Luku 17:8 - FỊAFỊA BAỊBỤLỤ

⁸ Gbala-gbala, ọkọ-a! Anie nakara í ọ̀ ḅẹẹarị, ‘Fịye mịẹ ị̀ pịrị, tẹso, ị́ tọrọkọ gbaịn ḅịtẹ kpọọ tẹ ì koru à ye mẹ fị tẹ pịkị minji ḅuu, tẹrẹmẹ í í nye fị.’

Luku 17:8 Iomraidhean Croise

Suku-saakị 43:16

Josẹfụ Benijamịnị na ini na ẹrị tẹso, ọ̀ nwẹnị ọ̀ warị ḅẹ fịrịmẹnjịḅọ ḅẹẹ. “Tomi ma ọkị-ḅo ị̀ warị ḅio suu, tẹ nama gbọrụmgbọ ḅaa, gbala eneḅaka ogbo ḅụ arị ini na fịye fị gboloma ḅa ẹrẹsị.”

2 Samụẹlị 12:20

Anịtẹso Devidi nwẹnị kiri mẹ ḅio saakị tẹ minji ḅiri, tẹ olo kẹ amịna oju ọmbị; tẹ ori akapa ḍima, tẹ nwẹnị mẹnjị KỊNỊNYANAḄỌ ḅe warị ḅio sọ-mu, tẹ sunsin; anịtẹrẹmẹ ò so ò soku-ḅẹ warị mum; ò fịye ḅii tẹso, in fịye kẹ ḅo ọ̀ tọrọkọ gbanam, tẹ ọ̀ nwẹnị fị.

Luku 12:37

Ịn Nyanaḅọ ḅo la tẹ in mono-a tẹ koruarị ye ẹrị kụma anị opu ḅioḅẹlẹma ye sọ arị afịrịmẹnjịapụ ma pịrị ḅa! À ḍuko ọ́ pịrịarị, ori ori ọgọnọ ḅẹ kapa sin koroma tẹ ịn ḅẹẹ tẹ ịn lẹgị tẹ ye fị ḅa, tẹ ori rẹ fịrịmẹnjị ịn pịrị ḅa.

Luku 17:7

“Ọkịị mịnẹ ọmịna ḅụ ḅẹ gbọrụḅọ fịrịmẹnjịḅọ ọkọ tẹ ọ̀ ḍụọ kọrịarị, anịanịa anana ḍikiḍikiarị. Tẹ ọ̀ kọrịnama kọrị fama tẹ ḅo warị la kụma ọ́ ḅọrọ ọ̀ ḅẹẹ ḅẹ mịnẹ ọ̀ fọnya ye tẹ ḅo ye fị?

Luku 17:9

Fịrịmẹnjịḅọ ḅe ịn tọn ọ̀ pịrị ye mịẹ kụma ị́ ịmịẹtẹ kẹ ọ̀ ḅẹẹ na-iḅi?

Jọnị 13:4

Mie ḅụ ọ̀ nwẹnị dẹbịlẹ mẹ suku-saakị tẹ ori ọgọnọ ḅẹ kapa sin koroma, tẹ tawolo kẹ ò ḅiri ọkị.