Luku 17:30 - FỊAFỊA BAỊBỤLỤ

³⁰ Anie Tomḅọ Tụḅọ ḅe ḅụụ pakama ḅarị ene mẹ sọ sime ḅarị ḅara.

Luku 17:30 Iomraidhean Croise

Matiyo 16:27

Gbala Tomḅọ Tụḅọ ḅe ori enjẹlị ma na ọ̀ Ḍa ḅe ebube mẹ ḅụ ḅo ḅẹ-yearị, tẹ ò ḅo sakị ọ̀ nwẹnị ọrụḅọ-ọrụḅọ kọrị aị ḍikitẹ gbẹẹ-ye kẹ mḅọ pịrị ḅa.

Matiyo 24:3

Jizọsị Olivu Tụndụ ọgọnọ lẹgị-sime wararị ogbo, ò ḍukamẹnjịapụ ma ọ̀ dama-ḅo tẹ, ja apụ ofori ḅara ḅụ, ọ̀ ḅẹẹm, “Mie-mẹmgba mịẹ ḅẹ sakị na, paka tẹ wa kẹ í ḅoo mẹ na, mị ḅụọ mẹ kunoma mẹ na, nimi ḅarị aị na ḍuko wa pịrịị.”

Matiyo 24:37

Tomḅọ Tụḅọ ḅe ḅoo mẹ Noha ene ḅaka paka ye na kịka ḅa.

Matiyo 24:39

anịsọ paka ḅẹ-yearị ye mẹ ịn lekiri-a nwenii opu minji mẹ ḅo ịn gbaịn tẹ ịn fọnọ so sakị lam. Anie anị sime ḅarị ḅara Tomḅọ Tụḅọ ḅe ḅoarị sakị mẹ ḅụ.

Matiyo 26:64

Jizọsị nwẹnị ọ̀ pakịrị, “Anie ị́yẹrị ḍuko ḅara. Kụma à ḍuko ọmịnị-mgba pịrịarị: mị sakị mẹ ḅụ saakị mu ó Tomḅọ Tụḅọ ḅe ẹrị ḅa, ọ̀ Kụrọmamgba Nyanaḅọ ḅe ama-ḅara anga lẹgị-sime wararị, tẹ So-tọrụ ḅụ oḅuto ọgọnọ sime tẹ ḅoarị!”

Makị 13:26

Anịtẹrẹmẹ Tomḅọ Tụḅọ ḅe, opu kụrọ na ebube na kẹ, oḅuto mẹ ḅụ ḅo tolu-paka ḅa.

Luku 17:24

So ḅalapụ tẹ anị ḅẹ bele mẹ puu saḅa-ḅọrọ ḅara anie Tomḅọ Tụḅọ ḅe ḅo ḅẹ ene mẹ sọ sime ḅarị ḅara.

Luku 17:29

Lọtị ḅe Sọdọmụ koroma-so eneḅaka So-ḅio fịnị na ḍụḅarị na ene sara ḅara sara tẹ inimgba ḅaa famam.

Luku 21:22

Arị ene ma anie ‘Fomu-ḅara ḅo tomi la ḅẹ ene ma,’ tẹ Fịafịa Ḍiri mẹ ḍuko aị mamgba mịẹ fama ḅa.

Luku 21:27

Anịtẹso Tomḅọ Tụḅọ ḅe ḅụụ pakama tẹ kụrọ na ebube na kẹ So-tọrụ mẹ ḅụ ideri-ḅo ḅa.

1 Kọrịntị 1:7

mịẹtẹ boma tẹ ọ́ gbarị ḅẹ gberie-sọ ofori, ó sime tẹ wa Nyanaḅọ Jizọsị Kịrayịsị amịna ḅụụ ḍie-pakama ḅarị sakị mẹ koruarị, sakị goyegoye ḅụ.

1 Kọrịntị 1:8

Ọ̀ pịkị ọ́ mịẹ tẹ ọ́ sịẹ-kụrọ mu kunoma la ḅa, mịẹtẹ wa Nyanaḅọ Jizọsị Kịrayịsị Ene mẹ ḅụ ọ́ ḅụụ ḅụ ḅẹẹ-ḅẹẹye ofori ḅara sime ḅarị ḅara.

Kọlọsị 3:4

Ọmịna karakara ḍumo anie Kịrayịsị, ọkọẹrẹsị, ọ̀ paka-ḅo ḅarị sakị, ọmịnị sọ ori na paka-ḅo tẹ ori na sọ tẹ ebube nyana ḅa.

2 Tẹsalonịka 1:7

tẹ ọmịnị tọrụsiẹrịarị apụ ma ori anị feke-fekema ọ́ pịrị ḅa, pịkị wamịnị sọ. KỊNỊNYANAḄỌ Jizọsị ori opu enjẹlị apụ na So-ḅio sime tẹ ḅo tolu-sịẹ ḅarị sakị mẹ ḅụ mie ò miemẹ mịẹ ḅarịye,

1 Pita 1:13

Ọkọẹrẹsị, ó ḅioḅẹngbọ mẹmgba karakarama tẹ kẹ ọ́ mịẹ ḅẹ ye mẹ pịrị. Ọ́ karakara sime tẹ gbọrsịḅị ọmịna ḅiokpọ mẹmgba kẹ Kịrayịsị amịna ḅụụ ḍie-pakama ḅarị sakị mẹ ḅụ ịn kẹ ọ́ pịrị ḅarị boma mẹ ọgọnọ gbanaa.

1 Pita 1:7

Ọ́ karakara minini nyana na nyana-a na, mie in nimi ḅẹ tẹ ọ́ daaḍikiarị. Golu tẹ inetẹ gulugulu fa ḅarịye mẹ sọ, ịn fịnị kẹ anị daaḍikiarị tẹ ọmịna minini mẹ, tẹ yela kpọma golu nẹngị ye mẹ rẹ mie ịn daaḍiki tẹ nimi ḅẹ ye anị ene la ḅarị ḅoto. Anị ọkọ paka tẹ ḅẹḅẹ, ó tokini na, ebube na, kụn na nyana ḅa, Jizọsị Kịrayịsị amịna ḅụụ ḍie-pakama ḅarị Ene mẹ ḅụ.

1 Pita 4:13

Anie nakara, ó ḅioḅẹlẹẹ mịnẹ ọ́ Kịrayịsị atọrụsiẹrị ma ḅụ ọ́ la kiri ọkị tẹẹ, mịẹtẹ ori ebube mẹ tolu-paka ḅẹ sakị ó ḍereku ḅarị ḅara.

1 Jọnị 2:28

Ọkọẹrẹsị, ị̀ awọmẹ, ọmịnị ori na gbọrụ ḅụụ simee, mịẹtẹ ò tolu-sịẹ sakị, wa ḅiokpọ lama tẹ ḅarị ḅụụ-jịrị ḅụ ò ḅoarị Ene mẹ ḅụ ọ̀ ḅụụ ḅụ kikima ḅịa ḅara.

1 Jọnị 3:2

Ì iḅi ikiapụ, mịọkụ wamịnị Tamụnọ awọmẹẹ; kụma tọrọkọ-jụ wa sime ḅarị ḅara amụ giregire paka-a. Kụma wa nimi wararị mịnẹ Kịrayịsị tolu-paka sakị, wa ọ̀ kịka ḅa, anie wa ò sime karakara ḅara mẹ kẹ ori ẹrị ḅarị ẹrẹsị.

Mịẹfinji 1:7

Ḍikii, oḅuto na ò ḅoarị! Ọrụḅọ-ọrụḅọ ori ẹrị ḅa, ḅẹkẹrẹ kẹ ò temi apụ ma sọ ori ẹrị ḅa. Tomikiri ḅẹ atomi mamgba ò gotẹ kururu ḅa. Anie anị sime ḅarị ḅara!