹtẹ kẹ ị́ ḅẹẹm, mịnẹ à ja tomi sime-ḅara sime-a — opu pọkọ-ḅẹngbọ sụa, ja apụ mingirima, anịanịa sẹfị ma ḅọrọ. Ịmịẹtẹ mịnẹ àrị anịanga simearị ama-igbigi da ḅọ ḅe na kịka-a.

Luku 18:11 Iomraidhean Croise

Devidi-Anume 134:1

Ó ḅo KỊNỊNYANAḄỌ ḅe tokinii, ori afịrịmẹnjịapụ mamgba, ọmịnị-mgba tẹ ọ̀ warị ḅio ḍin ḅụ fịrịmẹnjịarị apụ.

Devidi-Anume 135:2

anie KỊNỊNYANAḄỌ Warị mẹ ḅio sịẹsimearị apụ ma, wamịna Tamụnọ-warị mẹ ḅio.

Egberima-Ẹkwẹn 20:6

Ḅẹḅọ-ḅẹḅọ mḅọ sịḅị-tuu la ḅara na ḅioḅẹngbọ-kẹ-sịrẹrẹ-niḅi ḅara na ḅẹ aị ḍukoarị, kụma ị́yẹrị paa ḅụụkụrọma tẹ karakaramatẹ ọkọ sime ḅọ mẹ ḍọkị-ẹrịị!

Egberima-Ẹkwẹn 30:12

Japụ emi tẹ kuromarị ịn kpaịn wararị, ini ini inetẹ ḅẹ ḅara kẹ ḅụrụ-kọsị wararị ogbo.

Ayịzaya 1:15

“Ọ́ ḅara saakị so da tẹ tẹkẹ ḅarị sakị arị ó ḍiki ḅịa. Ọ́ tẹkẹ mu laa ḅara laa ḅara sọ, à poki ḅịa, kẹ gotẹ ọkọ ḍukoarị, ọmbie ọmịna aḅara ọmbịma fama wararị.

Ayịzaya 58:2

Ene-ḅaaene-ḅaaene in sunsin ị̀ pịrịarị, tẹ ọkịarị mịnẹ ịn kpọma ḅio-sẹsẹarị ì etela ma nimi pịkị ì oloko ma poki tẹ mịẹ ḅụ. Ini mẹẹ in ḅiiarị à karakara oloko sụa ịn pịrị, tẹ mịẹ tẹ in sunsin ị̀ pịrịarị ye ḅụ tọrụ-ḅẹlẹ nyana ḅarị ḅara.”

Ayịzaya 65:5

Anịtẹso ịn jen-apụ ḅẹẹarị, ‘Ọ́ wamịna ḅụụ ḅelee, wa tọn-tọn ḅara sime ḅakam, ọ́ ḅara kẹ wa lama ḅụ!’ Arị inetẹ nwẹn sime apụ inema ḅịa — à nyana ịn pịrị wararị ịganị gbala-gbala biin-biin-a fịnị kịkarị.

Jerimaya 2:28

Ọ́ ḅarana mịẹ ḅụụ pịrị atamụnọ ma ịn tọ-anga emi? Ọ́ ḅụụ-fụka ḅio sọ sakị yee ini ọ́ ḅọrọma — ini inetẹ ḅarị ḅẹḅẹ. Juda, ì opu ama ma kịẹn-ḅịḅị la ḅara mie pịkị ị́ nyana atamụnọ ma la ḅara.

Jerimaya 2:35

ọ́ ḅẹẹarị: Yẹrị à mịẹ si ofori; piki-pikiye-ofori ḅara ḅụ KỊNỊNYANAḄỌ ḅe ọ̀ ḅarị ì ḍiki-ịganị-a. Yẹrị KỊNỊNYANAḄỌ ḅe ó fomu ḅa ọmịnị ó si mịẹ ye pịkị tẹ ẹrẹsị.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Matiyo 10:3

Filipu na Batolomiyo na; Tọmọsị na Matiyo ama-igbigi da ḅọ ḅe na; Jemusị, Alịfịyọsị tụḅọ ḅe na Tadịyọsị na;

Matiyo 5:20

Mie ḅụ, ó nimi mịnẹ ọ́ nyana tẹ kẹ Tamụnọ ḅụụ-ḅẹlẹ ye mịẹ ḅarị minini Oloko toluma apụ ma na Farịsiiapụ ma na nyana minini nẹngị rẹ, mie ọmịnị inetẹ Tamụnọ Ama-da suku-ḅio simearị atomi sọ ḅarịye.”

Matiyo 6:5

“Ị́ tẹkẹarị sakị mịẹ tomi ḍie apụ ma tẹkẹ, tẹkẹ ḅara tẹkẹ ma. Ini ma ịna ḅụụ-ḅẹlẹarị ye anie ama-awarị ḅio na, etela akaka na ḅụ, sịẹsime tẹ tẹkẹ, mịẹtẹ kịnị ịn tẹkẹarị mẹ kẹ ini ẹrị ḅarị ḅara. Ó nimi mịnẹ ini ịna gbẹẹ-ye nyana gbasịma kụra ḅio iḅerea.

Makị 11:25

Anịsakị ọ́ saakị sịẹ tẹ tẹkẹarị sakị ḅụ, tomḅọ kẹ ọ́ mịẹ si, mịẹ si ọ́ wẹrịso mḅọ pịrịị, mịẹtẹ ọmịna Ḍaḅọ So-ḅio simearị ḅọ ḅe sọ ọ́ mịẹ-irima tẹ aị ma wẹrịso ọ́ pịrị ḅarị ḅara.” [

Luku 20:47

Ini ma anie diapụ-fịtẹ-ereme ma sime-ḅara ḍiki tẹ ịn nyana aị fọịn ọkị tẹ nwẹnị nangwọ atẹkẹ kọn-kọn ịn pịrịarị apụ. Ḅo ịn la ḅarị fomu-ḅara sii ḅaka lama ḅa!”

Luku 22:41

Anịtẹso ọ̀ nwẹnị kẹlẹ ịna ḅụ sikima, tẹ kparakị tẹ tẹkẹ.

Galesiya 3:10

Wori-nume Oloko mẹ koko ḅụ sịrẹrẹ wararị apụ ọgọnọ emi. Kẹ gotẹ ọkọ ḍukoarị, Fịafịa Ḍiri mẹ ḅẹẹm, “Ḅẹḅọ-ḅẹḅọ tẹ, sakị mamgba, Oloko ḍiri mẹ ḅio kẹẹ koro wararị ye goyegoye poki tẹ mịẹ-a ḅọ mẹ Tamụnọ wori-nume mḅọ ọgọnọ emi.”

Filipayị 3:6

tẹ arịḅẹ ḅio-sẹsẹ ḅụ mịẹ ja apụ nẹngị ḍọkị ḅụ à ḅaa-ḅọkọ kẹ sọsị mẹ ḍọkịm. Tomḅọ nwẹnị inetẹ Oloko mẹ tọn koroma aị ma koko ḅụ karakara mịẹ ḅọ sọ ḅa ḅẹ kụma, yẹrị ị̀ ḅụụ ḅẹẹ ḅẹẹ ye ofori.

Mịẹfinji 3:17

Ị́yẹrị mẹẹ, ‘Àrị ngọ-kọn wararị, tẹ ye ị̀ na iḅi fama wararị; à ḅiiarị ye goyegoye à nyana tẹ.’ Kụma ye si ị́ pịrị la ḅara na, ị́ sịḅị-jịrịma ḅara simearị mẹ na, í nimi-a! Ị́yẹrị, í igoin wararị, ị́ paụ wararị, tẹ ị́ tọrụngbọ pịkị pụụn wararị.