Luku 18:10 - FỊAFỊA BAỊBỤLỤ

¹⁰ “Maa apụ gbọrụ sakị Tamụnọ-warị mẹ ḅio tẹkẹ ḅẹ mum, gbọrụḅọ Farịsiiḅọ, osi-ḅọ ama-igbigi da ḅọ.

Luku 18:10 Iomraidhean Croise

1 Amadapụ 10:5

Ọ̀ dẹbịlẹ ọgọnọ in gbana ọ̀ pịrị afịaị ma na ọ̀ fịrịmẹnjị-opuapụ ma angarị awarị ma na, ori afịrịmẹnjị-opuapụ ma lẹgị ọrụtọn ḅara mẹ amadapụ warị mẹ ḅio na, pịkị gbọrụ tọrụ sụa kapa ma tẹ in sụa wararị aị ma na, fịrịmẹnjịapụ ma tẹ ò fịye fị kiri ḅụ ò koru tẹ ò ḍikiḍikiarị apụ ma na, pịkị dọkịma-agba tẹ ọ̀ Tamụnọ-warị mẹ ḅio mịẹ agba ma ẹrị fama tẹso, á nwẹnị ḅụụ-gbiripu tẹ tẹmẹ-naịn-naịn.

1 Amadapụ 8:30

Ị̀ atẹkẹ ma naa, pịkị ị́ atomi Izirẹlị ḅẹ apụ ma atẹkẹ ma sọ naa, ịn tọrụ kẹ mị yọ mẹ da tẹ tẹkẹ sakị. So-ḅio ị́ ama ḅụ wa naa, tẹ ị́ naa tẹ ḅẹḅẹ, si-wẹrịso wa pịrị.”

2 Amadapụ 20:5

“Ọḅụ pịkịị, tẹ Hẹzịkaya ị̀ atomi ma amadaḅọ ḅe ḅẹẹ, Mie KỊNỊNYANAḄỌ, ị́ ḍa Devidi Tamụnọ ḅe ḅẹẹ ḅara: Àrị ị́ kọn tẹkẹ naa tẹẹ; à pịkị ị́ tọrụ sara owu-minji ma ẹrị tẹẹ. Àrị ị́ gwọ ḅa; tẹra aḍin karama ene ḅụ í saakị KỊNỊNYANAḄỌ Fịafịa-warị mẹ mu ḅa.

2 Amadapụ 20:8

Hẹzịkaya nwẹnị Ayịzaya ḅẹẹ, “Tọ elekima mịẹ ḅa mịnẹ KỊNỊNYANAḄỌ ḅe ị̀ gwọ ḅa, tẹ tẹra aḍin karama ene ḅụ à saakị tẹ KỊNỊNYANAḄỌ ḅe warị mẹ mu ḅẹ?”

Matiyo 10:3

Filipu na Batolomiyo na; Tọmọsị na Matiyo ama-igbigi da ḅọ ḅe na; Jemusị, Alịfịyọsị tụḅọ ḅe na Tadịyọsị na;

Luku 19:46

tẹ ịn ḅẹẹm, “Fịafịa Ḍiri mẹ ḅio anị kọkọ kẹẹ wararị mịnẹ Tamụnọ ḅẹẹm, ‘Ị́ warị mẹ ịn kẹ anị sịn ḅarịye tẹkẹ-warị’, kụma ọmịnị anị kẹ furu apụ ḅọị anga mịẹ tẹ!”

Fịrịmẹnjịapụ 26:5

In ḍuko ḍụkụ ḅẹ kụma, ịn kọkọ nimi wararị, mịnẹ tarị, tarị yẹrị Farịsiiḅọ, anie wamịna Tamụnọ nimi ọrụ ḅẹ ogbo ma ḅụ kụrọ nyana tẹịn ogbo.

Fịrịmẹnjịapụ 3:1

Gbọrụ ene ḅụ,, tẹra so ḅẹ tẹkẹ kọn, kọn sakị ḅụ, Pita na Jọnị na Tamụnọ-warị mẹ ḅio tẹkẹ ḅẹ mum.

Filipayị 3:5

Ì iyingi ì iyi koroma tẹ ninea ḍin ini ị̀ tarị-ḅụụ siinm; arị iyi ọrụ ḅụ yẹrị Izirẹlị ḅẹ ḅọ, Benijamịnị furo ḅụ à pakam, karakara Hiburu ḅẹ ḅọ. Juu-ḅẹ-apụ Oloko mẹ koko gboloma ye ḅụ, yẹrị Farịsiiḅọ,